Тақырыбы: «Астана-арман қала».

Мақсаты: Балаларға еліміздің бас қаласы – Астана туралы мәлімет беру. Астананың өсіп, көркейіп келе жатқандығын түсіндіру. Баланың ізгілік қасиетін дамыту. Отанға, туған жерге деген сүйіспеншілігін арттыру, өз елін, отанын сүйетін патриот болуға тәрбиелеу.

Әнұран орындалады.

Жүргізуші: Қайырлы күн құрметті қонақтар, апайлар, балалар! Бүгінгі «Ақжелкен» ортаңғы тобының Астана күніне орай өткізілетін «Астана-арман қала» атты мерекелік іс-шарамызға қош келдіңіздер!

Ата-бабам арман еткен,

Егеменді Қазақ жерін.

Қуанышың көптен күткен,

Құтты болсын дархан елім.

Интерактивті тақтадан топтағы Нұрасылов Сәкенмен онлайн сөйлесу. Сәкен өзінің Астана қаласында қалай қыдырып жүргендігі жайында достарымен бөліседі және біздің отіп жатқан іс-шарамызды тамашалайды.

Олай болса балалар іс-шарамызды бастайық.

Хор: «Елтаңбасы елімнің».

Балалардың тақпақтары.

Ұлболсын: Астана арман қала,

Бағы бір жанған қала.

Тұрады ол жап-жас болып,

Мен үлкен болғанда да.

Рахман: Шырқап көкке асқақ ән,

Болашаққа бас қадам.

Қазақ рухын биіктет,

Ей, бас қалам –Астанам.

Көркем: Жыр қып төктім өзіңе
Шумақтарын сезімнің
Әсем қала – Астанам
Құрдасымдай өзімнің.
Ұлпан: Әуелейді асқақ ән
Болашаққа бастаған
Мәртебемсің сен менің
Айналайын Астанам.
Ишан : Ту. Біздің республикамыздың мемлекеттік Туы - тік төртбұрышты көгілдір түсті мата. Тудың көгілдір түсі ашық аспан мен тыныштықты білдіреді.
Тудың ортасында күн тұр, ол жылулықты білдіреді. Күннің астында қанат жайған қыран бүркіт бар. Жанында ою - өрнек салынған, алтын түспен берілуі тыныштықты, байлықты білдіреді.
Назым : Елтаңба. Қазақстанның Елтаңбасы дөңгелек пішінді және Тудың түсіндей көгілдір түсті. Оның ортасында шаңырақ бейнеленген. Күннің сәулесіндей айнала уықтар тараған. Екі жағында екі қанатты тұлпар салынған ол - қорғауды білдіреді. Бидай сабақтары тоқшылықты, молшылықты білдіреді.
Үстінде « жұлдыз», астыңда «Қазақстан» деген жазуы бар.
Ұлболсын: Әнұран. Мемлекеттік әнұран – маңызды мемлекеттік шараларда орындалады. Әнұранды тұрып, оң қолымызды кеудемізге қойып айтамыз.

Ишан: Отанымның төрінде,
Сарыарқаның өрінде.
Ту ұстаған Астанам,
Әсем қалам - бас қалам.

Нұрбақыт: Сарыарқаның төсінде
Гүл жайнаған, Астанам
Ақпейілдей арнайы
Ақ тілегім, жас бала.
Нұрасыл: Елордасы елімнің,
Қазағымның жүрегі
Астанамды бірінде,
Күллі әлем біледі.

Дінислам: Қымбат маған есілің
Жүрегімде жүреді
Жарқын болсын ертеңнің
Осы елдің тірегі.
Гүлназым: Астанам - арман қала
Бағы бар жанған қала
Тұрады ол жап - жас болып
Мен үлкен болғанда да.

Ән: «Ел жүрегі Астана».
Ерасыл: Жаса - жаса Астанам,
Өркен жол бастаған.
Болашақтың есігін
Оң қолыңмен аш маған.

Наргиз: Жас астанам, жас қалам.
Тарихым бар ашпаған.
Ордасы боп ашылдың,
Ей, бас қалам - Астанам.
Шаяхмет Айзере: Барша әлемге әйгілі
Ел басымыз Нұр аға
Мақтанышы елімнің
Нұрын шашқан, Нұр қала.
Назым: Қадамың бар баспаған,
Асуың бар аспаған.
Халқым жетсін мұратқа
Ей, бас қалам - Астанам.
Нұрболат: Шырқап көкке аспан - ән
Болашаққа бас қадам,
Қазақ рухын биіктен
Ей, бас қалам - Астанам.
Би: «Жаса Қазақстан» бір топ жігіттер.
Балаларды мадақтау. Қонақтармен, экранда бізді көріп отырған Сәкенмен қоштасу.
- Сау болыңыздар.