Сурет салу "Тікенекті кірпі"

Оқу іс-әрекетінің кезеңдері

Тәрбиешінің іс-әрекеті

Балалардың іс-әрекеті

Мотивациялық - қозғаушылық

Тәрбиеші балаларға орманнан тиін келгенін, ол өзінің досы туралы жұмбақ жасырғысы келіп тұрғанын айтады:

Бір мақұлық бар екен төрт аяқты,

Таңыпты арқасына мың тікенді.

Ашуланса аяқ-қолын көрсетпейді,

Көресің көзің салсаң ғажайыпты.

Балалар жұмбақты шешкен соң тәрбиеші балаларға иллюстрациялық суреттерді көрсете отырып,кірпі туралы, оның тіршілігі және оның ерекше тікенектері жайлы түсінік береді. Сөздік жұмысын жүргізеді.

Балалар тиінмен сәлемдеседі. Балалар да өздерінің достары жайлы ойларын айтады. Балалар шешуін ойланып табады. Суреттегі кірпілерді тамашалап, тікенектері арқылы жауынан қорғанатыны жайлы әңгімелеп айтады. «Тікенкті кірпі» сөзін бір-біріне қайталап айтады.

Ұйымдастырушылық - ізденістік

Сергіту сәті:

Ал, балалар, тұрайық,

Үлкен шеңбер құрайық.

Оңға қарай иіліп,

Солға қарай иіліп,

Жоғары-төмен қарайық,

Орнымызды табайық.

Тиін балаларға өзінің досы тікенекті кірпінің суретін салуды ұсынады. Суреттің дайын үлгісін көрсетіп, кірпі туралы әңгіме жүргізеді. Кірпінің тікенектері оны жауынан қорғайтындығы туралы айтады.

Кірпінің тікенектерін салу тәсілін көрсетеді. Содан соң балаларға сурет салуға арналған ,үзік сызықтармен бейнеленген кірпі үлгісі бар үлестірмелі материалды таратып береді. Балалар алдымен үзік сызықтарды қосып, кірпінің бейнесін дайындап алады. Ішін сұр түсті қарындашпен жұқалап тегістеп бояйды. Содан соң қысқа тік сызықтар түсіру арқылы тікенектерін салады. Тәрбиеші тік сызықтардың арақашықтықтары біркелкі болуына назарларын аударады. Сурет салып болғаннан кейін барлығы бірге көзге арналған жаттығулар жасайды.

Өлең жолдарына сәйкес қимылдар жасайды.

Дайын дәптерге қарындашты пайдаланып, жартылай дөңгеленген кірпінің бейнесін үзік сызықтар арқылы салады.

Тікенектерін қысқа түзу сызықтарды сызу арқылы салады.

Рефлексиялық - түзетушілік

Тиін әр баланың қасына барып, өте жақсы салғандарын, өзінің досы кірпіге апарып көрсететінін айтып мадақтайды. Қоштасып қайтады.

Балалар тиінмен қоштасады. Салған суреттерін кірпіге беріп жібереді. Жұмыс орындарын жинастырады.