Сыныптан тыс іс-шара сценарий

Сценарий

Бүгінгі іс-шарамыздың

Мақсаты:

• Оқушыларға Қазақстан Республикасының Мемлекеттік рәміздері туралы түсінік беру;

• Рәміздердің маңыздылығын түсіндіру;

• Патриоттық сезімді, отанға деген сүйіспеншілікті арттыру.

1 Жүргізуші:

Аударып жұрттың назарын,

Бардың да көрген базарын.

Жоқтын да көрген азабын,

Даладай дала Қазағым!

Алты алаштың арманы болған,

Арда елдің айбары болған,

Ең ұлық мереке Рәміздер күні құтты болсын!!!

2 Жүргізуші:

Армысыздар, құрметті ұстаздар мен мектеп оқушылары, бүгінгі  Рәміздер күніне арналған «Мемлекеттік рәміздер тәуелсіздік символы» атты мерекелік салтанатты кешке қош келдіңіздер!!!

1 Жүргізуші:

Отан – жерім, Отан - суым,
Отан қуат, нәр береді..
Отан - ұран, Отан - туым
Отан мәңгі гүлденеді - демекші, тәуелсіздігіміз тұғырлы болып, еліміздің символы – мемлекеттік рәміздерді қастерлеп, құрметтеу бәріміздің міндетті парызымыз болып саналады.

2 Жүргізуші:

1992 жылғы маусым айының 4-ші жұлдызы Қазақстан Республикасы тарихындағы ерекше мәртебелі күн. Бұл күн еліміздің мемлекттік рәміздері — Туы, Елтаңбасы, Әнұраны — дүниеге келген күн ретінде мәңгі есте қалады.

1 Жүргізуші:

Отанымыздың ұлттық мақтанышы – мемлекеттік рәміздерге арналады. Онда мемлекетіміздің рәміздері туралы білімдерімізді толықтырып, құрметтеуге үйренеміз. Кез келген мемлекеттің айшығы – мемлекеттік рәміздері екені белгілі. Бізде бүгінгі сабағымызды еліміздің Гимнімен бастайық. (Гимн орындалады)

Ендеше алғашқы мерекелік құттықтау сөзі мен өз баяндамасымен ортаға мектеп директоры Патшагул сөз кезегі беріледі.

1 Жүргізуші:

Сізге көп рахмет. Әрі қарай жалғастыру үшін, іс шарамыздың кезеңдерімен таныс болайық.

1 кезең - Сұрақ жауап

2 кезең - Кім жылдам?

3 кезең – Ойлан тап

2 Жүргізуші:

Қатар шапқан қос тұлпар,

Ай астында қазақ үй

Қалықтаған жас сұңқар,

Шарықтаған таза күй.

Бұл таңбасы елімнің, Елдігімнің белгісі – дей отыра 1 кезеңімізді бастайық.

Ойын шарты: Оқушылар интерактивті тақтада берілген ұяшықтарды таңдайды және берілген сұрақтарға кезек-кезекпен жауап береді. Берілетін уақыт: 1-минут. Оқушы жауап бере алмаған жағдайда, басқа оқушылар жауап бере алады.

2 Жүргізуші:

Жарайсыңдар балалар!

1 Жүргізуші:

Еркіндігім.

Қасиеттім.

Қастерлім.

Өзің барда өзегімде жоқ шер мұң!

Кеше сенің келбетіңді арман ғып,

Боданына бұғауландық басқа елдің.

Бабалардың басын тігіп бәйгеге,

Аналардың жанарына жас бердің!

Уа, Еркіндік, қош келдің! – дей отыра 2 кезеңімізді бастайық.

2 Жүргізуші:

2 кезеңнің ойын шартымен таныс болайық. Ойын шарты: Бұл кезеңде оқушылар жылдамдыққа ойнайды. Алдымен оқушылар өзара топ құрайды. Кейіннен берілген пластикалық стакандардан 1 минут ішінде мұнара жасап шығаруы қажет. Стакандарды уақытылы құрастыра алмаған топ жасырылған жұмбақатарға жауап береді.

1 Жүргізуші:

Тартыс пен қызыққа толы болған 2 кезеңімізді де аяқтадық. Қатысқан оқушылардың барлығына ризашылығымды білдіреміз.

2 Жүргізуші:

Уақыттың тез өткені соншалықты, іс-шараның соңғы кезеңінеде келіп қалыппыз.

1 Жүргізуші:

Таратады хас үлгі

Киесіндей жерімнің.

Бабам тұлпар жаратты,

Құлынында танып-ақ.

Тұлпар барда қанатты,

Шайқалмайды шаңырақ – дей отыра 3 кезеңімізді бастайық!

3 кезеңді бастамас бұрын шарттарымен таныс болайық! Залда отырған бірнеше оқушыға аяқталмаған мақал-мәтел беріледі. Мақал-мәтел берілген оқушылар рет – ретімен оның жалғасын айтуы қажет. Айта алмаған оқушыға зал ішіндегі оқушылар немесе ұстаздар көмектесе алады.

2 Жүргізуші:

Іс - шарамызды аяқтамас бұрын бізден кішігірім ән - шашу болсын. Ортаға “Көк тудың желбірегені” әнімен Бөбек колледжінің студенттерін шақырамыз!

1 Жүргізуші:

Осымен бүгінгі кішігірім іс - шарамыз өз мәресінеде жетті!

Бүгінгі іс-шараға қатысып, ат салысқан оқушылар мен ұстаздарға алғысымыз шексіз. Қош сау болыңыздар!

Әннің тексті:

Көк тудың желбірегені –

Қазақтың асқақ беделі.

Махаббат, қайрат екеулеп,

Шымырлатқаны денені.

Көк тудың желбірегені –

Жаныма қуат береді.

Таласқа түссе жан мен ту

жан емес,

маған керегі-

Көк тудың желбірегені.

Көк тудың желбірегені-

елдіктің асқақ өлеңі,

Жан-жаққа тартпай, Қазағым,

бір сөзге жинал дегені.

Көк тудың желбірегені –

Жаныма қуат береді.

Таласқа түссе жан мен ту

жан емес,

маған керегі-

Көк тудың желбірегені.

Көк тудың желбірегені –

бақыттың елжірегені,

Қиырда қалған Қазақтың

Азат отанға жете алмай

көзінің мөлдірегені.

Осымен бүгінгі кішігірім іс - шарамыз өз мәресінеде жетті!

Бүгінгі іс-шараға қатысып, ат салысқан оқушылар мен ұстаздарға алғысымыз шексіз. Қош сау болыңыздар!