Білім беру саласы : Шығармашылық.

Бөлімі: Сурет салу.

Тақырыбы:Мерекелік от шашу.

Мақсаты;Балалардың қарындашты дұрыс пайдаланып сурет салуға жаттықтыру.Мерекені қуанышпен қарсы алу арқылы эмоциялық көңіл күйлерін көтеру.Үзік сызықтарды үйлестіре қосу арқылы отшашудың суретін салуға үйрету.Қоршаған ортаны бақылап,оның өзгерістерін байқай білуге үйрету.Ұқыпты жұмыс жасауға,өз өлкесіне сүйіспеншілік сезімдерін тәрбиелеу.

Қолданылатын көрнекі құралдар: Демонстрациялық материалдар,шарлар.

Қажетті құрал-жабдықтар: Сурет дәптері,түрлі түсті қарындаштар,сүрткіштер

Сөздік жұмыс: отшашу.

Тәрбиеші балаларға бейнетаспадан көріністер көруді ұсынады.Бейнетаспаны көріп болған соң көрініс не туралы екенін сұрайды.

-Бұл қандай мереке?Неге барлық адамдар көңілді?Сендерге мереке ұнайды ма?

Мерекелерде отшашу жаққанда айнала жап-жарық болып,әдемі түстерге боялады.

Отшашу мерекенің нағыз сыйы екендігін түсіндіреді.Елдің шаттанып,барлық адамдар жылы,көтеріңкі көңіл күйге бөленетіндігін айтады.

Балалардың іс-әрекеті

Балалар жарты шеңбер болып отырып бейнетаспаны көреді.

Көптеген адамдардың қолдарында гүл,шар,балалардың қолында балмұздақ, ойыншықтар.

Тәрбишінің іс-әрекеті

Балаларға <отшашу> сөзін қайталап айтқызады.

Егер мерекедегі осы сәт ұнаса,отшашудың суретін салуды ұсынады.

Сурет салуды бастамас бұрын сергіту сәтін жасауды ұсынады.

Сергіту сәті:

Кәне,кәне,тұрайық,

Үлкен шеңбер құрайық.

Тұрсақ неді шеңберге,

Алақанды ұрайық.

Оң жақтағы балаға,

Сол жақтағы балаға.

Шапалақта,шапалақ

Шапалақта,шапалақ.

-Алдарындағы сурет дәптерге өзіміз тұратын қаланың суреті берілген,жақында еліміздің туған күні болып өтті .Сонда өте әдемі,жарқыраған оттары көп отшашулар атылды.Бояудың өздеріңе ұнаған түстерін пайдаланып,қылқаламмен сызық жүргізу арқылы сол отшашу бейнесін салып көрейік.

Педагог отшашудың сәулелері әдемі болу үшін бояудың түстеріне дұрыс таңдауға және оны үйлестіре сызуға мән береді.Отшашу түрлі түсті жарыққа бөленуі үшін қызыл,сары,жасыл,көк түстерді пайдалану қажеттігін айтады.

алаларға саусақтарымен жаттығулар жасатады:

Балалардың іс-әрекеті

<Отшашу>сөзін сыбырлау әдісімен қайталайды.

Осы отшашуды салуға келісімдерін беріп,салуға дайындалады.

Сергіту сәтін орындап,өлең сөздерін қимылмен көрсетеді.

Сурет дәптерді қарап,тамашалап,түрлі түсті қарындашты пайдаланып,үзік сызықтарды бірінің үстіне бірін кезекпен сызу арқылы отшашуларды салады.

<Қуырмаш>өлеңін бірге айтып орындайды.

Рефлексиялық түзетушілік

-Бүгін мерекелік отшашуды барлығың тамаша,әдемі салғандықтан,сендерге қуыршақ Айсана өзінің сүйікті әдемі қызыл шарын беріп жіберіпті.Осы қызыл шарды аспанға ұшыру үшін бәріміз терең дем алып,демімізді шығарып қалықтатайық.

Балалар салған суреттерінен кешке ата-аналарына көрсету үшін көрме жасайды.

Айсана беріп жіберген үрленген шардың жеңіл екендігін байқап,ұшыруға әрекет жасап,тыныс алу жаттығуларын жасайды.

Күтілетін нәтиже:

Біледі:Мерекеде аспанда отшашулар шашылатынын.

Игереді:Отшашуды тек аспанға ату керектігін.

Меңгереді: Қарындашпен әдемі етіп түрлі түсті сурет салуды.