Саяхат дегеніміз не? Саяхат жасау біздің өмірімізге қандай пайдасы бар?

Саяхат жасау - адам өміріне тыныштық пен танымдылық сыйлап қана қоймай,сонымен қатар өзіңді басқа қырынан көретін ғажайып сәт. Мен үшін саяхат-жаңа әлемді ашумен тең,жаңа өлкемен танысып,тарихына көз жүгірту бұл сондай ғажайып сезім. Ал саяхатты неден бастаймын деген жандарға менің жазбамды соңына дейін оқуды ұсынамын,өйткені сіздерге өзімнің құнды ақпараттарыммен бөлісемін. 

Саяхат алысқа барудан басталмайды.Алдымен өз кіндік қаның тамған жеріңнің тарихи және көркем жерлерін аралаған жөн . Бұл өз өлкеңді жаңа қырынан танып,бай мұрасын бағалауды үйретеді.

Сонда ғана сіз өз қалаңыздың қандай ыстық екенін өз көзіңізбен көре аласыз. Мысалға мен саяхат жасауды 15 жасымнан бастадым. Оңтүстік өңірінің қыр сырын зерттеп,зерделеп өте қатты таң қалдым. Елімізде ғана емес қарапайым оңтүстіктің тарихына зер салып қарасаң таң-тамаша боларың анық. Айтпақшы сіздерге Ордабасы төбесінен бастап,Қожа Ахмет Ясауидің әкесі Ибраһим ата кесенесіне баруды ұсынамын. Тек бұнымен ғана шектеліп қоймай қазір туристтердің баратын сүйікті орындарының бірі Шымкенттің ескі қалашығын көруді ұсынамын. Бұл маңда қазба жұмыстары жүрседе қазір баратын турист саны артып келеді. Тек бұл емес оңтүстіктің тарихи жерлері өте көп. Және міндетті түрде баруыңыз керек.

Ендігі айтар кеңесім Қазақ даласының әсем табиғатын көріп, ерекше демалыс өткізуді ұсынамын. Шет елде ғана емес өзіміздің кең байтақ даламыздың ашылмаған құпиялары мен әсем жерлері қаншама. Елміздің сұлу табиғатына тамсанып, қоршаған ортаныда қорғау естен шығып кетпесін. Еліміздің өсіп,өркендеуіне атсалысу- біздің міндетіміз. Әр сапарыңыз жаңалық пен әсерге толы болсын!