Пән: қазақ тілі

Ұзақ мерзімді жоспар бөлімі:

2-бөлім «Киім.Сән.Талғам»

Күні:

Сынып: 5

Мектеп: Талдықорған қаласының облыстық есту қабілеті бұзылған балаларға арнайы мектеп-интернаты

Мұғалімнің аты-жөні: Трусбекова Салтанат Кабидулдановна

Қатысқандар саны: 15

Қатыспағандар саны:

Сабақ тақырыбы

Сән мен талғам

Осы сабақта қол жеткізілетін оқу мақсаттары (оқу бағдарламасына сілтеме)

Оқылым стратегияларын қолдану: жалпы мазмұнын түсіну үшін оқу, нақты ақпаратты табу үшін оқу (5.О6.);

Жанрлық ерекшеліктеріне сай рәсімделуі мен құрылымын сақтап, хат, жарнама, хабарландыру құрастырып жазу (5.Ж2);

Сабақ мақсаттары

Барлық оқушылар: Жалпы мазмұнын түсіну үшін оқиды

Көптеген оқушылар: Нақты ақпаратты табу үшін оқиды

Кейбір оқушылар: Жанрлық ерекшеліктеріне сай хат, жарнама, хабарландыру жазады

Жетістік критерийлері

Мәтін мазмұнын түсіну, нақты ақпаратты табу үшін оқи алады

Жанрлық ерекшеліктеріне сай құрылымын сақтап, хат, жарнама, хабарландыру құрастырып жаза алады

Тілдік мақсаттар

Сән, талғам, классикалық стиль, спорттық стиль, ұлттық стиль, сән әлемі, озық технология, белгілі дизайнер, заманауи үлгі, жарасымды киім, адам өміріндегі маңызы, жарасымды киім.

Құндылықтарды дарыту

Тарихтың, мәдениет пен тілдің біртұтастығы

Пәнаралық байланыстар

тарих, әдебиет, музыка

АКТ қолдану дағдылары

Музыка

Бастапқы білім

Ақ кимешек

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

«Ең, ең, ең» әдісі арқылы ынтымақтастық атмосферасын қалыптастыруда өздерінің ең жақсы қасиеттерін дөңгелек қағаздарға жазып, кеуделеріне тағады. (Ең ақылды, ең әдемі, ең мейірімді, ең көңілді т.б.)

• Өте жақсы, енді мына суреттер қасындағы эмблемаларды алыңыздар.

Оқушыларды суреттер арқылы топқа бөлемін.

І топ «Классикалық стиль»

ІІ топ «Спорттық стиль»

ІІІ топ «Ұлттық стиль»

• Бұл стильді не үшін таңдадыңыз?

• Яғни, бүгін сабақта біз қандай тақырып бойынша жасаймыз?

(Топ атаулары арқылы сабақ тақырыбын анықтау)

«Ең, ең, ең»

әдісі

Сабақтың ортасы

(Т) «Қабырғадағы рөл» стратегиясы арқылы оқушыларға киімдер сұлбасы беріледі. Оқушылар суреттердің ішіне осы киім стилі туралы өздерінің білетіндерін жазады. Мәтінді оқығаннан кейін, киім туралы алынған мәліметтерді суреттің сыртына жазып шығады.

Классикалық үлгідегі киімдер

Классикалық стильге (қатал, іскер, сәнді киіну ) салыстырмалы түрде тұрақты, сән әлеміндегі өзгерістерге онша беріле бермейтін барлық киім түрлері кіреді. Ерлердің классикалық киімдеріне – костюм шалбар немесе тек шалбардың өзі, жакет - костюм, ағылшын пальтосы, ал әйелдердің классикалық киіміне – жеңді көйлек жекетімен, белдемше кіреді.

Классикалық үлгідегі киімді өзіне сенімді адамдар таңдайды деген пікір қалыптасқан. Бұл рас, алайда классикаға құмар жандар қатарында өз таңдауын жасауға қорқып, классикалық киімді кисем, қателеспеймін-ау дегендерде енеді екен. Өзіне сенімді кісі еш уақыттта пиджагының барлық түймелерін түймелемейді. Тұрақтылықты қолдайтын адамдар екі қатар түймесі бар пиджактарды таңдайды. Ал, бір қатар түймесі бар пиджактың иесі жайдары, ашық жүзді кісі болады. Сондықтан «Адам көркі- шүберек» деп бекер айтылмаса керек. Классикалық киімдер - қимылға кедергі келтірмейді, ыңғайлы, түстері қатты ашық емес, нәзік, тынық киімдер.

Спорттық үлгідегі киімдер

Спорттық үлгідегі киімді тек спортшылар киеді деп айту қате пікір. Спорттық стиль - демалыста, спортпен айналысқанда, саяхатқа шыққанда киюге ыңғайлы киімдер. Спорттық киімдерді көп нәрсеге көңіл бөле бергісі келмейтіндер де сүйіп киеді. Спорттық киімдер ассортименттері - күртеше, жейде, әр түрлі ұзындықтағы және әр түрлі әрленген белдемшелер комбинезондар, джинсы киімдері. Бұл стильдегі киімдер түйме, батырма, сыдырма түймелердің, дәл және тартымды орналасуымен ерекшеленеді. Джинсы шалбары, кеды не крассовкалар, жалпы спорттық киім қазіргі жастардың дертіне айналды. Психологтардың айтуынша бұндай киім үлгілерін ауырдың астымен, жеңілдің үстімен жүретін, қиналғысы келмейтін адамдар таңдайды екен. Сондықтанда «киім- мінез айнасы» деп бекер айтылмаса керек. Қазіргі үлкен қалалардағы өмірге сай ыңғайлы әрі жеңіл болады.. Жалпы спорттық стильдегі киімдерде адам өзін еркін және ыңғайлы сезінеді.

