Саяхатшы Дара

Мақсаты: Балалардың шығармашылық қабілетін дамыту

Міндеті: Балалардың бойында ертегілер туралы түсініктерін кеңейту.Ертегі мазмұнын суреттер арқылы қысқаша айта білуге үйрету.Үлкендерді тыңдауға,сыйлауға тәрбиелеу.

Әдіс-тәсілдер: ой толғаныс,салыстыру,көрсету,түсіндіру,сергіту сәті,шаттық шеңбері,тіл ұстарту жаттығуы,тірек-сызба әдісі,ойын.

Ертегілер еліне саяхат.Балаларды ертегіні жақсы қабылдай үйрету,сахналап беруге талпындыру.

Дамытушылығы: балалар бойындағы адамгершілік қасиеттерді дамыту.

Тәрбиелік: ұқыптылыққа жауапкершілдікке,жақсыдан үйреніп,жаманнан жиреніп,баланы жақсылыққа бейімдеу.

Көрнекілігі: «Ертегілер еліне саяхат» плакаты,шарлар,гүлдер,ертегі кейіпкерлерінің суреті.

Сабақтың барысы:

Сіздерден өскен балалар,

Батырлар мен даналар.

Құттықтаймыз мейраммен,

Құрметті біздің ата-аналар,балалар.тәрбиешілер!

Ертегілер ауыз әдебиетініңең көне жанрына жатады.Бұларда көбінесе өмірде сирек кездесетін ойдан шығарылатын оқиғалар баяндалады.Ол ауызша айтылып,ел есіне ғасырлар бойы сақталып,ұрпақтан-ұрпаққа ауысып,біздің дәуірімізге жеткен.Ертегілер көбінесе қара сөз түрінде айтылады.Кейде өлең түрінде де кездеседі.

Ертегілердің әдетте басталулары ұқсас: «Баяғы өткен заманда бір шал мен кемпірдің болыпты» немесе «Ерте,ерте ертеде,ешкі жүні бөлтеде»деп те басталады.Ертегі соңы олар «сөйтіп мұратына жетіпті» үнемі жақсылықпен аяқталады.

Ертегілер мынадай жанрларға бөлінеді:

1.Қиял-ғажайып;

2.Хайуанаттар туралы;

3.Шыншыл ертегі;

4.Тұрмыс-салт ертегілері;

«Балалар,міне,бүгін біз ертегілер әлемінде қонақтамыз.Осы уақытқа дейін көп ертегі-аңыздармен,әңгіме-жырлармен,өлең-тақпақтармен,жұмбақ-жаңылтпаштармен танысып,естіп білдік,олардың суретін салып бейнелеу өнерінің сырларын үйрендік.Қане,есімізге түсірейікші,жыл бойы қандай ертегілермен таныстық?»

Балалар өткен ертегілерді естеріне түсіріп,қайталап айтып шығады.

*Біз қазір күн шуағы нұрын төккен,кең даланың ұзын, соқпақ жолымен жүріп,саяхатымызды бастаймыз.

Жылулық шеңбері

Ертегілер әнін тыңдап,әуенге сай билейді.Тәрбиеші қолына «сиқырлы таяқшаны» алып,әр баланы түрлі ертегі кейіпкеріне айналдырады.Тәрбиеші сиқырлы заттың атын атайды,балалар өткен ертегілерді еске түсіріп,заттың қай ертегіде сиқырлы әрекеттер орындайтынын табады.(кілем-ұшақ,сиқырлы таяқша,алтын кілт,алтын балық т.б.)

Ертегілердің тілі көркем,қарапайым,түсінікті жеңіл келеді.Сендер құрметті жас достар,ертегінің осылай тілі арқылы халықтың өз өмірлерін жақсарту жолындағы арман-тілектерін,тамаша қиялдарын біліммен қоса өздеріне солай қиялдауға,армандауға үйренесіңдер.Ертегінің көркем де,жеңіл тіл сендердің қиялдарыңа қанат бітіріп,арманды ақиқатады,қайратты істерге құлшындырады.Шешен сөйлеуге,өз ойларыңда әдемі баяндауға үйретеді.Тіл құдіреті сені небір құпия сырлар әлеміне жетелейді,көзіңді ашып,кереметтерді танытады.Ертегілерді сүйе біл, сүйсіне тыңда.одан тіл үйрен.