Соңғы қоңырау салтанаты

Жамбыл жалпы орта білім беретін мектеп-балабақшасы

«Соңғы қоңырау»

салтанатының бағдарламасы

2017-2018 оқу жылы

Тақырыбы: «Құлақтан үнің кетпестей,
Сыңғырла, соңғы қоңырау!»

Азамат: Қайырлы күн ардақты ата-аналар, қадірменді қонақтар, ұстаздар оқушылар және мектеп түлектері! Міне, алтын ұя мектебіміз тағы бір салтанатты жиынға сап түзеді!

Гүлім: Бүгін-жүрек дүрсілінің өз әміріне бағынбай тулар күні.

Азамат: Бүгін-өмірдің алғаш соқпағының сынар күні.

Гүлім: Бүгін түлектердің мектеп биігінен шарықтап шығар күні.

Азамат: Бүгін-мектеп ақ жолынан қадам басып, жаңа өмірдің ақ жолын бастар күні.

Гүлім: Баршаңызда бүгінгі соңғы қоңырау салтанатына қош келдіңіздер! (бірге)

Азамат: Бүгінгі салтанатты жиында ҚР Мемлекеттік гимні орындалсын.

Гүлім:

Өтті қызық көп күндер

Бес жасқа да жеттіңдер.

Барасыңдар мектепке,

Бір белестен өттіңдер.

Балабақша түлектерін ортаға шақырамыз.

Балабақша тәрбиешілері Жолымбетова Айжан Жұмағалиқызы

Зейнекешова Гүлайым Нармағамбетқызы

Азамат:

Бастауышым бал бұлағым,

Алдым сенен балдың дәмін.

Әріп танып, білім алып,

Рахметімді жаудырамын,- дей келе бастауыш сынып түлектерін ортаға шақырамыз.

Бастауыш сынып жетекшісі Қайырлиева Гүлназ Манасқызы

Гүлім:

Толқимыз, толқып тұрсыз баршаңыз да,

Мұндай күй болған сірә қаншаңызда.

Қол соғып, қошаметпен шақырайық,

11-сыныпты ортамызға,-дей келе алтын ұя мектебінің табалдырығынан үлкен өмірге қадам басқалы отырған мектеп бітіруші түлектерді ортаға шақырамыз.

11 сынып жетекшісі Қойшекенова Нұрлыгүл Тұрсынғалиқызы

Бастауыш сыныптағы жетекшісі Қасымов Қазбек Рысқалиұлы

(11 сынып оқушыларын жетістіктерімен атап шақыру)

Екпінова Әсел Аудандық ағылшын тілі пәнінен олимпиада жүлдегері, облыстық волейбол жарыстарының жеңімпазы, алтын белгі үміткері;

Рақымғалиева Бегайым Бауыржан, Абай оқуларының жүлдегері, аудандық үздік оқырман байқауының жүлдегері;

Көптілеу Қыдырқожа География пәнінен олимпиада жүлдегері, аудандық спорттық ойындарының жеңімпазы;

Болатжанова Альбина ИНФОРМАТИКА білгірлері сайысының жүлдегері, волейбол құрамасының мүшесі;

Бауыржанов Бекзат Спорттық бағдарлаудан облыстық құрама команданың мүшесі, Облыстық, Республикалық спорттық бағдарлау жарыстарының жеңімпазы;

Аманжолова Жансая география және қазақстан тарихы бойынша Республикалық қашықтық олимпиадасының, қазақстан тарихы пәнінен аудандық олимпиаданың жүлдегері;

Шәбілов Елдар Волейбол құрама командасының мүшесі, аудандық сурет байқауларының жүлдегері;

Гарифуллина Гүлдәурен баскетбол, волейбол құрама командаларының мүшесі, аудан чемпионы;

Қабжанов Тілекбол Волейбол құрамасының мүшесі;

Азамат:

Әр мектеп әдемі кең ашқан есігін,

Жүректі тербеген сенің де есімің

Қияға ұшса да кешегі сан түлек

Ұмытпас бұл үйді - қастерлі бесігін,- дей келе осыдан жиырма жыл бұрын мектеп табалдырығынан ұшқан мектеп түлектерін ортаға шақырамыз.

