Шу ауданында ҚМДБ-ның ұстазы, бала психологы Қасым Анараның жетекшілігімен «Арабша грамматика» және «Бала тәрбиесі» тақырыптарында семинар курс ұйымдастырылды. Шараға 30-дан астам әйел жамағаты қатысып, діни білім мен отбасы тәрбиесіне қатысты тың мәліметтер алды. Семинар барысында қатысушылар араб тілінің негізгі грамматикалық ерекшеліктерін үйреніп, ислам тәрбиесінің бала психологиясына оң әсері жайында мағыналы әңгіме тыңдады. Сонымен қатар спикер ата-ананың бала тәрбиесіндегі жауапкершілігі, рухани және моральдық құндылықтардың маңызы туралы ой қозғап, қатысушылардың сұрақтарына жауап берді. Мұндай шаралар әйелдердің діни сауатын арттыруға, отбасы құндылықтарын нығайтуға және қоғамдағы рухани мәдениетті қалыптастыруға ықпал етеді.