Бекітемін: Тәрбие ісінің меңгерушісі Д.А.Муканова.

Тақырыбы: «Мемлекеттік рәміздер –ұлттық мақтаныш!»

Мақсаты: Елтаңба, Ту, Әнұран туралы түсініктерін нығайту, рәміздердің пайда болуы және тарихтағы маңызы жайлы түсініктерін арттыру. Оқушының есте сақтауын дамыту, өз ойын дұрыс жеткізуге ынталандыру. Отанына, халқына адал қызмет етуге, ұлттық рәміздерді қадірлеп, құрметтеуге тәрбиелеу.

Көрнекілігі. Рәміздерге байланыстытүрлі суреттер, карта, Отан, жер туралы нақыл сөздер.

Барысы.

1. Кіріспе сөз. –Сәлеметсіздер ме, балалар! Бүгінгі білім күні құтты болсын! Әр отбасына амандық, береке, елімізге тыныштық тілеймін. -Оқушылар жазғы демалыстарыңыз қалай өтті?

-Сабаққа деген көңіл-күйлеріңіз қалай?

-Мемлекеттік рәміздеріміз нелер еді? Кәне, кім айтады?

2. Негізгі бөлім Ендеше, бүгінші ашық тәрбие сағатымыздың тақырыбы: «Мемлекеттік рәміздер –ұлттық мақтаныш!»

Барлығымыз орнымыздан тұрып, әнұранды шырқаймыз. Рахмет, балалар.Енді, осы отырғанымыз бойынша 3-топқа бөлініп, үш рәміз туралы өз білгендерімізді ортаға саламыз.

Мынандай сұрақтарға жауап берейік.

-Тәуелсіздігімізді қашан алдық? Тұңғыш Президентіміз кім? Ол қашан дүниеге келді?

1-топ. Еңселі Елтаңба бойынша сұрақтарға жауап бересіздер.

1. Мемлекеттік елтаңбаның авторлары? (Жандарбек Мәлібеков пен Шотаман Уәлиханов.)

2. Елтаңбада нелер бейнеленген? Олар ненің белгісі?

3. Елтаңбадағы суреттерді қатыстырып, мақал айта аласыздар ма? «Шаңырағың биік, керегең кең, босағаң берік болсын!»

2-топ. Тұғырлы Туымыз туралы сұраққа 2-топ оқушылары жауап береді.

1. Тудың авторы кім? (Шәкен Оңдасынұлы Ниязбеков.)

2. Туда нелер бейнеленген?

3-топ оқушылары Асқақатаған Әнұран туралы өз білгендерімен ой бөліседі.

1. Әнұран қашан жазылды№ (2006 жылы 7 қаңтарда.)

2. Авторлары кімдер?

2006 жылы 10 қаңтарда алғашқы рет ҚР-ның Әнұраны ретінде Елбасын ұлықтау рәсіменде орындалды.

3.Ойын-тапсырмалар.

Мына сөздерден басқа сөздер жазыңдар.

1. Топ. 2-топ. 3-топ.

Елтаңба. Байрақ. Әнұран.

Ел, таңба, таң, аң. Бай, ай, қар, ар. Ән, ұра, ұн, нан.

«Рәміздерді жырға қосам...» айдары.

Әр топ оқушылары ұжымммен ақылдасып, өздеріне тиесілі рәміздерге тақпақ шы,арып көреді. Ойлану уақыты 5-6 минут. Ал, кәне шабыттан, ақын жанды балалар!

-Ата-аналар арасынан сөйлеймін деушілеріңіз бар ма?

Ендеше, мемлекеттік рәміздерді қадірлеу- тәуелсіз Қазақстанның әрбір азаматының қасиетті борышы. Оларды құрметтеу елді, халықты, тарихты, әдет-ғұрыпты, салт-дәстүрді қастерлеу болып табылады.

Нахуанова Амангул Жаксылыковна БҚО, Теректі ауданы, Аңқаты ЖОББ мектебі