Тақырыбы: Жаңа жылдық ертегі.
Музыкамен Тауық балапандарымен кіреді: Армысыздар, жаңа жылды қарсы алуға келген оқушылар, құрметті қонақтар. Жаңа жыл мерекелеріңіз құтты болсын. Жаңа жыл елімізге, әр шаңыраққа тыныштық, бірлік, құт-береке әкелсін.

1-балапан:Еркежан

Кел, жаңа жыл,
Төрле, төрле жеріме,
Құт береке боп келгейсің еліме,
Шаттығына бөлегейсің бізді де.

2-балапан: Жанель

Қош келдіңіз бүгінгі кешімізге,
Жаңа табыс тілейік ісімізге.
Келе жатқан жаңа жыл құт әкелсін,
Мына отырған барша жан бәрімізге.

3-балапан: Акнур
Айнала қоршап шыршаны,
Шашылар шашу – жыр әні.
Мынау әсем шыршаға,
Қош келдіңіз балалар.

4-балапан: Жәмила
Төрлетіңдер, төрлетіңдер.
Шырша сәнін көріңдер.
Әсем әнмен би билеп,
Күй жырларды төгіңдер.

Тауық:
Жаңа жыл-туындаған жаңа армандар,
Жаңа жыл-шуылдаған жаңа ормандар.
Ал мынау-мәңгі бақи жаңа дүние,
О, сәлем жаңа жылда жаңарғандар.
- Балалар, сендер мультфильм кейіпкерлерін жақсы танисыңдар ма? Ертегі ұнатасыңдар ма? Мен бүгінгі кешке көптеген ертегі кейіпкерлерін қонаққа шақырдым.

(Ортаға Чебурашка мен Гена баянмен шығады.)
Чебурашка: Мәссаған, Гена қарашы, қаншама халық келген. Мен осыншама үлкендер мен балаларды ешқашан көрген емеспін.
Гена: Ал мен көрдім. Зообақта жұмыс жасасаң бұдан да көп адам көресің.
Чебурашка: Барлығыңыз амансыз ба? Жаңа жылдарыңызбен! Мені білесіңдер ме? Мен әлемге белгісіз жануармын.Менің атым...
Барлығы: Чебурашка.
Гена: Ал менің – менің атым кім?
Барлығы: Қолтырауын Гена!
Гена: Мәссаған - қандай ақылды балалар! Ал енді Чебурашка, біздің жаңа әнімізді айтсақ қайтеді.
Чебурашка: Айтсақ айтайық:
Пусть белеют тропинки,
И летают снежинки.
И заводит пурга хоровод -
Сразу ясно прохожим,
На сосульки похожи,
Что наступит вот - вот Новый год...
Гена: Я ж играю на горможке
У прохожих на виду...
Чебурашка: К сожелению, Новый год -
Он тоже раз в году...
Чебурашка: Сөздері енді, аздап келіспейді. Мен мына жерде өнер көрсетіп кеткен сияқтымын. Ал барлық халық Аяз ата мен Ақшақарды көргісі келіп тұрған секілді. Олардың да келетін уақыты болды ғой.

Тауық: Чебурашка дұрыс айтады! Бүгінгі кешіміздің қадірлі қонағы, әрі сәні АЯЗ ата мен Ақшақарды шақырайық.

Хормен: АЯЗ АТА, АҚШАҚАР. (3 рет)

Аяз Ата: Асулармен алысқан, 
Асау желмен жарысқан 
Аталарың сендерге 
Шаршап келді алыстан 
(Балалармен амандасады.) 
Ақшақар: Амансыздар ма, балалар, ата - аналар. Өздеріңді сағынып келдік, жаңа жылдарыңыз құтты болсын. Мен сендермен жаңа жылды қарсы алатыныма өте қуаныштымын.

Тауық: Балалар, Аяз Ата мен Ақшақар келді. Бірақ кешіміз әлі де көңілсіз сияқты. Не жетпей тұр деп ойлайсыңдар?

