«Жамбыл облысы Шу ауданы әкімдігінің ішкі саясат бөлімі» КММ мемлекеттік әлеуметтік тапсырысы аясында «JASTAR» дамыту орталығы ЖҚБ ұйымдастыруымен Шу ауданының орталық мешітінде жамағат арасында Құран жарысы өтті. Шараның мақсаты – жамағаттың Құран іліміне деген қызығушылығын арттыру, діни білімді тереңдету және имандылық құндылықтарын насихаттау болды. Жарыс барысында қатысушыларға Құран Кәрімге қатысты сұрақтар жазылған арнайы парақшалар таратылып, жауаптарын белгілеу арқылы білімдерін сынады. Нәтижесінде үздік нәтиже көрсеткен қатысушылар жүлделі орындарға ие болып, бағалы сыйлықтармен марапатталды. Шара соңында аудан имамы ұйымдастыру ісіне атсалысқан барша жамағатқа ризашылығын білдіріп, осындай рухани бәсекелердің жамағатты біріктіріп, білімге ынталандыратынын атап өтті.