Ұлы дала ақыны

Бүгінгі таңдағы Егеменді еліміздің ең басты мақсаты - өркениетті елдердің қатарында болу, бүкіл әлемдік білім кеңістігінен орын алу болып табылады. Мұның өзі ұлттық білім беру жүйесінің даму бағыттарын тың арнаға, жаңа сапаға жеткізудің қажеттілігін алға тартады. Осымен байланысты қазіргі уақытта Қазақстанда білім берудің өзіндік ұлттық үлгісі қалыптасуда. Бұл процесс білім парадигмасының өзгеруімен қатар жүреді.

Ұлы Абай шығармашылығының тағы бір қозғайтын мәселесі – адам тәрбиесі, содан туындайтын бүкіл халық тәрбиесі.  Қазақ халқының болашығы оның өз бетінше ел боуына, саяси бостандыққа қол жеткізуіне, экономикалық және мәдени кешеулеуден шығуына, қараңғылық пен кедейшіліктен құтылуына апаратын бірден – бір жол бүкіл елдің сауатын ашу, жастарды адамгершілікке тәрбиелеу, өнер мен еңбекке баулу деп анық айтты. Ақыл  - ойдың, сауаттылықтың дамуы үшін дүниеге шын көзбен қарап, нақтылы сезінудің қажетілігін барынша қорғап бақты.

2020 жылғы 14 қазан күні ҚазБСҚА жанындағы кітапханасында Президенттің «Рухани жаңғыру» бағдарламасын аясында 11 «А» сыныптың оқушыларымен сыныптан тыс сабақ өтті.

Сабақ «Абай Құнанбайұлы мен Мұхтар Әуезов шығармашылығы» тақырыбына арналды.

Сабақтың мақсаты: жас ұрпақтың кітапқа деген  сүйіспеншілігін ояту, білімге құштарлығын арттыру, өз елінің тарихын терең меңгеруге баулу.

ҚазБСҚА жанындағы кітапхана да бұл сабақтан тыс қалмады.

Кітап та алма ағашы,

Жемісін біздер теретін,

Тәтті алмаға балашы,

Кітабыңның әр бетін, -деп Мұзафар атамыз жырлағандай, әдеби кітаптар және оқулықтар сендерге білім көзі, рухани қазына. Біз кітап арқылы бастауыш кластардың өзінде –ақ бүкіл адамзаттың мәдениетімен таныса бастаймыз.Бірақ рухани өмірімізде кітаптың алатын орны осымен тоқтап қалмайды.Алға басқан сайын кітап біздің айнымас серігіміз болып қала береді.Кітап білімімізді молайтады, кітаптан көп үлгі –өнеге аламыз. Оқыған-тоқығаның көп болса, жеңбейтін жау, алынбайтын қамал жоқ. «Батыр бірді жығар, білімді мыңды жығар», - деген халық даналығы бекер айтылмаған. Ендеше, кітап біздің сарқылмас рухани қазынамыз екен.

Сабақтың соңында мектеп оқушылары мен кітапхана қызметкерлері өз ойларын ортаға салып, талқылады. Мектеп оқушылары Абай мен Мұхтар Әуезовтің шығармашылығы мен саяси өміріне үлкен қызығушылық танытты.

Оқушылар Абай Құнанбайұлы мен Мұхтар Әуезовтің қазақ елінің гүлденуі мен тәуелсізідігі жолындағы көрнекті тарихи тұлғалар екендігін айқындап, өз пікірлерін айтты.

Сабақ соңында оқушыларға ізгі тілектер айтылып, сабақ қорытындыланды

ҚазБСҚА жанындағы лицейдің оқытушысы:

Стыкулова Жадыра Абубакировна.