Сөйлем мүшелері. 29-34–жаттығулар.

4Г сынып

Қазақ тілі

Сабақтың тақырыбы: Сөйлем мүшелері. 29-34–жаттығулар.

Сабақтың мақсаты:

Білімділік Сөйлем мүшелері жайлы ұғым: Сөздердің сөйлем ішіндегі грамматикалық байланысы

Дамытушылық: Оқушылардың ойлау қабілетін, сөздік қорын дамыту, сөйлеу, әңгімелеу дағдысын жетілдіре отырып, мәнерлеп сөйлеуге, әдемі жазуға, өз бетінше жұмыс орындауға дағдыландыру.

Тәрбиелік: Ұжымда өзін-өзі ізгілікке тәрбиелеуге дағдыландыру. Туған жерін қастерлеуге, адамгершілікке, білімділікке тәрбиелеу. Еңбекке баулу.Үлкенді құрметтеуге тәрбиелеу.Достық қарым-қатынасқа баулу.

Сабақтың типі: Оқушыларға жаңабілім беру сабағы.

Әдіс-тәсілдері: СТО технологиясының тәсілдері, түсіндіру, сұрақ-жауап,

көрнекілік көрсету арқылы түсіндіру,жарыс, ойын.

Көрнекілік: Сөйлем , суреттер, қи мақағазар

Жоспар:

І. Ұйымдастыру кезеңі

ІІ. Үй тапсырмасымен тексеру

ІІІ. Жаңа сабақ.

ІҮ. Жаңа сабақты бекіту.

Ү. Қорытындылау, бағалау.

ҮІ. Үйге тапсырма.

Сабақтың барысы:

Ұйымдастыру кезеңі: а) Сәлемдесу , оқушыларды түгендеу,психологиялық дайындық.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс:.

Оқушылардың білімді белсенді меңгеруге дайындау кезеңі.

Сөйлем құрамындағы нақты сұраққа жауап беріп тұрған толық мағыналы

сөздерді сөйлем мүшелері дейміз. Айдын бормен жазды.

Жаңа сабақ.

Оқушыларды сабақтың тақырыбы мен мақсатын таныстыру.

Дәптермен жұмыс. Көркем жазу сәті

--------------------------------------------------------------------

(Қаламсапты дұрыс ұстау мен дұрыс отыру ескертіледі).

29-жаттығу.

Суретпен жұмыс

Өз отбасың туралы бірнеше сөйлем құрап жаз.

Отбасы мүшелерін ата.

СӨЙЛЕМ МҮШЕЛЕРІ

СӨЙЛЕМНІҢ СӨЙЛЕМНІҢ

ТҰРЛАУЛЫ ТҰРЛАУСЫЗ

МҮШЕЛЕРІ МҮШЕЛЕРІ

Бастауыш пен баяндауыштан басқа мүшелер

Баяндауыш

30- жаттығу.

Кестемен жұмыс

Сөйлемдегі бастауыш, баяндауыштардан басқа сөйлем мүшелерін тұрлаусыз

мүшелер дейміз. Оларға қандай? кімге? неге? нені? қашан? қайда? т. б.

сұрақтар қойылады.

31−жаттығу. Мақалды жатқа айт.

Сөйлем мүшесіне талда. Сөйлем мүшесі деген не?

Қандай сөйлем мүшелерін білесің

Ойлаумен ой толады.

Ойнаумен бой толады.

Сергіту жаттығуларын орындау.

Бастауыш пен баяндауыштың арасына қойылатын сызықша

32−жаттығу. Мақалды жатқа жаз. Сөйлем мүшесіне талда. Сызықшаның қойылу себебін түсіндір. Бастауышы да, баяндауышы да зат есімнен болатын үш−төрт сөйлем ойлап жаз.

Ата − бәйтерек, бала− жапырақ.

Жол атасы − тұяқ, су атасы − бұлақ, сөз атасы − құлақ.

Қосымша жұмыс

.Сөйлемдерді көшіріп жаз.

Сөйлем мүшесіне талда. Олардың астын тиісті сызықтармен сыз.

Қоңырау соғылды. Мұғалім сыныпқа кірді. Сабақ басталды. Ержан мәтінді тез оқыды. Балалар ертең зауытқа барады. Мектепте ардагерлермен кездесу болды. Екі бала домбыра тартты. Айнаш мұғалімнен рұқсат сұрады. Кезекші сыныпта қалы. Терезеден таза ауа кірді.

. Өлеңді мәнерлеп оқы.

Өлеңнің мазмұнын айт.

Өлеңнің алғашқы шумағын көшіріп жазып, сөйлем мүшелеріне талда. Сөйлем мүшелерінің байланысын сызбамен көрсет.

Кесіртке құмын сүйеді, Байғыз түнін сүйеді,

Тасбақа тыңын сүйеді. Құмырсқа күнін сүйеді.

Сұңқар шыңын сүйеді, Бал ара гүлін сүйеді,

Тұлпар қырын сүйеді. Төрт түлік төлін сүйеді.

Сабақты қорыту: Біз не білдік? Талқылау.

Сөйлем мүшелері.

Н ақты сұраққа Сөйлем мүшелері бір─бірімен

жауап береді байланысты болады.

Үйге тапсырма:. 33,34−жаттығу.

Оқушы білімі мен белсенділігін бағалау