Тәрбие сағаты

Тақырыбы:  “ «Ай кірпікті қазақ аруы -2017» сайысы

Мақсаты: Қыз балаларға адамгершілік, адалдық, әсемдік, әдемілік, іс-қимыл, жүріс-тұрыс, қыз сымбаты түрлерін терең түсіндіре отырып, олардың өнерлерін, ұшқыр ойларын, іс-әрекетке деген икемділігін анықтап бағалау, одан әрі дамыту.

Әдісі: байқау

Көрнекілігі: слайд, видео, музыка, шарлармен безендірілген сахна

Барысы:

1-жүргізуші:Құрметті ұстаздар мен оқушылар! Бүгін міне біздің 5 «А» класында өткелі отырған ««Ай кірпікті қазақ аруы -2017» байқауына келіп отырсыздар. Атамыз қазақ ерте заманнан – ақ ұрпақ өсіріп, оны тәрбиелеу ісіне ерекше назар аударған. Әсіресе қыз балаға аса көңіл бөлген оны ақылды да ибалы, сұлу да әдепті, мейірімді де қайырымды етіп, адамгершілікке, имандылыққа тәрбиелеген.

2-жүргізуші : Сонымен бірге «Қыз — қонақ», « Қыз өссе – елдің көркі», «Қызды қырық үйден тыю» деген мақал – мәтелдер бекер айтылмаса керек. Бүгінгі байқаудың да көздеген мақсаты да осындай асыл қасиеттерді ару қыздарымызды бойынан байқап, көру. Олай болса, байқауға қош келдіңіздер

2-жүргізуші: 

Кім жеңеді байқауда үміт алда,

Қобалжу бар, жүректе күдік барда.

Қазы алқасы атыңды ақта бүгін

Жүйріктерге арман мен бақыт жолда

1-жүргізуші: 

Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан,
Әділқазы алқасымен танысайық.

2-жүргізуші:

Мен қазақ қыздарына қайран қалам,
Жанары жаны жаздай жайраңдаған.
«Қыз өссе,елдің көркі» деген сөзді,
Қапысыз қалай айтқан қайран бабам,

1-жүргізуші: 

Мың бұралған арулар билей басып,
Келеді міне, ортаға толқып-тасып,
Аруларын сыйлаған халқым менің,
Көңілді қошеметпен қарсы алайық-дей келе ортаға байқауға қатысып отырған ару қыздарымызды шақырамыз.

2-жүргізуші:

Ал, халайық, аруларға тамсанайық,
Қыз қылықты дегенге ән салайық.
Атына заты сай аруларға
Тағы да бір қол соғып қарсы алайық.

2-жүргізуші: 

Сайысымыздың шарты бойынша қыздар өз нөмерлерін ала қойсын.

1-жүргізуші: Пір тұтқан махаббатты, адалдықты,
Көркімен таң қалдырған талай жұртты.
Қыздардың қылығымен өмір қызық,
Қыздардың ғұмырымен заман тәтті.
Сайысымыздың кезеңдерімен таныс болыңыздар.

1. Мен қазақтың қызымын (таныстыру)

2. Ғашықтар сыры (көрініс)

3. Сұлулық құпиясы (шаш сәндеу мен макияж жасаудың қыр-сыры)

4. Зерделінің ойы озық (ситуациялық сұрақ)

5. Тосын тапсырма

6. Шебер шыңы (тігін тігу)

7. Дефиле (өз ойындығы мектеп формасының үлгісін ұсыну)

2-жүргізуші: Бойжеткен арулар келіп жетті танытуға,
Бойындағы бар дарынды дарытуға.
Қорықпастан сахнаға келіп жетті,
Әдеппен, ізетпенен танысуға.

1-жүргізуші: Бұл сайыста үзеңгі қағыстырып,
Көрейік, ару қыздарды жарыстырып.
Бұл залда білетін бар, білмейтін бар,
Әрбір ару көрсін өзін таныстырып.
2-жүргізуші: Бірінші сайыс- өзін-өзі таныстыру. №1 номерлі қызымызды өзін таныстыруға ортаға шақырамыз.

1-жүргізуші: Әділқазылардан бағасын сұраймыз.
 1-жүргізуші: 

Өнері өрге жүзер, таңғалмаңыз!
Таланты талмай ұшар, таңғалмаңыз!
Таңғажайып әлемі — өнер аты,
Шарпып өтсін лебімен, таңғалмаңыз-дей келе келесі кезекті 2-ші “Зерделінің ойы озық” кезеңіне кезек береміз. Олай болса, Аруларымызға сәттілік тілейміз!

2-жүргізуші: Әділқазылардан бағасын сұраймыз.
1-жүргізуші: 

Шашты кеспей күтіп оны қараңдар.
Қыздың көркі шаш екенін түсініп,
Өріп қойып шаш үлгісін жасаңдар, — деп аруларымыз шаш үлгісін көрсетеді. Олай болса «Сұлулық құпиясы» кезеңінде аруларымыз музыка ырғағымен  шаш үлгісі мен макияж жасау бойынша сынға түседі. Бұл кезеңнің ерекшелігі бір басқа, қыздарымыздың ептілігі қалай екен? Қыздарымыз аяқтап болғанша кезекті Мәлік Мирастың орындауында күйге береміз.