Балалар: Шырша шамы.

Тауық: Олай болса, бәріміз мына сиқырлы сөзді айтайық:

Қуант бізді таңырқат,

Шамдарыңды жарқырат.

(Шырша жанбайды).

Тауық: Ой, шыршамызға не болған?

(даңғыр музыка)Осы кезде шыршаның артынан мыстан кемпір күліп шығады: - Қайдағы сиқырлы сөз, ха-ха-ха. Менің сиқырым сендердікінен де күштірек, тіпті Аяз Атаның сиқырлы таяғының күші де жетпейді.

Аяз Ата: Мыстан кемпір, жүрген жерің айғай-шу, балалардың кешін бұзба, шыршаны жағу керек. (таяғымен жерді қағады) – Шынымен де, сенікі дұрыс болғаны ма? Шыршамыз жанбады.

Мыстан кемпір: Менің сиқырымды жеңу үшін тапсырмамды орындап көріңдер. «Шырша» сөзінен 3 жаңа сөз шығару керек, әріптер қайталанбау керек.

Мыстан кемпір: Иә, балалар, менің тапсырмамды дұрыс орындадыңдар. Манағы сиқырлы сөздеріңді қайталаңдар, шырша жануға тиіс.

(шырша жанады)

Бәрі қуанады.

Мыстан кемпір: Менің жаман ойым болған жоқ, сендермен жаңа жылды қарсы алғым келді. Кеште қалуға рұқсат етесіңдер ме?

(Бәрі рұқсат береді)

Ақшақар: балалар, шыршаға арналған әнге кезек берейік.

(Хоровод)1-2-3 сын

Аяз ата: әндерің тамаша болды. Кеште кім тақпақ айтса, кім өлең айтса, ал кім билесе, бәріне де тәттілерім бар. Қане, қайдасыңдар?

Сендер маған өнерлеріңді көрсетесіңдер ме?
Ақшақар : Ата, балалар өз өнерлерін көрсетуге дайын. Биылғы жылы біз қыстың сәні - қарды ұзақ күттік. Сондықтан «Ақшақарлар» көңілді билерімен ортаға шығып, бізге билерін көрсетпекші.

«Ақшақарлар» биі.

(музыкамен)Ортаға Мальвина мен Буратино кіреді.

-Сәлеметсіңдер ме, балалар, бізді танисыңдар ма? Біз қай ертегі кейіпкерлеріміз?

-Дұрыс, біз Буратино екеуміз сіздерді «Қайтала, жаңылма» көңілді ойынына шақырамыз. Олай болса, 1-4 сынып оқушыларын қатарға тұруға шақырамыз.

Музыка ойнаған кезде біздің қимылдарымызды қайталаңыздар.

Мальвина:- Буратино, менің ән айтқым келіп тұр.

Буратино: -Мен қарсы емеспін.

Мальвина: Ән айтқыларың келе ме?

2 –сынып «Келді міне, жаңа жыл»

(Залға ергежейлілер жүгіріп кіреді.)

Аяз Ата: Мұнда не істеп жүрсіңдер, бар, тез қайтыңдар! Менің солтүстік даламды иесіз қалдырдыңдар ма?! Тіпті Аққұбаны да ертіп алыпсыңдар.

Ергежейлілер: Жоқ, ата! Сіз жыл сайын балалардың өнерін көремін деп кетіп қаласыз. Бізді ертіп жүрмейсіз. Біз де қонақтарды құттықтап, өнерімізді көрсеткіміз келеді.

Аяз Ата: Қызықты өнерлерің болса, тамашалайық. Бірақ, кешікпей кері қайтыңдар.

Ергежейлілер: Жақсы, ата, айтқаныңыз болсын.

Би «Ергежейлілер»

(Сағаттың тықылдаған даусы естіледі)

Тауық: Естисіңдер ме, балалар. Бұл сағат тілінің 12-ге жақындағанын білдіреді. Менің кететін уақытым болды. Айтыңдаршы,менің орнымды кім басады?

