Пәні:Өзін-өзі тану

10-сынып 1-сабақ

Сабақтың тақырыбы

Таным белестері

Сілтеме

Мұғалімге арналған нұсқаулық

(Фриери 59-бет, Пиаже 17-бет)

Жалпы мақсаттары

Оқушылардың бойында адам туралы, оның дүниетанымдық көзқарасы туралы жағымды көзқарас қалыптастыра отырып, оларға өзін-өзі жетілдіріп, өзін-өзі дамыту және бағалай білу туралы түсінік беру. Оқушыларды таным жолында кездесетін қиыншылықтарды жеңе білуге және өздігінен ізденуге тәрбиелеу.

Түйінді идея

Адамдық танымдық әрекеті оның өзін-өзі дамытып, өзін-өзі түсінуінен басталады.Адамның таным жолындағы жетістіктері оның өзі тіршілік ететін ортаны жетік білуіне байланысты.

Негізгі мақсат

• Оқушыларды отбасы құндылықтары, ата-баба дәстүрі, ұрпақтар сабақтастығы туралы түсіну;

• Жаныңда жүрген жақын адамдарды сыйлауға, құрметтеуге үйрету.

Нәтиже

Оқушылардың бойында адам туралы, оның дүниетанымдық көзқарасы туралы түсінік қалыптасады.

Жаттығулар

Топтық жұмыс

1. Ұйымдастыру кезеңі. Сабақтағы жағымды күйге келу.

«Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Төле бидің нақыл сөзін оқып, оқушылар өз ойын айтады.

2.Әңгімелесу

Жазғы демалысты қалай өткіздіңіздер?

Демалыс кезінде қандай пайдалы іс жасадыңыздар?

3. Мәтінмен жұмыс

Б.Үсеновтің «Өз жолым бар, сонан соң өз үнім бар» атты өлеңді талдау.

Өмірде қандай жақсылық болса, соны көре біліңдер;

4.Назар аудару

Оқушылар ақын ойын өз сөздерімен жалғастырады.

1-топ Саяттың іс-әрекеті қандай?

2-топ Дәйексөз талдау.

3-топ Түйіндеме айтады.

5.Дәптермен жұмыс

«Мен және менің ішкі жан әлемім» тақырыбына ой-толғау жазу.

6. А.Шамкеновтің «Әр адам» атты өлеңін оқиды.

Бағалау

«Екі жұлдыз, бір тілек»

Тексерілді