Гүлім:

Жас қырандай қанат қағып қиялға,

Арман қуып ағаларым қиялда.

Жігері мен сеніміңді оттық қып,

Самға биік жалын атып жүр алда, - деп, түлектерге үлкен жолда сәт-сапар тілеп қонақтар келіп отыр. Бүгінгі салтанатты жиынға Батыс Қазақстан облыстық

Кәсіподағының төрағасы Сахипов Ғарапша Әділұлы, аудандық ветеринария бөлімінің басшысы Аймашев Кенжебек

аудандық білім беру бөлімінің әдіскері Төлегенова Айдана Жұмағалиқызы,

ауылдық әкімшілік аппаратының бас маманы Бақытжанов Ербол Қайратұлы ардагер ұстаз Такенова Бұлды Такенқызы , аудандық депутат Классен Ирина Петровна және мектебімізден түлеп ұшқан 20 жылдық түлектері келіп қатысып отыр.

Азамат:

Өмір дейтін ең биік асып қырдан,

Ұстазды алға арманы асықтырған.

Білім- бастау, ұрпағын сусындатып,

Басшы ұстаз ғой,

Ел мерейін тасыттырған!

Бүгінгі салтанатты жиынымызды ашу үшін, сөз мектеп директоры Исатай Исламұлына беріледі.

«Қазақстан бақыты» әнімен 3-сынып оқушысы Пауеденов Диясты қарсы алыңыздар.

Жетекшісі Аманжолов Жамбыл Аманжолұлы

Гүлім:

Жолдайды бүгін қонақтар,

Түлектерге ақ тілек

Өмір деген үлкен жолда

Ақ жол тілеп, бақ тілеп,- дей келе құттықтау сөз кезегі Батыс Қазақстан облыстық

Кәсіподағының төрағасы Сахипов Ғарапша Әділұлына беріледі.

Құттықтау сөз кезегі аудандық ветеринария бөлімінің басшысы Аймашев Кенжебек

Азамат :Балабақша бүлдіршіндерін орыс биімен қарсы алыңыздар. Жетекшісі Зейнекешова Гүлайым Нармағамбетқызы

Келесі құттықтау сөз кезегі аудандық білім беру бөлімінің әдіскері Төлегенова Айдана Жұмағалиқызына беріледі.

Гүлім: ауылдық әкімшілік аппаратының бас маманы Бақытжанов Ербол Қайратұлына сөз кезегі беріледі.

Азамат: Ұстазға керек үлкен жүректілік,

Ала алмас беделді ешкім тілеп тұрып.

Шын бедел, ел таңдауы, халық сыйы,

Оны ешкім бере алмайды үлестіріп.

Сөз кезегі ардагер ұстазымыз Такенова Бұлды Такенқызына беріледі.

Гүлім:

Әр мектеп әдемі кең ашқан есігін,

Жүректі тербеген сенің де есімің

Қияға ұшса да кешегі сан түлек

Ұмытпас бұл үйді - қастерлі бесігін,- дей келе жылы лебізін білдіру үшін осыдан жиырма жыл бұрын мектеп табалдырығынан ұшқан жиырма жылдық түлектердің атынан Аманжолов Жамбыл Аманжолұлына сөз кезегі беріледі.

Азамат:

2017-2018 оқу жылының қорытындысы бойынша оқушыларды марапаттау кезегі оқу ісінің меңгерушісі міндетін атқарушы Асыл Қаршығақызына беріледі.

Сынып үздіктерін марапаттау үшін сөз кезегі тәрбие ісінің меңгерушісі Кәмшат Хамзақызына беріледі.

Гүлім:

Ұланымыз туын көкке көтерер,

Болашаққа, алға бастап жетелер.

