Бүгін Шу ауданында республикалық ақпараттық-түсіндіру тобының мүшесі, теолог Данияр Еркінұлының қатысуымен маңызды семинар өтті. Аталған жиын «Аманат» партиясының аудандық филиалы ғимаратында ұйымдастырылды. Семинар барысында «Дін және мәдениет қатынасы: зайырлы ел ұстанымы» және «Шариғаттағы имамға деген талаптар» тақырыптары кеңінен талқыланды. Данияр Еркінұлы Қазақстандағы зайырлы мемлекет ұстанымының ерекшеліктерін, діни сананы қалыптастырудағы мәдениеттің рөлін және қазіргі қоғамдағы имамдардың жауапкершілігі мен міндеттерін атап өтті. Іс-шараға ауылдық округтердегі дін саласына жауапты мамандар, мешіт имамдары, ардагерлер мен қоғам белсенділері қатысты. Қатысушылар өзара пікір алмасып, көкейлеріндегі сұрақтарына нақты жауап алды. Семинардың негізгі мақсаты – діни тұрақтылықты сақтау, дәстүрлі құндылықтарды дәріптеу және дін саласындағы өзекті мәселелер бойынша кең ауқымды түсіндіру жұмыстарын жүргізу болды.