Су-тіршілік көзі

Мақсаты: Су және оның маңызы туралы білімдерін тереңдету. Су-тіршілік көзі екенін, пайдасы, маңызы, туралы білімдерін кеңейту. Судың қасиеттері туралы білімдерін бекіту.

Көрнекіліктер:Суреттер, глобус.

Сөздік жұмыс: Су,

Биллингвалддық компоненттер:Су-вода, Жер шары-Глобуст.

Шаттық шеңбері:Қардай ашық, ақ болыңдар.

Бұлттай биік болыңдар!

Мұздай мықты болыңдар!

Судай таза, мөлдір болыңдар!

Тамшылардай нәзік болыңдар!

Тәрбиеші:Күн туралы біз не білеміз?

Күн жер бетіндегі тіршілік көзі. Күн болмаса, адам да, жануарлар да, өсімдік те тіршілік ете алмас еді.Өсімдіктер өсіп, дәрумендерге толы жеміс беріп тұрғаны күннің жылуы мен қуаттың арқасы. Күн өте үлкен жарық көзі.

Ал ауа туралы біз не білеміз?

Балалар: Ауа- ең алдымен адамдарға тыныс алу үшін қажет.Ауа жануарларға және өсімдіктерге де керек. Суда балық қалай жүзсе, ауада құстар солай қалықтайды.

Балаларға глобусты көрсету. Глобуста көк, көгілдір түспен не белгіленіп тұр?

-Су.

-Салыстырып көрейік жер көп пе әлде су көп пе?

-Су.

-Су өмір бойы айналымда болады. Ол жаңбырмен, қармен жерге түседі, бұлақ болып өзенді құрайды, ал, содан кейін қайтадан күн шуағымен бу болып, аспанға көтеріледі де, жер бетіне жаңбыр болып қайта оралады.

Тәжірибе:Үстел үстінде графинде су. Судың «сиқырлығын» анықтау.

1.Су түссіз.Бояуларды қрсқанда түсі өзгереді.

2.Су дәмсіз.Қант пен тұз қосқанда дәмі өзгереді.

3.Судың температурасы өзгереді. Суға жылы су құю.

Сергіту сәті:

Ал, балалар тұрайық,

Мойнымызды бұрайық.

Қолымызды созайық.

Су ішінде қалықтап,

Кәне жүзіп алайық.

Оңға, солға бір қарап,

Денемізді бұрайық.

Тәрбиеші: Ал,жаңбыр, тамшы, су туралы кім тақпақ біледі?

Жомарт:Жау-жау жаңбыр,

Жау жаңбыр.

Жауған жаңбыр-жауған нұр.

Жердің шаңы басылсын,

Гүлдің аузы ашылсын.

Нұрислам:Асау тамшы орғыған,

Алақанда тұрмайды.

Атып тұрып орнынан,

Айдында да тулайды.

Жанель:Мөлдір, мөлдір

Сылдыр су.

Сылдыр суда бетіңді жу.

Тәрбиеші:Жер бетінде судың қоры өте көп. Бірақ ащы су қоры тұщы судан көп. Сондықтан тұщы су қорын дайындау үшін түрлі су тұщылату қондырғылары орнатылады. Мұхит, теңіздердің суы ащы болады. Олармен түрлі кемелер жүк тасыйды.Бірақ суларын ішуге жарамайды. Ал өзен, көлдерде сутұщы су.

Суды үнемдеп таза сақтау керек, ластауға болмайды.Су күнделікті өмірде пайдаланылады.Су туралы кім мақал-мәтел біледі?

Айзере:Сулы жер-нулы жер.

Іңкәр:Су бар жерде өмір бар.

Нұрдәулет:Сусыз өмір жоқ.

Жаннұр:Су табиғаттың ажары.

«Ғажайып сәт»

Осы кезде есік қағылып балабақша медбикесі кіреді.

Балаларға бірнеше сұрақтар қояды.

1.Ащы суды ішуге болама?

-Жоқ

2.Жеміс-жидекті жумай жеуге болама?

-Жоқ.

3.Сусыз өмір сүруге болама?

-Жоқ.

4.Суды орынсыз төгіуге, ластауға бола ма?

-Жоқ.

Медбике балалардың жауабына риза болып, дәрумендер таратып береді.

Тәрбиеші оқу іс-әрекетіне жақсы қатысқан балаларды мадақтады.