Павлодар облысы Ертіс ауданы №2 Ертіс жалпы орта білім беру мектебі

бастауыш сынып мұғалімі Бейсенбаева Нұржанат Есенқызы

«Сыйынар ем Ана деген тәңірге!» мерекесінің сценариі

(« гүлдер» биімен ашылуы)

Дильяра

Шуақты көктем келді гүлін алып
Көктемнің мерекесі бүгін анық.
Өмірдің көктемі де, гүлі – Ана
Ана деп бас иеді күллі халық.!
( аналарға гүл сыйлау)
Айдана

Бүгін – наурыздың сегізі
Сұлулықтың негізі
Әдемі сөзі баланың
Анаға айтар лебізі

Дильяра

Армысыздар, әжелер, аналар,ұстаздар, қыздар! Сіздерді көктемнің алғашқы гүл мерекесі 8 наурыз мерекелеріңізбен құттықтаймыз! Көктеріңізден күн кетпесін, құшақтарыңыздан гүл кетпесін, өмірлеріңізден күлкі кетпесін. Құт болып әрбір үйден табылып, шуақ боп әрбір үйге жағыла беріңіздер

Айдана

Әлемнің жарығы - Ана. Бойымызға қуат, өмірімізге мазмұн дарытып отырған да аяулы аналар, асыл жарлар. Елдіктің, тыныштықтың, береке мен бірліктің ,әр шаңырақтың ұйытқысы болып отырған да осы аяулы жандар

Дильяра

Бір қолымен бесікті, екінші қолымен әлемді тербеткен аналар мен нәзік жандар қауымын мектеп директоры Айнұр Тоқтарқызы құттықтайды.

Айдана: Келесі кезекті аналарға арналған ән мен жырға берміз

Жасын

Қасымда қандай бақыт ана бары,
Бәрі де сол арқылы саналады.
Аналар тұрған жерде бар жақсылық, 
Дүниеге бірдей болып таралады.

Исмаил

Анам менің - аялаған ақ гүлім
Анам менің - бақытым мен шаттығым
Анашым деп балаң жырын арнаған
Неге ғана естімеске тәтті үнін
Дильяра: 1 а сынып оқушыларының «Ана туралы әнін» қабыл алыңыздар

С. Аружан

Сіз барда дүниеде біздер бармыз,
Жүріңдер аман - есен, аналарым!
Әлемге мақтан етем анам барын,
Анамнан қандай жақсы жаралғаным.

Амангелді

Жүгіріп көріп келдім жаңа аралап,
Далаға көктем кепті ала қанат.
Анаға алғаш тойын көктем берсе,
Құстар да ән салып жүр анаға арнап.

Айдана: 1 б сынып оқушыларының орындауында қуыршақтар биі

Ш. Айдана

Әлемге мақтан етем анам барын,
Анамнан қандай жақсы жаралғаным.
Анама арналатын сыйлықтардың,
Мен бүгін дүниеден табам бәрін.
Т. Аружан

Анамды бәріңе де үлгі етемін,
Толтырам арулардың гүлге етегін.
Анамның жаны рахат табуы үшін,
Жүрегін жүрегіммен тербетемін

Дильяра: Әзіл-оспақ. «Мен анама осылай көмектесем» ортада 4б сынып оқушылары

Шыңғыс

Анасыздар, әр үйге панасыздар,
Бала десе от болып жанасыздар.
Сәтті басса ұрпағың,- мерей тасып,
Қыз күлкісін сусын қып қанасыздар.

Аслан

Анасыздар — Ақ Еділ, Жайықсыздар —
Жүзе алмайды өтінде қайықсыздар.
Маздататын, жүректе от лаулататын,
Әр үйдің Күні десе,- лайықсыздар.

Айдана: 2а сынып оқушыларын ортаға шақырайық. «Арулар» биі
Ғалия

Анасыздар, кең байтақ даласыздар.
Жаны жайсаң жеңімпаз данасыздар.
Көлеңке жоқ көңілінде, қылауы жоқ,
Үлбіреген жауқазын баласыздар
Айжан

Өр десек те сіздерді, — лайықсыздар.
Төр десек те сіздерді, — лайықсыздар.
Ер десек те сіздерді, — лайықсыздар.
Зор десек те сіздерді, — лайықсыздар.

