Тамыры терең- бәйтерек.

Тамыры терең- бәйтерек.

Маңғыстау облысы,Қарақия ауданы,Жетібай ауылында орналасқан №3білім беру орта мектебінің бой көтеріп, талай шәкірттің қанатын қатайтып,білім нәрімен сусындатып,үлкен өмірге жолдама алып отырғанына биыл 60-жыл толып отыр.Осынау тамырын тереңге жайған білім ордасын мақтанышпен айта аламын.Кезінде сан қиындықты бастан кешіп,алғашқы жылдары балаларды жертөледе оқытып,өткізген күндер бүгінде тарих беттеріне айналды.Мектептің кешегісі мен бүгінгісіне көз жүгіртсек,өткенін тарих еншісіне қалдырып,бүгінде Тәуелсіз еліміздің мықты ұстаздары еңбектерін жалғастырып келеді.Қаншама білімді ардагер ұстаздарымыз зейнет жасына шығып, еңбектерінің жемісін көруде.Атап айтсақ Мастаева Ирина,Темірханова Қаным,Ақынова Айсұлу,Скендирова Дариға,Медиева Қаным,Боранқұлов Қайырбек,Исаева Қания ардагер ұстаздарымыздан сан жылдар бойы білім алған мыңдаған шәкірттеріміз түлеп ұшып,Абай атамыз айтқандай "Дүниенің бір кірпіш болып қаланып"- түрлі салада еңбек етуде.Тәуелсіз еліміздің рухани жаңғыру аясында,мектебіміздің басшысы Муканова Гүлшат Сағынбайқызы бүгінгі таңда өзінің түлеп ұшқан алтын ұя мектебінде,басшылық қызметін атқарып отыр.Білікті де білімді басшымыздың ерен еңбегімен,ауызбіршілігі мықты ұжымның арқасында мектебіміз күннен-күнге жарқырап,гүлденіп алдыңғы қатардағы мектептердің бірі болып келеді.Мектептің ұлағатты ұстаздары заманауи озық техналогияны жетік меңгеріп,шәкірттерге саналы тәрбие мен сапалы білім беріп келуде.Осынау 60-жылдық білім ордасының тұғыры мықты болсын.