Студенттердің эмоционалдық интеллектісін дамытудағы педагогтің рөлі

Студенттердің эмоционалдық интеллектісін дамытудағы педагогтің рөлі

Қазіргі білім беру жүйесінде студенттің білім алуы ғана емес, олардың тұлғалық қасиеттерінің дамуы да маңызды. Сол тұлғалық дамудың негізгі құрамдас бөліктерінің бірі – эмоционалдық интеллект. Эмоционалдық интеллект дегеніміз – студент өзінің эмоциясын түсінуі, оны басқара алуы және өзге адамдардың эмоцияларын сезіне білуі, дұрыс қарым-қатынас орната алу қабілеті. Студенттердің эмоционалдық интеллектісін дамытуда педагогтің рөлі ерекше.

Педагог – білім бере отырып, студенттің тұлғалық қасиеттерінің қалыптасуына ықпал етететін маңызды тұлға. Олардың эмоциялық жағдайын түсініп, өз сезімдерін дұрыс білдіріп, эмоцияларын басқара алуға үйретеді. Әр сабақ басында барлық педагог психологиялық ахуал қалыптастырудан бастайды. Өйткені студент сабақ басталмай тұрып өзін еркін сезінуін, ойын ашық айта алуын, өзгелермен дұрыс қарым-қатынас орнатуына педагог мүмкіндік береді.

Педагог студенттердің эмоционалдық интеллектісін дамытуда бірнеше бағытта ықпал ете алады. Олар:

• Сабақ барысында педагогикалық тиімді әдістерді қолдану. Топтық, жұптық жұмыстар арқылы, пікірталас, кері байланыста студенттердің бір-бірін түсінуіне, эмпатия қабілеттерінің дамуына және өз эмоцияларын саналы түрде басқара алуына ықпал етеді. Осы әрекеттер олардың әлеуметтенуіне, ортада қалыптасуына және болашақта маман ретінде қарым-қатынас жасауына да көмектеседі.

• Педагог өз іс-әрекеті арқылы үлгі көрсету. Өз эмоцияларын мәдениетті түрде көрсета алуы, сабырлы болуы, студенттермен сыйластықта қарым-қатынас жасау арқылы мәдениеттін көрсету. Оны үнемі сабақ барысында байқаған студенттер осы мінез-құлықты өз тәжірибесінде қолданып, өзінің бойларына сіңіріп отырады.

• Педагогтың қиын жағдайларда студентке қолдау көрсетуі. Студент әрекеттеріне әділ баға беріп, стресстік жағдайларда эмоционалдық қолдау көрсетіп, оларды өз эмоцияларын басқара алуына үйретеді.

Қорытындылай келе, студенттердің эмоционалдық интеллектісі қоғамда табысты тұлға болып қалыптасуына ықпал етеді. Оған педагогтың жетекші рөлі өте маңызды. Сондықтан білім беру үдерісінде студенттердің эмоционалдық интеллектісін дамытуға бағытталған педагогикалық жұмыстарды жүйелі түрде ұйымдастыру қажет.