Питбуль Ит кіреді.

Ит жылы: - Ассалаумағалейкум, ағайын! Армысыз,Аяз Ата, Ақшақар!

Соңынан Қыз ит шығады.
Тауық:  Жақсылы, жаманды жыл болдым. Қолымнан келген біраз шаруаны атқардым . Біздің мектеп түлектерінің үшеуі «Алтын белгі» иегерлері атанып, жоғары оқу орындарында тегін білім алуда. Оқушыларымыз аудан- облыс көлемінде түрлі пәндік олимпиадалар мен «Зерде» зерттеу жұмыстарына қатысып, жүлделі орындарды иеленді. Елде ЕХРО-2017 көрмесі Астанамызда өтті. Мына тұрған халық куә, содан сұрарсыңдар. Біразың барып та, қайттыңдар. Әлі де болса атқарылар істер көп. Соның бәрін жаңа 2018 жылға аманат қылып қалдырамын.

Ит: Аманатыңды қабыл алдым, Тауықжан. Балалар, алдағы жылы да биік белестерден көрінеміз деп уәде етеміз бе?

Хоровод 4-1 сыныптар?

Машаны аю қуып кіреді. Аюдың қолында жыртылған қағаздар.

Аю: Балалар, көмектесіңдерші. Машаааа.... менің суреттерімді бүлдіргені аздай, менің балаларға дайындаған сыйлықтарымды да бүлдірмекші. Ақшақар, ұста Машаны. Маша менің салып қойған суреттерімді қиып тастапты. Бұларды енді қайтадан құрастыруға көмектесіңдерші. (Әр сыныптан 5 бала ортаға шығып, мына пазлдарды құрастыру керек).

Флешмоб (5 – сынып, ертегі кейіпкерлері)

(Сағат тілі қаттырақ тық-тық етіп қағып кетеді сол кезде)

Аяз ата: Ал, қарақтарым! Менің сағатым соғып жатыр. Мені күтіп отырған қаншама ел мен жер бар. Сонда барайын. Сендерге көп рақмет! Өнерлерің өрге жүзсін. Биік шыңдардан көрініңдер!

Жаңа жыл - жаңа бақыт,

Әкелсін далама құт.

Өнерлілерің көп болсын,

Елде уайым жоқ болсын.

Тілектерің ақ болсын,

Бастарыңа бақ қонсын.

Келер жылы келермін,

Өнер тағы көрермін.

Сыйлық әкеп сендерге,

Көптен-көптен берермін.

Жақсылыққа толыңдар,

Тек биікке қоныңдар.

Келесі жылы көріскенше, Амандықта болыңдар!

Бульдог: Ал, құрметті достар! Бәріміз бірге Аяз атаны шығарып салайық.

2-ит: Аяз ата, келесі кездескенше аман болыңыз. Біз сізді асыға күтеміз.
АЯЗ АТА: Ой, бәрекелді, балаларым. Әсем ән шырқап, би билеп аталарыңды бір қуантып тастадыңдар. Көп-көп рахмет, өркендерің өссің. Енді Ақшақар екеуміз аттанайық. Баршаңызбен қоштасамыз, сау болыңдар.
АҚШАҚАР: Сау болыңдар, балалар, келесі жаңа жылда кездескенше.
Барлығы: Сау болыңыз Аяз ата, сау болыңыз Ақшақар..
Бульдог: Міне, жаңа 2018 жыл да келді. Ал 2018 жылы да елімізге тыныштық болып , ырыс-құтымыз арылмасын.
Мальвина: Жаңа жыл- әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Жаңа жыл баршамыз үшін берекелі, мерекелі жыл болсын.
Келесі жаңа жылда кездескенше аман-сау болайық.
Бірге: Жаңа жылдарыңыз құтты болсын.