Сен білесің бе?

Бекітемін: Көкен Г.

Зияткерлік сайыс «Сен білесің бе?»

Сабақтың мақсаты:

Білімділік: оқушылардың өткен тақырыптар бойынша алған білімдерін пысықтап, ой-өрісін, білім деңгейін кеңейту.

Дамытушылық: түрлі әдіс-тәсілдер арқылы оқушылардың тіл байлығын, ойлау қабілетін, тілге деген шеберліктерін жетілдіру.

Тәрбиелік: оқушылардың тілге деген қызығушылығын арттыру, Отанын, туған жерін, елін сүюге, халық дәстүрін сыйлауға тәрбиелеу.

Сабақтың түрі: сайыс сабақ.

Сабақтың көрнекілігі: суреттер, кеспе қағаздар.

Ән ұран

Көп тіл білсең көкжиегің кең болар,

Құрметтейді кісі екен деп, төрге озар.

Қай елде жүрсең де бұл, дұрысы-

Мемлекеттік тілді білген жөн болар.

Бүгінгі сайыс сабағымыз мынадай кезеңдерден тұрады:

1.Таныстыру.

2.Дода

3.Сөз мәйегі – мақал.

4.Кім жылдам?

5.Әріптер сайысы.

6.Сен білесің бе?

7.Ойлан, тап.

8.Кім тапқыр?

9.Өнерпаз болсаң...

І кезең. «ТАНЫСТЫРУ»

І топ: «Қыран» ІІ топ: «Ұлан» IIIтоп: «Жүйрік»

ІІ кезең. «ДОДА»

Бұл кезеңде әр топқа 10 сұрақ қойылады. Берілген сұрақтарға тоқтаусыз, дұрыс әрі жылдам жауап берулері керек.

І топқа:

1.Қазақстан Республикасының Тәуелсіздігіне қанша жыл толды? /27 жыл/

2.22 – наурыз қандай мейрам?/Ұлыстың ұлы күні/

3.3 биді ата? /Төле би,Қазбек би, Әйтеке би/

4.Ең киелі құс. /аққу/

5.Күздің бірінші айын ата. \Қыркүйек\

6.Жылқы иесі кім?/Қамбар ата/

ІІ топқа:

1.Қазақстанның рәміздерін ата. /Ту,Елтаңба,Әнұран/

2.Абай Құнанбаев кім? /ақын/

3.Қыс айларын ата./желтоқсан,қаңтар,ақпан/

4.Қазақ тілінде неше әріп бар. /42/

5.Апта күндерін ата./Дүйсенбі, Сейсенбі, Сәрсенбі, Бейсенбі, Жұма, Сенбі, Жексенбі/

6 Адамда неше мүше бар? /12/

III топқа:

1.Бір жылда неше ай бар?/12/

2.Зат есім қандай сұраққа жауап береді?/кім? Не?/

3.Құнанбаевтың аты кім? /Абай/

4.Сиыр иесі кім? /Зеңгі баба/

5.Мәтін дегеніміз не?

6.Табиғат нешеге бөлінеді?/өлі, тірі/

ІІІ кезең. «СӨЗ МӘЙЕГІ – МАҚАЛ»

Сайыскерлер Отан, өнер – білім, еңбек, жақсылық пен жамандық туралы мақалдардың жалғасын айту.

1.Отансыз адам – Ормансыз бұлбұл ,

2. Елінен безген ер оңбас. Көлінен безген қаз оңбас.

3.Білім таппай мақтанба Өнер таппай баптанба. ,

4. Оқу- білім бұлағы,

Білім – өмір шырағы.

5.Еңбек етсең ерінбей Тояды қарның тіленбей. ,

6. Көз қорқақ,

Қол батыр.

7.Ашу – дұшпан, Ақыл – дос.

8. Әдепті бала – арлы бала,

Әдепсіз бала сорлы бала.

ІV кезең. «КІМ ЖЫЛДАМ?»

Берілген сөздерді орын тәртібі бойынша қойып жазыңдар.

1. БЕТҢАЛА /елтаңба/

2. ЗЕКӘСТІУІЛД /Тәуелсіздік/

3. РӘКЕБТЕЙ /Бәйтерек/

4. ЫНАРШАХТ /Ханшатыр/

5. НҰАНӘР Әнұран

6. ЕТМКПЕ Мектеп

V кезең. «ӘРІПТЕР САЙЫСЫ»

Топтың әр мүшесі әріп таңдап алып, сол әріптен басталатын сөздер айту.

Т,Ж және Д

VІ кезең. «СЕН БІЛЕСІҢ БЕ?»

Берілген тапсырмаларға ойланып, дұрыс жауап берейік.

1.Авторы кім. (15 ұпай)

Мектебін аңсап, сағынып,

Балалар келер ағылып.

Ашылған гүлдей арайлы,

Көшенің бәрі қарайды /Өтебай Тұрманжанов/

2. Үнді дауыссыздарды ата. /л,м,н,ң, р,й,у/(10 ұпай)

3. Наурыз көжеге қандай тағамдар қосылады? (15ұпай) /тұз, сүт, мейіз, күріш, ет,сәбіз, құрт /

4. Ұлттық ойын түрлерін ата. (5 ұпай) /Ақсүйек, ханталапай, көкпар, аударыспақ, тоғызқұмалақ/

5 Сочи олимпиадасында мәнерлеп сырғанаудан қола медалға ие болған кім? /Денис Тен/(5 ұпай)

6. Тіл туралы тақпақтар (10 ұай)

VІІ кезең. «ОЙЛАН, ТАП!»

«Қарлығаштар» «Қазақстан» сөзінен сөздер құрап жазу.

Қорытынды Жеңімпаздарды анықтау.

М.Әбдіхалықов атындағы мектеп-гимназиясы

Сайыс сабақ

Тақырыбы: «Сен білесің бе?»

Сыныбы: 2 «В»

Сынып жетекшісі:Муратова А.

Ақшұқыр 2018-2019