"Білімділер мен тапқырлар сайысы"

Мақсаты: оқушыларға әр түрлі қызықты тапсырмалар орындату арқылы пәнге деген қызығушылықтарын арттыру, еркін сөйлеу, тыңдау, жылдам ойлау қабілеттерін дамыту. Тапқырлыққа, зейінділікке тәрбиелеу.

Түрі: сайыс сабағы.

Жабдығы: жетондар, сандықша, шарлар, нақыл сөздер, суреттер

Барысы:

-Сәлеметсіңдер ме, құрметті ұстаздар, балалар! Ұлтымыздың мерейін өсіріп, бар болмысымызды айшықтайтын қасиетті – Наурыз мерекесі елімізге, әрбір отбасына бірлік пен қуаныш, құт-береке, бақыт пен молшылық әкелсін! Ұлыс оң болсын, ақ мол болсын! Сіздерге деген шын жүректен бақыт пен құт-береке, бейбіт өмір тілектерімізді қабыл алыңыз. Біз әр күніміз өсу мен даму үшін мүмкіндік туғызатын, ырыс-берекеміз нығайған елде өмір сүріп отырмыз. Барлық игілікті істер табыспен аяқталып, жемісті еңбек тек қана қуаныш әкелсін!

-3 сынып оқушылары Наурыз туралы өлеңдерін оқиды.

Ұлыстың қадам басып ұлы күні,

Үйдің де көктей жаздап тұр уығы.

Көңіл де наурызбенен шешек атсын,

Жүректің сарқылмасын жылылығы. (Лиана)

Наурыз тойы- ақ батаның бастауы,

 Береке мен бірліктің жалғасуы.

 Жеті түрлі қасиетті дәмменен,

 Байтақ елдің бір толады астауы. (Жәңгірхан)

 Наурыз келіп көктем сазы білінер,

 Ойнап- күлген жас балалар жүгірер.

 Жаңа жылы қазақ деген ұлы елдің,

Наурыз ай шаттықпенен нұр берер. (Саша)

-"Наурыз" биі

-Біз бүгін Наурыз мейрамы қарсаңында 3 сынып оқушылары арасында "Білімділер мен тапқырлар тартысы" атты сыныптан тыс іс-шараны өткізгелі отырмыз. Бүгін сендер өз білімдеріңді көрсетуге барынша тырысыңдар. Сайыскерлеріміз төрт топқа бөлінеді. Топтардың кезегін анықтау үшін сандықшаның ішінен жетон суыруыңыз керек. Әр топтан бір оқушы шығып жетонды алыңыз.

-Ендеше, сайыскерлеріміз орындарына жайғассын.

-Алдымен, балалар, сайыс кезеңдерімен танысып алайық. Сайысымыз төмендегідей 5 кезеңнен тұрады:

1-кезең. Бәйге.

2-кезең. Үздік аудармашы.

3-кезең. Артық сөзді тап.

4-кезең. Адасқан әріптер.

5-кезең. Ұйқасын тап.

-Сайыскерлеріміздің әрбір дұрыс жауабы үшін жетон беріледі, сол жетон санына байланысты жеңімпаз анықталады.

"Бәйге" кезеңінде сайыскерлер кезек бойынша келесі сұрақтарға жауап беруі тиіс. (Әр топқа екі сұрақтан).

1.Күзде нелер сарғаяды?

2.Күзде не жиі жауады?

3.Мектепте сабақ қай айда басталады?

4.Күз айларын білесің бе?

5. Қыс айларын атаңдар?

6.Көктем айларын атандар

7.Жемістерге нелер жатады?

8.Көкөністерді атап шық

9.Түстерді ата

10. Апта күндерін атап бер

11.Бір айда неше күн бар?

12.Бір жылда неше ай бар?

13.Жаз айларын ата

14.Оқу құралдарына нелер жатады?

15.Көктемде күн қандай болады?

16.Көктемде қандай мейрамдар бар?

"Үздік аудармашы" кезеңінде сайыскерлеріміз мына сөздердің аудармасын айтуы керек