«Шымыр болғым келеді» спорттық сайыс.

Мақсаты: Ойын кезінде өзін-өзі бақылау арқылы белсенділікке, сенімділікке, қайсарлыққа, батылдыққа, ұйымшылдыққа тәрбиелеу;
Ойын кезінде әділдікке, жолдастық сезімге, ойынды жетілдіруге тәрбиелеу;
Балаларға денсаулықтың қадірін, бағалы байлық екенін түсіндіру және оны сақтаудың жолдарын түсіндіру.

Жүргізуші: Құрметті тәрбиешілер және балалар, бүгінгі «Шымыр болғым келеді» атты спорттық сайысқа қош келдіңіздер! Бұл сайысқа І кіші топтарының бүлдіршіндері қатысады.
Сайысқа қатысушы командаларды ортаға шақырайық.

«Толағай» әуенімен спортшыларымызды қарсы алу.

«Шымыр болғым келеді» атты спорттық сайысымыз 3 командадан тұрады.
1 - ші команда «Жауқазы» тобы
2 - ші команда «Балбөбек» тобы

3 - ші команда «Балапан» тобы

Ал, сайыскер балалар,
Ешкімің жоқ алалар
«Жеңімпаз» болу үлкен ерлік
Оны әділқазы бағалар.

Сайысымыз 4 кезеңнен тұрады:

1.Таныстыру

2. «Кім жылдам» ойыны.

3. «Көліктер» ойыны.

4. «Епті де , жүйрік» ойыны.

І - кезең: «Таныстыру»
Шарты: әр команда өз ұрандарымен таныстырады.
1. «Түлкілер»

2. «Аюлар»

3. «Қояндар»

ІІ- кезең: «Кім жылдам» ойыны.

Шарты: Кедергілер арасымен өтіп, шеңбер ішіндегі жемістерді кезек кезек себетке салу

Балалар қай топтың себеті тез толды?

Жарайсындар балалар.

Жүргізуші:Салауатты өмір салтын қолдайық,

Әдеттен жаман әманда аулақ болайық,

Өз өмірің өз қолыңда, ей , балалар,

Су ішпеген гүлдей болып қалмайық,

ІІІ – кезең: «Көліктер» ойыны.

Шарты: Жүк көлігімен барым, мәреде тұрған допты көлікке салып кері алып қайту..

Жүргізуші:
 Денің сауда күштісің бұл әлемде,
 Денің сауда сұлусың жер бетінде.
 Сол мықты денсаулықтың арқасында,
 Жетерсің әлі талай бақыттарға.

IV-кезең: «Епті де , жүйрік» ойыны.
Шарты: кедергілер арасымен еңбектеп барып әр команда өз жануарларын тауып, кері еңбектеп қайту.

- Рахмет, ойыншылар. Барлық жарыс шарттарын орындадық.

Жүргізуші: Мінеки балалар, бүгінгі сайысымыздың соңына да келдік.
- Сендерге ойындар ұнады ма?
- Алдағы уақытта спортпен шұғылданып, ертеңгісін жаттығулар жасап жүресіңдер ме?

Жарайсыңдар, балалар! Ендеше бүгінгі сайысқа қатысушы бүлдіршіндерімізді марапаттайық.
Олай болса әділ қазыларға сөз кезегін берейік. ...

І орын 1. «Түлкілер»

ІІ орын 2. «Аюлар»

ІІІ орын 3. «Қояндар»

Құрметті тәрбиешілер мен бүгінгі сайыскерлер алтын уақыттарыңызды бөліп келгендеріңізге көп-көп рахмет.Бүгінгі жеңістеріңізбен құттықтаймын. Баршаларыңызға денсаулық тілеймін.Осымен сайысымыз аяқталды. Келесі кездескенше сау болыңыздар!