Танылмаған талант

Мектебімізде музыка пәні мұғалімі Назипа Губайдуллинаның ұйымдастыруымен 1 – 6 сыныптар аралығында «Танылмаған талант» атты ән байқауы оздырылды. Мен байқау жүргізушісі болдым. Байқау мақсаты оқушыларға еркін тақырыпта ән айтқыза отырып оқушылардың ән айтуға деген қабілетін ашу, талантты, дарынды оқушыларды анықтау еді. «Танылмаған талант» деп аты айтып тұрғандай байқау барысында сахна табалдырығын алғаш аттап отырған оқушыларда болды. Екінші бөлімінде бойында ақындық қабілеті бар оқушыларды анықтау мақсатында ойын ұйымдастырылып, залда көрермен болып отырған оқушыларға «Астана» туралы өлең шығару тапсырылды. 6 – сынып оқушысы Джусупов Бекзат отырған жерінен қолын көтеріп сахнаға шығып «Астана» тақырыбында өлең шығарып беріп «Болашақ ақын » номенациясын жеңіп алды. Содан кейін оны кімде – кім өз ойынан ән қылып айтып берсе оған «Болашақ композитор» номинациясы берілетінін хабарладық. Бірнеше оқушы оны ән қылып айтып берді. Соның ішінде 6 – сынып оқушысы Жетпісбайқызы Гүлсім «Болашақ композитор» номинациясын жеңіп алды. Басқа да қатысушылар дипломдар мен алғыс хаттармен марапатталды. Оқушылардың ән айтуға деген өнерге деген қызығушылығын оятып, қабілетін арттырып отырған ұстазымыз Назипа Нуртайқызына оқушылар атынан алғысымызды білдіреміз.

Болатова Инабат 6 – сынып оқушысы

Үшағаш негізгі орта мектебі.