Алматы облысы, Қарасай ауданы,

"Долан ауылындағы жайлы мектеп" КММ

Дене шынықтыру мұғалімі

Құндақбаев Ербол Ғаниұлы

«Шымырлық шеберханасы: дене шынықтырудың жаңашыл форматы»

Қазіргі білім беру жүйесінде дене шынықтыру пәнінің маңызы артып, оның мазмұны жаңаша сипатқа ие болуда. Осы тұрғыда «Шымырлық шеберханасы» – оқушылардың физикалық қабілеттерін дамытуды көздейтін, заманауи талаптарға сай құрылған тиімді бағдарлама. Бұл формат дәстүрлі сабақ үлгісінен ерекшеленіп, оқушылардың белсенді қатысуына, қызығушылығының артуына және денсаулығын нығайтуға бағытталған.

«Шымырлық шеберханасының» басты ерекшелігі – оның тәжірибеге негізделуі. Сабақтарда тек жаттығулар орындалып қана қоймай, оқушылар топпен жұмыс істейді, ойын элементтері арқылы өз қабілеттерін дамытады. Мұндай тәсіл олардың төзімділік, икемділік, жылдамдық және күш сияқты негізгі қасиеттерін жетілдіреді. Оқушылар арасында ынтымақтастық пен өзара қолдау мәдениеті қалыптасады.

Бағдарлама оқушылардың жеке ерекшеліктерін ескеруге мүмкіндік береді. Әр оқушы өз деңгейіне сай тапсырмалар орындап, нәтижесін бақылауға үйренеді. Бұл олардың өз-өзіне деген сенімділігін арттырып, салауатты өмір салтына деген оң көзқарасын қалыптастырады. «Шымырлық шеберханасы» – дене шынықтыру пәнін жаңа деңгейге көтеретін, оқушының жан-жақты дамуына ықпал ететін жаңашыл формат. Мұндай бағдарламалар білім беру үдерісінде кеңінен қолданылуы тиіс, себебі олар жас ұрпақтың дені сау, белсенді әрі жауапты болып қалыптасуына негіз қалайды.

Мектеп тәжірибесінде тиімді қолдануға арналған: сабақ үлгілері, жаттығу кешендері және бағалау құралдары ұсынылған. Оны факультативтік сабақтарда, қосымша спорттық курстарда немесе мектепішілік жобаларда қолдануға болады.

Қоғамдық дамудың жаңа міндеттерінің пайда болуы спорт және дене шынықтыру саласындағы мемлекеттік саясаттың тиімділігін арттыру үшін басым бағыттар спектрін айқындайды, мұндай бағыттардың ең маңыздылары – жетекші әлемдік тәжірибеге сүйену, саланы басқару мен дамытуға ғылыми тәсілдер мен қағидаттарды, инновацияларды кеңінен енгізу болып табылады. Дене шынықтыру пәнінің жеке тұлғаны тәрбиелеуде алатын орны ерекше. Ол білім алушының дене дамуына, әлеуметтік, дербес және рухани қасиеттерін қалыптастыруға ықпал етеді. Мектептің білім беру жүйесінде дене шынықтыру білім алушыларда салауатты өмір салтын қалыптастыруға бағытталған. Дене тәрбиесі адамға еңбек операцияларын орындауға көмектеседі, себебі адамды барынша нақты және нысаналы түрде алға жылжуға, алға қойылған мақсатқа сай күш жұмсауға үйретеді. Адам денсаулығын нығайту, оның ақыл-ой еңбегінің қарқынын арттыруға ықпал етеді. Дене шынықтыру адамды өз денсаулығына жауапкершілік- пен қарауға үйретуге бағытталуы тиіс.