Дильяра: Аналарға арналған «Иә» , «Жоқ» әзілімен ортада 4а сынып оқушылары

4 а сынып ұлдарының орындауында «Мереке» әні

Ильназ

Сіздер — Күнсіз, аспанда жарқыраған,
Сіздер — өзен, тау суы сарқыраған,
Сіздер — ана, сіздер — жар, сіздер — қыз

Сіздер айсыз аспанда жарқыраған.

Б.Томирис

Ана дейміз бәріміз де аңқылдап,
Ана дейді жас сәби де жарқылдап
Ана деген бәйтерегі өмірдің
Ана деген – алтын қазық, алтын бақ

Айдана Анаға не сыйлаймыз?- әзіл

2б сынып оқушыларының орындауында вальс
Әділет

Ана деген – асыл жаңдар бұлақтай
О, адамдар қадірлей біл ананы
Жат қылыққа ақыл - ойды тонатпай

Алдияр

Ана десем сезім білер тым ыстық
Жарасымды адамдарға туыстық
Бар адамға берсе ананың мейірін
Орнар еді бар әлемге тыныштық

Дильяра: 3 а сынып оқушыларының орындауында «Анашым, анажаным» әні

Мадияр

Мерейлі сәт мерекеге ұласып,

Сегізінші наурыз келді қыр асып.

Қыз- келіншек, нәзік жандар мейрамы-

Көктемімнің шапағатын тұр шашып.

Балгүл

Құттықтаймыз аналарды, қыздарды,

Мерекеден шуақты бір із қалды.

Болсын әркез көтеріңкі көңілдер,

Нұрын шашсын мерекеге өңірлер!

Айдана : Аналарға тапсырма «Ертегі айтып беріңіз...»

4 б сынып оқушыларын ортаға шақырайық. Би.

Әлішер

Ана десем сезім білер тым ыстық

Жарасымды адамдарға туыстық

Бар адамға берсе ананың мейірін

Орнар еді бар әлемге тыныштық

Дюар

Өзіңсің сүйікті ана, құдіретім

Жанымды жадыратып күлдіретін

Сендегі маған деген махаббатты

Нұр толы қос жанарың білдіретін

Дильяра : Көңілді ертегі « Сегіз лақ»

3 б сынып оқушыларының «Ана» әнін тамашалайық

Арман

Дүниенің ең қымбаты ана екен,

Ананың ең тәттісі бала екен.

Түн ұйқысын төрт бөліп тәрбиелеген,

Ананың орыны бөлек дара екен

Жазира

Ержеткізіп, елге берген баласын

Ақылдысың, ардақтысың , данасың

Қарайытыным қас-қабағың бір сенің

Қайратыңнан қайта көрме анашым

Айдана: 3 а сыныпқа кезек берейік «Аққу» биі

Данияр

Менің әжем мейірбан,

Мені жақсы көреді.

Қажетіне жарасам,

Жас балаша күледі

Дильяра : 4 а сынып оқушыларының орындауында «Жан анашым» әні

-Асыл әжелер мен аналар сіздерге мол денсаулық, ұзақ ғұмыр тілейміз!

Аналар мен әжелеріміз арасында «Бұл қай ертегі?» сайысын өткіземіз.

1. Қарнын тойғызу үшін бұл өтірікші қайырымды әжей бола қалды. Өзі көзілдірікті көрпе астында жатқан кім еді?

(Қасқыр. «Қызыл телпек»)

2. Атайдың жинап-теріп берген ұнынан әжей не пісірді?

( Бауырсақ. «Бауырсақ» ертегісі)

3. Бұл балалардың атасы мен әжесі болмаған ғой , сол себептен анасы жеті баласын үйіне қамап кетіпті.

( Жеті лақ. «Қасқыр мен жеті лақ»ертегісі)

4. Атасы мен әжесі және әртүрлі жануарлар бақшадан нені жинады?

( Шалқанды. «Шалқан»ертегісі

5. Бұл әжей байлықты армандап, патша да болды, бірақ сараңдық оны бұрынғы кедейлікке әкеп соқтырды.

( «Балықшы мен алтын балық» ертегісі)

6. Апанға түсіп кеткен түлкі қандай жануарды салқындауға шақырды?

(Ешкіні. «Түлкі мен ешкі» ертегісі)