Синип саатиниң мавзуси: « Мустәқиллиғи ярашқан- Қазақстан »

Синип саатиниң мәхсити:

1 . Қазақстан Жумһурийитиниң мустәқил дөләт болуп, 27 жил ичидә йәткәт утуқлири , қисқа вақит ичидә илғар 50 дөләтниң арисида орун елиши һәққидә чүшәнчә бериш

2. Оқуғучиларниң әқил-ой қабилийитини тәрәққий әттүрүш. Тил байлиғини өстүрүш.Дәрискә қизиқишини ашуруш.

3. Оқуғучиларни вәтәнпәрвәрликкә, достлуққа, әмгәк сөйгүчликкә,

адәмгәрчиликкә тәрбийиләш.

Қол.усуллар: чүшәндүрүш,соал-жавап,көрнәкилик,сөһбәт.

Көрнәкиликләр: слайд ,дөләт рәмизлири, буклет,һәр хил сүрәтләр.

Тәрбийә саатиниң берилиши 1 Уюштуруш пәйти. Саламлишиш . Дөләтлик Гимнни орунлаш.

Оқуғучиларни дәрискә жәлип қилиш.

Ой қозғаш

-Балилар, биз қайси дөләтниң пухралири?

-Қазақстан қандақ дөләт?

-У өз мустәқиллиғини қачан алған?

-Мустәқил дегәнни қандақ чүшинисиләр?

-Мустәқиллиқни елишқа немә сәвәп болди?

Слайдқа көңүл қоюп қараңлар.

Слайдта 1986- жили болған вақиәгә қатнашқан яшлар,Қайрат, Ләззәт вә башқа иштирақчилар тоғрисида мәлуматлар бар.

Мәзмуни

Қазақстан Жумһурийити мустәқил дөләт болуш үчүн қанчиму даванлардин,қийинчилиқлардин өтүшигә тоғра кәлди.Қазақ хәлқиниң бешидин қанчиму иссиқ- соғ өткүни, тартқан жапалири тоғрисида көп билисиләр. 1986-жили 16-декабрь күни йүз бәргән вақиә Қазақстанниң мустәқил дөләт болуп, шәкиллинишигә сәвәп болди. Яшлар , студентлар Қазақстанниң өз алдиға мустәқил дөләт болушини тәләп қилип,чоң мәйданға жиғилди.Уларни қоғлаш үчүн солдатлар,милиционерлар,от өчәргүчиләр қатнашти.Арида тоқунуш башланди.Көплигән яшлар яридар болди.Айримлири түрмиләргә соланди,лекин уларниң тәливи ижавәт болди.

1991-жили Қазақстан Жумһурийити мустәқилллик алди. Уни башқа дөләтләр қоллап қувәтлиди. 1991- жили 1- декабрьда Қазақстанда тунжа Президент болуп Нурсултан Әбиш оғли Назарбаев сайланди. У қазақстанда яшаватқан барлиқ милләтләргә ана тилида оқушқа, миллий мәдәнийитини,тарихини,урпи-адәтлирини риважиландурушқа мүмкүнчилик яритип бәрмәктә.Қазақстанда яшаватқан барлиқ милләтләрниң достлуғини техиму чиңитиш үчүн хәлиқләр Ассамблеяси қурулди,униңға барлиқ милләт вәкиллири әза болди.Қазақстан йери кәң ,байлиғи толуп- ташқан мустәқил дөләт.Униңда яшаватқан барлиқ хәлиқләр Қазақстан Конституция асасида тәң һоқуққа егә.

Қазақстан Конституцияси –«Асасий Қанун» китави. 30-август 1995-жили Қазақстан Жумһурийитиниң Алий кеңиши Қазақстанниң йеңи Конституциясини қобул қилди.

Бу қанун Қазақстанда яшаватқан барлиқ хәлиққә миллити,ирқи,диний көз қаришиға қаримай бирдәк һоқуқ бериду.

Қазақстан мустәқил дөләт болғачқа өз рәмизлири бар.Биз дөләтлик рәмизләргә һөрмәт билән қарап ,билишимиз керәк.

Ел таңбасы елімнің

Неткен әйбет, әдемі!

Тұнығындай көңілдің

Ортада –аспан әлемі

Ақ ниеті –алтын күн,

Асқақ арман –қираны

Жалауы бұл –Халқымның

Мәртебесі ,мақтаны.

Бизниң президентимиз хәлиқ үчүн көплигән яхшилиқ имканийәтләрни яратқан.Һәр бир мәктүбидә йеза ,дөләтлик оқуш орунлирида оқуватқан студентларға,ишчи, устазларға дохтурларға, билим,саламәтликни сақлаш саһалириға вә башқиларға чоң көңүл бөлүнмәктә. Хәлиқләрниң паравән яшиши президентимизниң алдиға қойған асасий мәхсити. Мустәқиллигимиз яшнавәрсун бәхитлик һаят үчүн яхши оқуп келәчәктә мустәқил Қазақстанниң һәқиқий пухралиридин болайли.

Мустәқиллик хроникиси (тахтидин тохтилип өтүш)

1991ж 22 август - Казақстан Республикиси Президенти Нурсултан Назарбаевниң пәрмани бойичә Семей ядеролуқ полигони йепилди.

1992ж 16 декабрь - « Казахстан Республикиси Мустәқил дөләт дәп елан қилинди.

1993 ж 4 июнь - Дөләт Рәмизлири Байрақ, Герб, Дөләт Гимни қобул қилинди.

1993ж 28 январь - Мустәқил Қазақстанниң биринчи Конституцияси қобул қилинди.

1995ж 15- октябрь - рубльни миллий тәңгигә алмаштуруш башланди.

1996ж 16 декабрь - Алмутида Мустәқиллиқ монументи ечилди.

1998ж 9 июнь- Астаны шәһириниң - йеңи пайтәхт презентацияси өтти.

Оқуғучи:

Мән Қазақстан пухраси

Улуқ әлдә яшаймән

Улуқ әлдә туғулдум

Әркин, азат яйраймән.

Мән Қазақстан пухраси

Махтинишқа һәққим бар.

Оқушқа һәм ишләшкә

Өз һоқуқум бар, әрким бар.

Оқуғучи: Байлиғи мол далалири гүлистан,

Азат өлкә бәхтияр Қазақстан

Яшисун улуқ хәлиқ достлуғи

Яшисун мениң Республикам!

Вәтән тоғрисида мақалларни ейтиш.

Вәтини йоқ адәм ,қанатсиз қуш .

Вәтәнсиз оғул-чимәнсиз булбул

Йәкүнләш : Бүгүнки саатимизда немә һәққидә сөз болди?

Әнди топ билән мустәқил сөзигә синквейн түзүңлар.