Қиындығын қазағымның әрқашан,

Қайыспайтын қара нардай көтерер.

Көз тойғысыз қазағымның жері бар,

Ну орманы, тауы, өзені, көлі бар.

Қазағымның жерін, елін қорғайтын,

Жас жеткіншек ұланы бар, ері бар

Үздіктер шеруі

Азамат: Мектеп бітіруші түлектерге жылы лебізін білдіру үшін түлектердің ізбасарлары 1 сынып оқушылары Нұрлан Айым, Болатжан Нарқыз, Орынбасар Қарақатқа беріледі.

Гүлім:

Мектеп маңы толыпты жарасымға,

Ізгілік те, мейірім бәрі осында.

Өмірге қанат қақты жас өрендер,

Асыл арман гүл атып санасында – деп жүректері лүпіл қаққан,қимастық пен қуаныш,аңсау мен арман сезімдері араласқан,осынау сәтте шәкірттік сәттің соңғы,өмір жолының алғашқы қадамында тұрған жас түлек,ендігі сөзді сіздерге береміз. (11 сыныптың шағын монтажы)

Гүлім

Арманы да жанында жалыны бар,

Жас талапкер, сөзіме көңіл аудар

Бұрынғыдай күтпейді мектеп сені,

Бұрынғыдай соғылмас қоңыраулар.

Азамат

Мектеп қайта есігін ашпас енді,

Өмір ұстаз, ақылды, айрықша енді.

Басқаша үйретер бар сабағын.

Қоңыраулар соғылар басқаша енді.

Гүлім

Сұрақ басқа оп оңай шешілмейді,

Жаса қанша тентектік, есір мейлі.

Мектептегі мұғалім кешіргенмен,

Өмір қатар ол күндер кешірмейді.

Азамат:

Даусыз ол күн есіңде сақталарын,

Жазылмаған өмірдің ақ парағын.

Жаңа дастан күтеді жазуыңды,

Күтпейді тек сыныптың парталары.

(шар ұшырады)

Гүлім:

Ең соңғы қоңырау сыңғыры сымбатты,

Бітірер түлекке соңғы рет үн қатшы.

Сәт сапар дегендей бітірер түлекке,

Ертеңін ойлатып тұрғандай тым нақты.

Көңілге күй тұнды,

Гүл құшты омырау.

Биылғы ең соңғы,

Соғылмақ қоңырау.

Кешегі алғашқы қоңырау сыңғыры оқушы мен мектепті табыстырса, бүгінгі соңғы қоңырау орта мектепті бітірушілердің алтын ұя мектебінде соңғы қоңырау үні. Соңғы қоңырау соғу рәсімі жас түлектерге тапсырылады. Қоңырау соғушы түлектер:

География пәнінен олимпиада жүлдегері, аудандық спорттық ойындарының жеңімпазы Көптілеу Қыдырқожа

география және қазақстан тарихы бойынша Республикалық қашықтық олимпиадасының, қазақстан тарихы пәнінен аудандық олимпиаданың жүлдегері Аманжолова Жансая

Гүлім: Қымбатты түлектер! Сіздердің болашақтарың бүгіннен басталады. Сендер дәл осы сәттен бастап өмірлеріңе жаңа бағыт, жолдама алып отырсыңдар. Ендеше жұлдыздарыңның жануы, сәуле шашуы өз қолдарыңда. Тылсым өмірдің сындарлы сәттері ертеңгі күнге сенімдеріңді бекітсін. Ұстаздарыңыз, мектебіңіз соған тілекші. Жолдарыңыз болсын жас түлек,-дей келе бүгінгі мектеп бітіруші түлектерімізге сәт сапар ақ жол тілеп, шығарып салайық. (Ақ жолмен жүріп мектепке кіріп кетеді)

Гүлім: Осымен соңғы қоңырау салтанатын жабық деп жариялай отырып, жазғы демалысты жақсы өткізіп, келесі жаңа оқу жылында амандықпен жолыққанша сау болыңыздар дейміз.