Сыныптан тыс жұмыстарда географиялық аспаптарды қолдану

Сыныптан тыс жұмыстарда географиялық аспаптарды қолдану

Таскараева Калбиби Ахметовна

ОҚМПУ География кафедрасының аға оқытушысы

Оңтүстік Қазақстан мемлекеттік педагогикалық университеті География кафедрасының аға оқытушы Таскараева Калбиби Ахметовнаның ұйымдастыруымен «Географиялық кабинеттің жабдықталуы» тақырыбындағы сабақты 1511-19,1511-29 тобының студенттері өткізді. Бүгінгі таңда ел Президентінің ‘‘Қазақстан-2050” жолдауында «Отандық білім беру жүйесіне инновациялық әдістерді,шешімдерді және құралдарды қарқынды енгізуге тиіспіз»- деп атап айтқанындай еліміздің стратегиялық дамуындағы негізгі мәселелердің бірі- жалпы білім беретін мектептерінің техникалық-базалық жабдықталуын жақсарту мақсатында мектеп реформасын талапқа сай жүргізу міндеті тұр.

Қазір көптеген жалпы білім беретін мектептерде география кабинеті ұйымдастырылған. Кабинет - мұғалімнің жүйелі түрде сабақ өтуіне , оқушыларға тиянақты білім беруіне , қажетті көрнекті құралдарды жинақтауға көмегін тигізеді және пән кабинеті мұғалімнің оқушыларға сол пәнді терең игеруіне мүмкіндік туғызатын зертханасы болып табылады.

Сабақ барысында 6В01511-География-Тарих мұғалімін даярлау білім беру бағдарламасы бойынша 3-курс студенттері белеснділік танытып, Өмірәлі Б., Юлдашев У., Нишанкулов Р. оқушыларға сапалы білім беруде , тұлғаны дамыту мен тәрбиелеуде жақсы жабдықталған кабинеттердің маңызын ашып көрсетті. Сонымен қатар, географиялық аспаптарды қолдану оқушылардың танымдық белсенділігі артып, пәнге деген қызығушылығы пайда болатынын айқындады.

Сабақ соңында студенттер география кабинетінде сабақты түрлендіріп өтудің және түрлі карталар мен картографиялық техникалық құралдарды қолданудың мүмкіндігі жоғары екендігі айтылып, студенттер өзара керібайланыс жасады.