Ұлттық үлгідегі киімдер

Қазақтардың қазіргі киімдерінің тарихы сақ дәуірінен бастау алады. ХХ ғасырда Ойыл мен Сағыз бойын мекендеген қазақтардың киім-кешегін зерттеген С.И.Руденко, тіпті күпінің қазаққа кем дегенде екі мың жыл бұрын белгілі болған киім үлгісі екенін дәлелдеп берді. Қазақ киімдерін кеңінен зерттеу Қазан революциясынан кейін ғана қолға алынды.
Қазақ халқының ұлттық киімдері климаттық жағдайлар ескеріліп, ежелгі дәстүрлер бойынша тігіледі. Қазақтарда ішкі, сыртқы, сулық, біркиер, сәндік, салтанат-ғұрып киімдері болады. Біркиер киім қымбат матадан тігілген. Той-думандарға барғанда, жат елге сапарға шыққанда киетін сәнді киім болған. Ішкі киімдер: көйлек, желет, кәзекей; сыртқы киімдер: шапан, күпі, кеудеше, тон; сулық киімдерге: шекпен, шапан, т.б. жатады. Қазақ әйелдерінің ұлттық киімі: көйлек, кимешек, қамзол, тақия, сәукеле, кәзекей, кебіс, мәсі, т.б.

Дескриптор:

1.Суреттер сұлбасының ішіне сол сурет бойынша білгендерін жазады.

2.Мәтінді оқып түсінеді.

3.Мәтін бойынша классикалық киім, спорттық киім және ұлттық киім туралы алынған мәліметтерді суреттің сыртына жазады.

Топтар өзара жауаптарына қарай бір-біріне шапалақтау түрінде формативті баға береді. ( Топ оқушылары қағанаттаралық деңгейде орындаса, бір шапалақпен; топ оқушылары 1-2 қате жіберсе, екі шапалақпен, барлығын толық орындаса, үш шапалақпен бағалайды.)

• Балалар , жуырда біздің қалада белгілі дизайнерлердің сән апталығы өтпекші. Соған біз де атсалысуымыз керек. Ол үшін бізге хабарландыру, жарнама, хат жазу керек.

І топ: «Спорттық киімдер» тақырыбында хабарландыру дайындаңыздар.

ІІ топ: Классикалық киімдерге жарнама жасаңыздар. «Сән әлемі, озық технология, белгілі дизайнер, заманауи үлгі, жарасымды киім » деген сөздік материалын қолдануларыңыз керек.

ІІІ топ: Ұлттық киімдер топтамасы бойынша отандық дизайнер Аида Кауменоваға ашық хат жазуларыңыз керек.

Дескриптор

1. Хат, хабарландыру, жарнама жазу үлгісін еске түсіреді.

2. Жанрлық ерекшеліктеріне сай рәсімделуі мен құрылымын сақтайды.

3. Хат, хабарландыру, жарнама мәтінін құрастырып жазады.

Сергіту. «Сән шеруі» әр топ баяу музыка ырғағымен сән шеруін жасайды да өз жұмыстарымен таныстырады. (Әр стильге сәйкес келетін музыка қосылады)

Әр топ бір-бірінің жұмыстарын тыңдап «Бас бармақ» әдісі арқылы бағалайды. (Оқушылар бағалау кезінде дескрипторды ескереді. Егер үш қадам толық орындалса «өте жақсы», екі қадам орындалса «жақсы», бір ғана қадам орындалса «орташа» деп бағалайды.)

(Т) «Сәйкестендіру» әдісі арқылы мәтінге сүйеніп, сөйлемдердің сыңарын мағыналармен сәйкестендіріңдер.

І топ

ІІ топ

ІІІ топ

Дескриптор

1.Тапсырманың орындалу тәртібін түсінеді.

2.Сөйлем бөліктерін мұқият оқиды.

3.Сөйлемдерді сәйкестендіреді.

«Қабырға-дағы рөл» стратегия-сы

Керібайла-ныс

Хат, хабарлама, жарнама жазу

Сергіту «Сән шеруі»

Керібайла-ныс

«Сәйкестендіру» әдісі

Керібайла-ныс

Сабақтың соңы

«Мидың суреті» әдісімен керібайланыс жүргізу. Оқушылар ақ параққа мидың суретін салып, ішіне бүгінгі сабақтан не үйренгенін жазады. Сыртына білгісі келетін, түсініксіз болған тұстарын жазады.

«Мидың суреті» әдісі

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

«Сәйкестендіру» әдісі арқылы тапсырма

«Мен қандаймын?»

«Қабырғадағы рөл» әдісі

Хат, хабарлама, жарнама жазу

«Сән шеруі»

«Сәйкестендіру» әдісі

Керібайланыстар: «Бас бармақ», «Үш шапалақ», «Смайликтер», «Мидың суреті»

Пәнаралық байланыс: тарих, әдебиет, музыка

Топқа бөлініп отырар кезде, тақтаға шығарда, «Мен қандаймын?» әдісі бойынша өздері туралы жазған эмблеманы кеудеге тағарда, подиумнан жүрерде қауіпсіздікті сақтауды ескертемін

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2: