Шетел азаматтарына алматы қаласының көрікті жерлерімен танысуда

Алатаудың баурайында орналасқан әсем қаламыз Алматының тарихымен таныстыру мақсатымен әл-Фараби атындағы Қазақ ұлттық университетінің https://www.kaznu.kz/ru/ Жоғары оқу орнына дейінгі білім беру факультетіне әлемнің төрт бұрышынан келген тыңдаушыларды «Мұражай тану және Жас тарихшыдар» үйірмесінің ұйымдастыруымен Алматы қаласының тарихымен таныстырып, қаланың көрікті жерлеріне саяхат жасалды. Қараша айында Абай даңғылында орналасқан «Қиялдар әлеміне», М.Әуезов театрына, Алматы қаласының оңтүстік шығысында, биіктігі 1070 м, 372 м болатын телевизияылық мұнара, қала тұрғындарының демалыс аймақтары орналасқан, Алматы қаласына панорамалық шолу жасайтын орын Көктөбеге, орман-тоғайлар қоршап жатқан «Медеу» мұз айдынына, Алматы маңындағы Іле Алатауы шатқалынан 2510 метр биіктікте орналасқан, 1954 жылдан бастап тау шаңғы спортшыларының сүйікті орнына айналған Шымбұлақ спорт кешеніне саяхат жасалды. Қаланың қай жеріне бармасын қызықтыру мақсатында бірінші тыңдаушыларға кез-келген жердің тарихы түсіндіріліп, таныстырылады. Біліммен қатар тәрбие беріліп, жаңа ортаға бейімдейтін факультетіміздің тыңдаушыларға берері көп. Факультеттен тыңдаушылар қысқа мерзімде өздеріне кейбір адамдар жылдар бойы жинайтын білім, тәрбие, тәжірбие алып шығады. Жылдар өтіп, қолдарына диплом алған түлектер Қазақстанға алғаш қадам басқанда құшақтарын айқара ашқан, алғаш дайындықтан өткен факультетті ерекше ыстық сезіммен, ықыласпен еске алып, алғыстарын білдіріп жатады.

Габитова В.А.

Әл-Фараби атындағы ҚазҰУ

ЖОО-ға дейінгі білім беру факультетінің оқытушысы