Елім деп соқсын жүрегім! – мерекелік шараның жоспары

Мақсаты: Ата –аналарды мектеп жұмысына тарту, олардың мүмкіндіктері негізінде балаларға патриоттық тәрбие беру, Отан, туған жерге сүйіспеншіліктерін арттыра түсу.

Музыка « Көңіл толқыны » ойнап тұрады. Екі бала өз ара әңгімелесіп отырады.

Ұл бала: - Гүлім , мен бүгін қуанып отырмын. Біздің мерекемізге ата- аналарымыз да қатысқалы отыр.

Қыз бала: - Ия, Адият . Мен де қуаныштымын. Мені бір ой мазалап отыр. Отан, туған жер, жүрек, рухани жаңғыру сөздерінің арасында қандай байланыс бар?

Ұл бала: - Осы сөздерді жеке алғанда білеміз ғой. Олардың арасындағы байланысын ата- аналарымыздан сұрап көрсек қалай болады?

Қыз бала: -Адият ,қандай табылған ақыл. Ата- аналарымыз түсіндіріп берсінші бізге.

1. Бір ата- ана шығып қысқаша слайдты пайдаланып әңгімелейді.

2. Мұғалім:

Отан деп соғып жүрегім,

Күн сайын , міне, түледім.

Отаным – алтын діңгегім,

Өркендей берші, тілегім.

Бүгінгі «Елім деп соқсын жүрегім!»- атты мерекемізге ұлдар тобы, қыздар тобы ата- аналарымен қатысып отыр. Әр топ өздерін таныстырып өтсін.

3. «Елім үшін мақтанам!»- Топтар өздерін таныстырып буклеттерін жарнамалайды. Ұлдар тобы «Ел жүрегі- Астана ! Қыздар тобы « Рухымыз биік болсын!»)

Мұғалім: Көп рақмет.

Отан,Отан бәрінен биік екен.

Мен оны мәңгілікке сүйіп өтем.

4.«Сен білесің бе?» - «Қоржындағы сұрақтарға жауап беру»

*Азамат деп кімді айтамыз? ( Адамгершілік қасиеті бар, отанын , туған жерін қадірлейтін, өз ұлтын мақтан тұтатын адам.)

*Мұхтар Шаханұлы құдіретті төрт анаға нені жатқызады? ( Туған жер, туған тіл, туған дәстүр, туған тарих)

* Бар жәндігін сүйемін қыбырлаған.

Бәрі маған Отан деп сыбырлаған - жолдары қай өлеңнен алынған? Оны кім жазған? ( Отан туралы. )

*Отан , туған жер туралы мақал- мәтел айт. ( Ұлтарақтай болса да, ата-қоныс жер қымбат. Ат төбеліндей болса да, туып өскен ел қымбат. Туған жер –а лтын бесік. )

*Елордамызға биыл неше жыл? ( 20 жыл )

* Әр мемлекетті қандай белгісі арқылы танимыз? ( Елтаңбасы, туы,гимні)

* Бауыржан Момышұлы Отан туралы қандай нақыл сөз қалдырған? ( Отан үшін түс, күймейсің.)

5. «Отан десем күмбірлейді жүрегім» - Ана, бала, әке боп ән салу.

Мұғалім:- Отанын сүйетін әр азаматтың жүрегінде әдемі әуен толастамайды. Олай болса, біздің бүлдіршіндеріміз бен ата- аналарымыз өз Отанын қалай мақтанышпен әнге қосады екен.

6. «Қыз еркем кестесімен көркем. Ұл еркем өнерімен көркем»- Ата- аналар ұлттық қолөнерімізді балаларға үйретеді. Қыздарға сырмақ жасату. Ұлдарға қамшы өргізу.

Мұғалім: - Халқымыз ұлттық өнерін атадан балаға мұра етіп қалдырған. Ендігі кезек ата – аналар сіздерде.

7. «Туған жерді жырлап өтем мәңгілік !»- Ата-аналар Отан, Астана туралы өлең оқиды.

Мұғалім: - Өз Отанын жырламайтын ақын жоқ. Туған жерін қадірлемейтін адам жоқ. Ата-аналарымыз өз сезімін өлең арқылы жеткізбек. Қане, балалар, назар аударайық.

Мұғалім: « Атамекен – алтын бесік»- деп ата- бабамыз тегін айтпаған. Олар өз перзентіне бәрін берген. Кеудесінде тербетіп, аялап әлпештеген. Атамекен – біздің мақтанышымыз. Оған қызмет ету әр адамның игі ісі,мүддесі.

8. « Жаса Қазақстан!» әні арқылы сабақты қорытындылау . Ата- аналар, балалар флешмоб билейді.