Сынытан тыс шара

Сабақтың тақырыбы: «Жаныңда жүр жақсы адам»

Сыныбы: 9.10.11 сынынтар

Сабақтың мақсаты:

-оқушыларға адамды жақсылыққа жетелейтін жақсы қасиеттер мен әрбір жақсы істердің шапағатын туралы өткен сабақта алған түсініктерін кеңейту.

Міндеттері:

-оқушыларды адамдардың өзара қарым-қатынасындағы ынта-ықылас, жан жылуы мен жақсылықты сезініп, бағалай алуға үйрету.

Кіріспе: Алғыс білдірудің маңызы өте зор. Қазақта  «Қарғыс алма, алғыс ал» деген сөз бар. Біреудің шынайы алғысына бөлену адамға үлкен рухани әсер береді. Алғыс білдіру адамдар арасындағы өзара құрметті көрсетеді.

«Ел алғысын алсаң елеулісі боларсың» деп аталарымыз ұрпағына үнемі алғыс алуды өсиет еткен.

«Алғыс алған арымас,

Қарғыс алған жарымас», деген дана бабаларымыз. Мұнда алғыс алудың бақыт пен жақсылықтың бастауы екендігін ұрпақ санасына сіңірген. Алғыс айту адамның адамға деген шынайы ниетін білдіреді. Бабалардан қалған бұл үрдіс бүгінде өз жалғасын табуда.

 Елбасы Н.Назарбаев елімізде 1 наурызды «Алғыс айту күні» деп жариялау туралы Жарлыққа қол қойғаннан бері көктемнің алғашқы күнінде Алғыс айту күнін атап өтілді. Алғыс айту ұлттар мен ұлыстар арасындағы татулықты бекіте түседі.

Бейнефильм көрсету

Аллаға әуелі рахмет!

Тірлікті мынау жаратқан.

Анаға шексіз рахмет!

Ақ сүт берген, толғатқан.

Әкеге айтам мың алғыс!

Ұрпақтар жібін тарқатқан.

Бауырға туған рахмет!

Қолдаған, сүйген, жұбатқан.

Ұстазға ұлы рахмет!

Нәрімен білім сусатқан.

Балалық досқа рахмет!

Қуанған бірге мұңдасқан.

Сол жанға айтам мың алғыс!

Сезімі үшін жылытқан.

Халқыма туған рахмет!

Шыңдаған, елге танытқан.

Қазаққа дархан рахмет!

Салт-санасын сіңірген.

Жеріме байтақ рахмет!

Таза ауа үшін сімірген.

Жарыма айтам мың алғыс!

Сыйлаған ұл-қыз, түсінген.

Барша әлем, саған рахмет!

Әр күнім үшін кешірген.

Кездесуге қатысқан оқушылар «Жаныңда жүр жақсы адам» атты бөлімінде өзінің үлгі алатын адамының жақсы қасиеттерін жазады.

Алғыс айтудың маңыздылығы орасан зор. Алғыс айта білу адамның өз мәдениеттілігін, қарым қатынас мәдениетінің жоғарылығын білдіреді.

Халқымызда «Жақсы сөзге жан семіреді» деген дана сөз осының белгісі болса керек. 

Қорытынды: «Жақсы адамдар» әнін кездесу қонақтарымен бірге орындалады.