Пәннің аты:

Әдебиеттік оқу

Уақыты:

14.04.2017 жыл

Мұғалім:

Бейсенбаева Салтанат Серикхановна

Сабақтың атауы:

«Шығыс шынары». Әзиза Нұрмаханова.

Мақсаты:

Оқушының мәтіндегі түйінді ойды ашуға жағдай жасау, мәтінді түсініп оқуға үйрет, уөз бетінше шығармашылықпен жұмыс істеуге, өзіндік пікір айта білуге, адамгершілік қасиеттерге баули отырып, сыни тұрғыдан ойлау қабілетін дамыту.

Күтілетін нәтиже:

Өз беттерімен кез келген тапсырмаларды орындай білуге машықтанады. Бір-біріне көмектеседі. Оқушылар өздерін еркін ұстай отырып, ойларын тиянақты жеткізеді, тапқырлық қасиеттерін шыңдайды.

Сабақтың

әдіс – тәсілдері:

Сыни тұрғыдан ойлау, Диалогтік оқыту, Білім беру үшін бағалау және оқытуды бағалау, АКТ, жас ерекшеліктер модулі.

Сабақтың ресурстары:

Ә. Нұрмаханова, Қ. Жұмағалиев, Ә.Молдағұлова портреттері, слайдтар, бағалау парағы, жұлдызшалар.

Сабақ бөлімдері:

Мұғалімнің іс – әрекеті:

Оқушылардың

іс – әрекеттері:

Кіріспе.

Ұйымдастыру кезеңі.

Психологиялық дайындық.

2 мин

Сыныпта ынтымақтастық атмосферасын қалыптастыру. Жылы шыраймен амандасамын. Гүлдерді таңдау (камелия, фикус, циперус) арқылы үш топқа бөлу. Көшбасшы сайлау, топ ережесін еске түсіру. Сабақтың бағалау критерийлерімен таныстыру.

Оқушылар 3 топқа бөлініп отырады. Топ басшысын сайлайды.

Үй тапсырмасын тексеру.

«Мен соғысты жек көрем».

Қ. Жұмағалиев.

5 мин

Санамаққа саналу арқылы үй тапсырмасын тексеру.

І топқа – сұраққа жауап беру: - Қайрат Жұмағалиев деген кім ?».

ІІ топқа – өлеңді мәнерлеп оқу.

ІІІ топқа – сұраққа жауап беру: - Ақын шығармасында қандай өлең жолдары қайталанған және ақын неліктен соғысты жек көрген ?

Ең соңғы оқушы сұрақтарға жауап береді. Топ басшысы жауап берген оқушыны жұлдызша арқылы бағалайды.

Жаңа сабақ.

Қызығушылықты ояту.

5 мин

Бейнеролик көрсету, топта талдау. Сұрақтарға жауап беру.

І топ – «Соғыста жүрген жауынгерлердің көрген қиындықтарын әңгімелеу».

ІІ топ – «Елдің сол мезгілдегі жағдайын әңгімелеу».

ІІІ топ – «Ерен ерлік пен ержүректілік танытқан батырларды атаңдар».

Оқушылар бейнероликті көреді, топта талдайды, сұрақтарға жауап береді. Топ басшысы жұлдызша арқылы бағалайды.

Мағынаны тану.

Ой қозғау.

5 мин

А) Өлең жолдарын оқу.

«Шаттансаң қыз тудым деп, қазақ, шаттан,

Әли Отанына болған мақтан.

Бежаница маңында тұлғасы тұр.

Дегендей: ерлікке аттан, еңбекке аттан!

Бұл жерден сонау заман Пушкин өткен,

Желдіртіп қоңыраулы атты жеккен.

Сол жерді жаудан сақтап қаламын деп,

Қазақтың Әлия қызы қанын төккен!»

(ақырын Р.Рымбаеваның «Әлия» әні қосылады).

Сұрақ қою: - Бұл өлең жолдары кімге арналған деп ойлайсыңдар ?

Ә) Әлия Молдағұлованың өмірбаянына тоқталу.

Оқушылар сұрақтарға жауап береді, өз ойларын айтады. Әлия Молдағұлова өмірбаяны туралы айту.

Оқулықпен жұмыс

5 мин

А) Автор туралы әңгімелесу (слайдтан көрсету).

Ә) «Қос шеңбер» әдісі.

Мәтінді оқыту. Оқушыларды 1,2-ге саналу. Сыртқы, ішкі шеңберге тұрғызу.

Б) Сөздік жұмыс.

Герань – көпжылдық шөптесін өсімдік

Камелия – мәңгі жасыл орманды өсімдік

Циперус – мәңгі жасыл өсімдік

Олеандр – ежелгі сәндік өсімдік

Артек – балалардың демалыс орны

Вожатый - тәлімгер

Мәтін мазмұнын оқып болған соң,ішкі шеңбердегі оқушылар сыртқы шеңбердегі оқушыларға мазмұнын айтады. Содан кейін сыртқы шеңбердегі оқушылар сағаттың тілімен 2 қадам аттап, ішкі шеңбердегі жұптарына түсінгенін айтады. Бірін – бірі жұлдызшалар арқылы бағалайды. Терминдермен танысады.

Сергіту сәті.

2 мин

«Орнымыздан тұрайық,

Батырларға ұқсайық» .

Садақ ату, найза лақтыру, қылыштасуды қимылмен көрсетеді.

Топтық жұмыс.

8 мин

Тапсырмалар орындау.

І топқа – «Мұғалімдердің Әлия туралы пікірлері қандай ?».

ІІ топқа – «Әңгіме неліктен «Шығыс шынары» деп аталған ?».

ІІІ топқа – Кестені толтыр. «Әлия қандай қыз?»

Әр топ тапсырманы талдайды, ортақ келісімге келеді, қорытындысын айтады. Топ басшысы бағалайды.

Ой толғаныс.

5 мин

«РАФТ» әдісі. (Р – роль, А–аудитория,

Ф – форма, Т – тақырып).

Әлия Молдағұлова туралы өлең шығару.

Топ мүшелері бірлесіп, Әлия туралы өлең құрастырады, бір – біріне оқиды. Топ басшылары бағалайды.

Үйге тапсырма

2 мин

Мәтінді оқу, мазмұнын айту.

Күнделіктеріне жазады.

Кері байланыс

5 мин

«Бес саусақ» әдісі.

Бас бармақ – «Мен не білдім ?»

Сұқ саусақ – «Мен не сезіндім ?»

Ортан терек – «Мен не туралы ойландым ?»

Шылдыр шүмек – «Мен не шештім ?»

Кішкентай бөбек – «Мен келісемін...»

Оқушылар бүгінгі сабақтан алған әсерлерін айтады.

Бағалау

3 мин

Топ басшысының бағалауын санау, оқушылардың бағасын журналға қою.

Топ басшысы әр топ мүшесінің бағасын санайды, мұғалімге айтады.