Табыс пен сенім тарихы–Halyk Bank

Halyk Bank–Қазақстандағы ең беделді және ұзақ тарихы бар қаржы институттарының бірі.Бұл банк елдің қаржылық жүйесінде ерекше орын алады,себебі оның қызметі халықтың сеніміне, тұрақтылыққа және инновацияға негізделген.Halyk Bank өзінің тамырын сонау 1923 жылдан бастайды,ол кезде Қазақстан аумағында еңбек жинақ кассасы ретінде құрылған болатын. Кеңес дәуірі кезеңінде банк тұрғындардың салымдарын қабылдап, несие және төлем қызметтерін көрсетумен айналысты.Еліміз тәуелсіздік алғаннан кейін банк жаңа экономикалық талаптарға бейімделіп, 1996 жылы «Қазақстан Халық жинақ банкі» акционерлік қоғамы ретінде қайта құрылды. Уақыт өте келе банк қызметінің ауқымы кеңейіп, клиенттерге ұсынатын өнім түрлері көбейді. Ал 2018 жылы Halyk Bank пен Kazkommertsbank бірігіп, Қазақстанның ғана емес,Орталық Азиядағы ең ірі қаржы ұйымдарының біріне айналды.

Бүгінде Halyk Bank жеке және заңды тұлғаларға арналған қаржылық қызметтердің кең спектрін ұсынады. Жеке тұлғалар үшін депозиттер, тұтынушылық және ипотекалық несиелер, төлем карталары, онлайн және мобильді банкинг қызметтері бар. Ал бизнес клиенттерге арналған корпоративтік несиелер, факторинг, лизинг және инвестициялық жобаларды қаржыландыру сияқты бағыттар бойынша тиімді шешімдер ұсынылады.

Соңғы жылдары банк цифрлық технологияларды кеңінен енгізіп, қаржы нарығындағы инновациялық көшбасшылардың қатарына қосылды. Halyk Homebank мобильді қосымшасы бүгінде Қазақстандағы ең танымал онлайн-банкинг жүйелерінің бірі болып саналады. Бұл қосымша арқылы тұтынушылар төлемдер жасап, коммуналдық қызметтерді төлей алады, ақша аудара алады және несиелік операцияларды орындай алады. Банк сонымен қатар QR-код арқылы төлем жасау және биометриялық сәйкестендіру жүйесін енгізіп, қауіпсіздікті күшейтті.Halyk Bank халықаралық деңгейде де белсенді жұмыс атқарып келеді. Қазіргі таңда оның еншілес ұйымдары мен филиалдары Өзбекстан, Қырғызстан, Грузия, Ресей және Тәжікстан сияқты елдерде қызмет көрсетеді. Бұл банкке ТМД аймағында беделді серіктес атануға мүмкіндік берді. Сонымен қатар Halyk Bank әлемдік қаржы ұйымдарымен Еуропалық қайта құру және даму банкі, Азия даму банкі, Visa және Mastercard компанияларымен ынтымақтасып жұмыс істейді. Компанияның басты қағидаларының бірі– әлеуметтік жауапкершілік. Банк жыл сайын білім беру, спорт, мәдениет және экология бағытындағы жобаларды қолдайды. Әсіресе пандемия кезінде Halyk Bank қоғамға елеулі көмек көрсетіп, дәрігерлерге, әлеуметтік жағдайы төмен азаматтарға және «Birgemiz» қоры арқылы мұқтаж жандарға қолдау білдірді.2025 жылғы мәліметтер бойынша, Halyk Bank активтерінің жалпы көлемі 15 триллион теңгеден асып, нарықтағы үлесі 35 пайыздан жоғары көрсеткішке жетті. Халықаралық рейтинг агенттіктері – Moody’s және Fitch – банкке жоғары сенімділік деңгейін берген. Бұл көрсеткіштер банк қызметінің тұрақтылығы мен сенімділігін дәлелдейді.

Halyk Bank – халық сенімінің символы әрі Қазақстанның қаржы жүйесінің тірегі. Ол дәстүр мен жаңашылдықты ұштастыра отырып, заманауи технологияларға сүйенген қызмет көрсетуді жолға қойған. Банк өз тарихында түрлі экономикалық кезеңдерден сүрінбей өтіп, еліміздің экономикалық дамуы мен қаржылық тұрақтылығына зор үлес қосып келеді. Бүгінгі таңда Halyk Bank тек банк емес, елдің сенімін, табандылығын және дамуға деген ұмтылысын бейнелейтін ұлттық брендке айналған.

Автор: М.Ауезов атындағы Оңтүстік Қазақстан университетінің 2 курс студенті Шушбай Мадина

Жетекші:Жамашева Жанар Рахматуллаевна