Шығармашылық ізденістен ғылыми зерттеуге қарай

Шығармашылық ізденістен ғылыми зерттеуге қарай

Ұстаз-болашақ ұрпақтың бағбаны, бағыт бағдар беруші, баланың бойына біліммен қатар тәрбиені сіңдіруші, адамгершілігі мол, басқаға көмегін тигізуден шаршамайтын, өсіп келе жатқан ұрпақтардың ертеңіне жол ашушы, киелі мамандықтың иесі. Осы киелі мамандықты менде таңдадым.

Алматы облысы, Есік қаласындағы Болашаққа жол сілтер білім ошағында оқып жүргенде Баратова Бақыткүл, Алма Қанатқызы, Нескен Оспанқызы секілді шебер ұстаздардың тәрбиеге толы әрбір сөздері сабақты өткізудегі шебер қолдана білген әдістері есімде жақсы сақталып сақталып қалды. Қазіргі таңда осы кісілердің әдіс тәсілдерін өз тәжірибемде қолданудамын.

Әрине, ұстаз болу үшін педагогикалық оқу орнын үздік бітіру аздық етеді. «Ұстаздық» атты ұлы шыңға көтерілу үшін өмір бойы ізденіп, оқып, еңбектену қажет.

Мен оқушыларға тек қана жалаң білім беріп қоюмен шектеліп қалмауға барынша тырысамын. Әрдайым ұлы ғұлама Әбу Насыр Әл-Фарабидың «Адамға ең бірінші тәрбие берілуі керек, тәрбиесіз берілген білім-адамзаттың қас жауы» деген сөзін естен шығармаймын.

Қазіргі таңда білім беру мен білім алудағы жаңа тәсілдер оқушылардың оқуға қабілетін жақсартуға мүмкіндік ашуда. Сол мүмкіндіктерді шебер пайдалана алу, тиімді қолдана білу, біздің, яғни ұстаздардың қолында. Әрбір сабақ-мұғалімнің шығармашылық жұмысы деп ойлаймын. Сондықтан да әр сабақты оқушының есінде қалатындай түрлендіріп, әрбір әдісті орнымен қолданып отыруға тырысамын. Осындайда «Мұғалім әдісті көп білуге тырысуы керек. Оларды өзіне сүйеніш, қолғабыс есебінде қолдану керек»,-деген Ахмет Байтұрсынов атамыздың ерекше өсиетін есімізге алмасқа болмас. Ендеше ұстаз шығармашылық жұмыспен шұғылданып, үнемі ізденісте болып, оқу жүйесіндегі жаңа бағарламаны, әрбір жаңа әдіс-тәсілдерді тиімді қолдансақ, шәкірттеріміздің білімдерінің нәтижесі жоғары болары анық.