Сынып сағаты "Мен таңдаған мамандық"

Сынып сағаты

Сабақтың тақырыбы : «Мың мамандық бәрі бар. Таңдап, талғап бірін ал!»

Сабақтың мақсаты: Оқушыларға мамандық таңдау, олардың әдістері туралы білімдерін, түсініктерін кеңейте отырып, мамандықтарға деген ынта - ықыласын, қызығушылықтарын арттыру.

1. Білімділігі: Сабақ барысында оқушыларды мамандық түрлерімен таныстыру.

2. Дамытушылығы: Сайыс сабақ болғандықтан оқушыларға бірнеше сұрақтар қою арқылы, мамандыққа баулу және өнерге қабілеттерін дамыту, сөздік қорларын молайту.

3. Тәрбиелігі: Болашақ маман иелеріне өз мамандықтарын дұрыс таңдай білуге тәрбиелеу.

Сабақтың түрі: 3 бөлімнен тұрады.

І бөлім. Кіріспе сабағы.

ІІ бөлім Сайыс сабағы

ІІІ бөлім Қорытынды сабақ.

Пәнаралық байланыс: тарих, биология т.б.

Сабақтың құрал-жабдығы: Интерактивті тақта, қима қағаздар,суреттер.

Сабақтың әдісі: Баяндау , сұрақ –жауап, сайыс өткізу.

Сабақтың барысы: Ұйымдастыру кезеңі. Сәлемдесу, Оқушыларды белгілеу, зейін, ынтасын сабаққа аудару, Сабақтың тақырыбын, мақсатын айту.

Кіріспе

• Мамандықты дұрыс таңдау - ол өмір жолының сәттілігінің негізі.
  Э. Ф. Зеер.

• Мамандық - адамның қоғамдық мінездемесі.
  Ганс Селье.

• “Күшіне сенген адам ғана мақсатына жете алады”
  Н. Ә. Назарбаев.

Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.
Мамандық таңдау үшін, ең алдымен өзін, өз бейімділігін тануы қажет. Дұрыс таңдалмаған мамандық әсері мамандық иесінің ғана емес қоғамға кері әсерін тигізеді.
Мамандық таңдау - жасөспірімдердің өміріндегі күрделі де маңызды қиын да қажетті қадамы. Ол мектеп кезінде, жас шағында орындалады. Дегенімен осы жолда оқушыларға қиын болады: көбісі мамандық түрлерін, олардың қандай талап қоятынын білмейді. Көптеген жоғары сынып оқушылары өздерінің іскерліктері мен қабілеттерін дұрыс тани алмай, мамандық таңдауда көптеген кедергілерге ұшырайды.Оқушыларының алдында тұрған басты мәселе - болашақ мамандығын таңдау.Мамандықты дұрыс таңдау - ол өмір жолының сәттілігінің негізі.

Мамандық таңдау дегеніміз не?
1. Оқушының өз жеке басының ерекшеліктерін тануы;
2. Өзінің жүрегіне үңіліп, бейімділігін бағамдауы;
3. Ұнататын кәсіптердің арасынан біреуін таңдау;
4. Өзінің таңдаған кәсіби аумағын тануы керек.
Арнайы зерттеулер көрсеткендей 14 - 16 жас аралығындағы жеткіншектер өз бетінше мамандық таңдай алмайды, себебі мамандық таңдағанда олар тек бір ғана белгіге назар аударып, жағдайды жан - жақты талдай алмайды. Оқушылардың 40%- ы ғана еңбек мағынасын қызығушылықпен таңдайды. Сондықтан олардың көбісі өздерінің мамандықтарын тез таба қояды жұмысқа деген шығармашылық қатынасы да ерекшеленеді.
Негізінен, мамандық таңдауды жас адам мектепті бітіру кезінде түсінеді, сосын өз қызығушылықтары мен мүмкіншіліктерін, өздерінің жеке қасиеттерін, мамандықтың қажеттіліктерін, еңбек нарқының қажеттіліктерін біле отырып, сұранысқа қарай таңдайды.
Өз жеке қабілеттерін біліп, мамандық таңдауы жас адамды кәсіби түрде мамандық таңдау ережелерімен таныстырады.
Мамандық әлемінде жақсы бағдарлаудан және кәсіби жұмыстан басқа, тепе - тең мамандық таңдауға өз қабілетіңді тани білу, өз тарапыңнан кемшіліктерің мен жетістіктеріңді дұрыс бағалау.

Сайыс сабағы
Олай болса мамандықты дұрыс таңдап көрейік.
“Танысу”
Ойынның шарты: Кез - келген оқушыға бір мамандықты атап, келесі оқушы жаңағы айтылған мамандықтың соңғы әрпінен басталатын кәсіпті атайды.

Мысалы: Мұғалім - механик - кондитер т. б.
Пікірталас(оқушылар өзара пікір алмасады)
1) Мамандық таңдауда нені есепке алу керек?
2) Адамның қандай қасиеттері кәсіби түрде қажет?
3) Адам кәсіби жұмыста қалай табысқа жете алады?
4) «Маман иесі» дегенді қалай түсінуге болады?
5) Ата - аналарың отбасында сендер жақсы мамандық таңдауда үлкен азамат болып өсу үшін, өздеріне қандай мақсаттар қоюы мүмкін?
6) Алдағы уақытта қандай маман иесі болатыныңды, қандай бағытты, қандай оқу орнында оқитыныңды және де өзіңнің болашақ кәсіби қызметің туралы білесің бе? Осы туралы ойладың ба?
7) Өзіңнің болашақ мамандығыңды таңдай отырып, сен тіршілік ететін аймаққа қандай мамандықтар қажет.

Қорытынды
Мамандық таңдау - өте жауапкершілікті және маңызды іс.

Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек.Мамандықтың жаманы жоқ, бірақ мұның кез - келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе. Кімде - кім өзінің ыңғайына қарай өз жолымен қызмет етсе, өз басына да, әлеуметке де үлкен пайда келтірмек. Өз орнында істеген адамның жұмысы да өнімді, берекелі болмақ.