Шаршама ұстаз шаршама Сәкен Шыныбековтың ұстазға арналған әнінің текст

Ән: «Шаршама ұстаз шаршама...»

Есімі мәшһүр баршаға,

Құрметті жандар қаншама.

Солардың бірі өзіңсің

Шаршама ұстаз, шаршама....

Қайырмасы

Ұстаздық деген ұлы есім,

Көңілге мәңгі түнейсің.

Самайындағы ақ шашта

Менің де бар-ау,

Менің де бар -ау үлесім!

Үйреттің әдепті өзіме,

Нәр алдым әрбір сөзіңнен.

Қиырға самғап кетсем де,

Көңілім бірге өзіңмен...

Қайырмасы

Ұстаздық деген ұлы есім,

Көңілге мәңгі түнейсің.

Самайындағы ақ шашта

Менің де бар-ау,

Менің де бар -ау үлесім!

Жанымды кернеп мың ағын,

Арналды ұстаз жыр әнім.

Ақ жүрегіңді білте қып

Білімнің жақтың шырағын.

Қайырмасы:

Ұстаздық деген ұлы есім,

Көңілге мәңгі түнейсің.

Самайындағы ақ шашта

Менің де бар-ау,

Менің де бар -ау үлесім!

Сәкен Шыныбеков