Сүйіспеншілік жолындағы өмір

Мақсаты:Оқушыларға сүйіспеншілікпен өмір сүрудің мәнін түсіндіре отырып, сүйіспеншілік құндылығының мәнін ашу.

Міндеттері:

• 1. Білімділік: Оқушыларды шынайы болуға үйрету.

• 2. Дамытушылық: Оқушылар бойындағы жанашырлық қасиеттерін дамыту.

• 3. Тәрбиелік: Оқушыларды адамдарға риясыз қызмет етуге тәрбиелеу.

Ресурстар:

(материалдар, дереккөздер)

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.  

3. Тыныштық.

4. Тазалық.

   5. Татулық.

Балалар ережені есімізге түсіріп, сыныптың тәртібін сақтап, оқып – білуге

талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

2. Үй тапсырмасын тексеру.

1. №30 – сабақ. «Адам жасампаздығы – ізгілігінде» тақырыбын «көзқарас – себеп –мысал – қорытындылау» әдiсiмен талқылап, эссе жазыңдар.

2. Келесі сабақ. №31, Әзілхан Нұршайықов шығармасынан үзінді  

Сұрақтар:  

1. Мәтінде ана махаббаты қалай суреттелген?  

2. Бала анасына махаббатын қалай білдірді?  

3. Өздерің аналарыңа деген сүйіспеншіліктеріңді қалай білдіресіңдер?  

4. Ата-ананың мейірімі мен қамқорлығының, риясыз сүйіспеншілігінің бастауы қайда деп ойлайсыңдар?  

5.Ата-ананың алдындағы перзенттік парызды қалай өтеуге болады?

3. Сабақтың дәйексөзі.

(Оқушыларға үш рет айтқызып, дәптерге жаздырту)

Өмір – теңіз

Жүзем онда демеңіз

Ізгіліктен жасалмаса кемеңіз

                Рудаки

Әбу-Л-Хасан Рудаки - тәжік классикалық әдебиетінің негізін салушы, философ.

Сұрақтар:  

• 1. Ізгілік дегенді қалай түсінесіз?  

• 2. Өмірде әділсіздік жасаған кезіңіз болдыма?  

• 3. Қоршаған ортамен қалай қарым-қатынас жасайсыз?  

• 4. Дәйексөзден қандай ой түйдіңіз?

4. Оқиға айту (Мұғалім сыйы).

“Жан жарасы жазылмайды”

Ертеде қарияның ашушаң, ұстамсыз баласы болыпты. Бір күні қария баласына бір қапшық шеге беріп:  
- Өзіңді ашу қысқан сайын ағаш бағанға шеге қағып, ашуың басылған кезде, суырып аларсың, - дейді.  
Бала бірінші күні - ақ бағанға он шақты шеге қағылғанын байқап, өзін - өзі ұстауға, ашуға бой бермеуге тырысты. Қағылған шегенің саны күнбе-күн азая бастады. Бала бағанға шеге қағылғаннан гөрі ашуын басқан жеңіл екенін түсінді. Ақырында бағанға бір шеге қақпаған күнге де жетті. Сонда әкесі баласын бағанға жетелеп келіп:  
- Жарайсың, балам! Бірақ бағанның шұрық-шұрық болғанын көріп тұрған шығарсың? Ол ешқашанда бастапқы қалпына келе алмайды. Адамға жүрегіне ауыр тиетін сөз айтсаң, оның көңіліне жара саласың, оның жан дүниесі осы баған сияқты шұрық-шұрық болады. Одан кейін қанша кешірім сұрасаң да, жан - жарасы жазылмайды. Ашуыңды ақылға жеңгізе біл, балам,- дейді.  

Сұрақтар:
1. Әкесі баласын қалай ұстамдылыққа үйретті?  
2. “Ашуды ақылға жеңгізе біл” дегенді қалай түсінесіңдер?  
3. Сіз сол баланың орында болсаңыз, ашуланған кезде өзге туралы жамандық айтасызба?  

5. Шығармашылық жұмыс  

Тапсырма: Жағдаяттық талдау.
1   Жанар қандай да бір жарыссөзге түсерде, оның ойында тек қана қайткенде де қарсыласынан сөзден ұту ниеті ғана тұратын. Қанша ұтымды ойлар айтқанмен, ол жеңіліске ұшырып қалатын. Себебі не леп ойлайсыңдар?
2   Бір үйдің екі қызы бар. Ата – анасы екеуіне бірдей жағдай жасайды. Бірақ ағайынды екі қыздың бірі ылғи, ешнәрсеге көңілі толмай, көңілсіз жүреді. Ал екіншісі керісінше шат – шадыман. Себебі неде?
3   Самат қанша әуреленсе де, есепті шығара алмай қойды. Мектепке келе сала көршісі Зейнептің дәптерін сұрап, одан көшіріп алды. Алғашқыларын көшіріп, келесі есепке келгенде, Зейнептің қатесін байқап қалды. Бірақ Самат өз дәптеріне есептің шешуін дұрыстап жазды. Алайда ол бұл тұралы Зейнепке айтқан жоқ.
4 Сыныптас қыздар мереке қарсаңында би кешіне баратын болды. Олар кешке киетін көйлектері жайлы жарыса айта бастады. Айша ғана үнсіз. Би кешіне жеткен қыздар айна алдына жиналды. Бір - бірі қызыға қараған қыздар Айшаның жоқ екенін байқады...

Жағдаяттарға баға беріңіздер !!!

Бағдаршамның түстері арқылы

6. Топпен ән айту.

«Мейірімді болайықшы ағайын»  
Сөзі: С.Қали. Әні Қ.Махан  
Көктем етіп көркейтсе де маңайын,  
Көріп жүрміз өкпешілдің талайын,  
Өшігуді қояйықшы өзгеге,  
Кешірімді болайықшы, ағайын!  

Көк нөсерін көл етсе де жауындар,  
Көк пен жерді сел етсе де дауылдар,  
Пейілдерді пенделікпен тарылтпай,  
Мейірімді болайықшы, бауырлар!  

https://youtu.be/G5alGFrCkw4

7. Үйге тапсырма.

1. №31 – сабақ. Сөйлемдерді өз ойларыңмен аяқтап жазыңдар.
·Ойымыз, сөзіміз, ісіміз сүйіспеншілікке толы болса...
·Сүйіспеншілік адам өмірінің негізі болса...

2. Келесі сабақ. №32, Ақселеу Сейдімбек шығармасынан үзінді  

8. Қорытынды

Б
ас бармақ әдісі арқылы бүгінгі сабақты бағалайық