1.Сізді құрбыңыз мерекелік кешкі дастарханға шақырады.Сіз жолға шықтыңыз,үстіңізде ақ көйлек ,қолыңызда құрбыңызға арналған сыйлығыңыз бен гүліңіз де бар делік.Кенет бір көлік жаныңыздан өтіп бара жатып,үстіңізге сұйық балшықты шашты да кетті.Айналаңызда көмектесер ешкім жоқ,бөтен адамдар ғана бар.Белгіленген уақытта болып қалды.Ал,сіздің құрбыңыз,нағыз талғампаздың өзі.Сол кезде сіз,қандай айла ойлап табар едіңіз?

2. Сізде математика пәнінен бақылау болатын болып, мұғалім бақылау сұрақтарын тез арада үйден шығарып алып келуге өтініш жасады. Көктем кезі болатын сен үйден шығып мектепке қарай асығып келесің кенет жердегі былшыған балшыққа құлап түстің. Қолыңдағы қағаз да үсті-басың да әбден былғанды. Мектепке бұл күймен бара алмайсың, алайда мектептегі мұғалім де балалар да сені күтуде не істейсің?
3. 8-наурыз мерекесі болатын ұл балалар сынып қыздарына сыйлықтар дайындапты.Сіз бірнеше күн сабақтан қалып бүгін келіп тұрсың. Ұл балалар сыйлықты таратып жатты сіз өз атыңызды тағатсыздана күтіп тұрсыз, бірақ сізге сыйлық жетпей қалды. Көңіл-күйіңіз және әрекетіңіз?

4. Жаңа-Жыл мерекесі күні болатын. Кешкілік отырысты тағатсыздана күтудесіз өйткені бүгін көптен көрмеген жақын достарыңызбен кездесесіз. Барлық қыздар әдемі көйлектерін киіп, шаштарын сәндеп кешке қызу дайындалуда. Сіз де сол күні жаңадан қымбат көйлек сатып алып, шашыңызды барынша сәндедіңіз. Барлығы жиналып сізді күтуде, асығыстық па әлде қобалжыдыңызба, шығып бара жатып үстелде тұрған тамақты байқамай қағып кеттіңіз де керемет көйлегіңіз көріксіз күйге түсті. Көңіл-күйіңіз бен әрекетіңіз?

 Сіз құрбыңызбен өте тату доссыздар. Құрбыңыз бүгін сабаққа келмей қалды. Сол күні құрбыңды сыныптағы қыздардың біреуі жамандай бастап ед оған бәрі қосыла кетті. Сіз үндемедіңіз. құрбыңыз бұл жөнінде естігенде саған ренжіді? не істейсің?

Қыздарымыз тапсырманы орындағанша кезекті тағы бір күйге берейік

1-жүргізуші: Әділқазылардан бұл кезеңнің бағасын сұрайық.

2-жүргізуші: 

Қандай жақсы майысып тұрғандарың,
Бойына жинағандай өнер бағын.
«Ана көрген тон пішер»деген бар ғой,
Ару қыздар көрсетсін бұйымдарын — дей келе келесі кезең “Шебер шыңы” деп аталады, қыздарымыз шеберліктерін көрсетіп, таныстырады.

 2-жүргізуші: 

Өнеріміз сайыста,
Жетелейді алысқа.
Бүгінгі күннің жеңісі,
Достық болып қалуда дей келе өнер сайысына кезек береміз.

2-жүргізуші: Әділқазыларға  сөз кезегін береміз.
1-жүргізуші: 

Сымбатына сән киімі жарасатын,
Аспандағы айменен таласатын.
Өнеріне сәні сай келіп тұрған,
Аруларға қызығып қарасақ,- дей келе, сайысымыздың өз ойынан шыққан шығармашылық туындыларын сән үлгісі “Дефиле” кезеңін тамашалайық. Қыздарымыздың өз ойларында, қиялында жүрген киім үлгісі қандай екен тамашалайық. Кім білсін, болашақта аруларымыздан керемет дизайнерлер шығар.

Дефиле сайысы

 2-жүргізуші: 

Қыздарға әсемдік жарасады,
Ай көркі биіктерге таласады.
Болмаса сұлу қыз, ару әйел
Табынып еркіндікпен санасады

2-жүргізуші: Әділқазы алқасы аруларымыздың ұпайларын есептегенше, өнерпаздардың өнерлерін тамашалайық.
1-жүргізуші: Барлық аруларымызды ортаға шақырамыз. Сайысты қорытындылау үшін

Әділқазыларға  сөз кезегін береміз.
1-жүргізуші: Баршаңызды көктем  мерекесімен, әйелдер мерекесімен құттықтай отырып, құт-береке тілей отырып, сайысымызды аяқтаймыз.
«Қыз- ұлттың жаны» демекші, ата-аналардың аяулысы, құрбы-құрдастарыңыздың қадірлісі мен қымбаттысы, даламыздың гүлі, өміріміздің сәні бола беріңіздер! Тағы да, Мерекелеріңіз құтты болсын!