«Өжек Жаңабаев атындағы орта мектеп» коммуналдық мемлекеттік мекемесі

26 ақпан 2025 жылы Алматы облысы Кеген ауданы Кеген ауылы «Өжек Жаңабаев атындағы орта мектеп» КММ-нде «Табысты сабақ нәтижелеріне жету жолдарын айқындау» тақырыбында аудандық ашық есік күні өткізілді. Аудандық әдістемелік орталығының әдіскері Толымбекова Нургуль Қанапияқызының ұйымдастыруымен өткен «Табысты сабақ» жобасы негізінде ашық сабақтар өткізілді.

«Табысты сабақ» жобасы аясында 3 сабақ жоспарланып өткізілді. Педагог-сарапшы физика пәнінің мұғалімі Кусаинова Лаура 9-сыныпта «Дыбыс,дыбыстың сипаттамалары», педагог-сапаршы қазақ тілі мен әдебиеті пәні мұғалімі Ауғанбай Гулдана 7-сыныпта «Жау тылындағы бала», педагог математика пәні мұғалімі Иемберді Ерлан 7-сыныпта «Қысқаша көбейту формулаларының көмегімен өрнектерді түрлендіру» тақырыбында ашық сабақтар өткізді. Іс-шараға жоғарыда аталған пәндер бойынша ауданнан 20 мұғалімнен тиімді кері байланыстар алынды. Білім алушыларды бағалау жүргізу барысындағы дескрипторлардың тиімді болғанын, әр білім алушы нақты бағаланғанын айтты. Мұғалімнің сабақтары үлгілі деп бағаланып, іс-тәжірибелері аудан көлемінде таратылды.

Аудандық әдістемелік орталығының әдіскері Толымбекова Нургуль Қанапияқызы іс-шараны қорытындылай келе, қысқа мерзімді жоспар талапқа сай құрылғанын, жеке және жұптық жұмыс, таңдалған әдіс-тәсілдер тапсырманы орындап, сабақ мақсатына жетуге тиімді таңдалғанын айтты.