Тәрбие сағаты: "Адам бойындағы асыл қасиеттер"

Сабақтың тақырыбы: Адам бойындағы асыл қасиеттер

Мақсаты:

Оқушылардың бойына рухани адамгершілік қасиеттерді ұялату үшін мейірбан, ақылды, шыншыл, қайырымды т.б адамдық асыл қасиеттерді игеруге ықпал ету. Бірін-бірі сыйлап, мейіріммен қарауға тәрбиелеу.

Сабақтың барысы:

Психологиялық дайындық.

Мейірімді жүрекпен,

Ақпейілді тілекпен,

Амандасып алайық.

Бір жадырап қалайық!

Кіріспе сөз:

Адамның мейірімділік, адамгершілік, саналылық дәрежесі – оның тәртібі мен іс-әрекетін анықтайтыны әлдеқашан дәлелденген.

Адамның бойынан осындай қасиеттер табылса, әрине сымбатты, парасатты көрінеді.

Адами қасиет дегенді сендер қалай түсінесіңдер?

Адам тумысынан жамандыққа үйір емес. Жақсылық адам бойына сол бала кезде егіледі. Ол жылдар өте келе өніп шығады. Жақсылық өнімнің шыққаны немесе оны жамандықтың арам шөптері басып кеткені сонда ғана белгілі болады. Ізеттілік пен сыпайылық сияқты адамгершілік түрлері отбасынан басталады

Адамгершілік қасиет ең бірінші әр оқушының отбасын сыйлаудан басталады. Әке-шешеге ешқашан дауыс көтеруге, сөз қайтаруға болмайды. Ата-анасын сыйламаған адам басқа біреуді сыйламайды. Ата-ананы ренжітпеу – әр баланың өмір бойғы міндеті.

Адам қандай жоғары лауазымда қызметте жүрседе ізеттілікті жоғалтпауы тиіс. Үлкен адамдарға қоғамдық көліктерде орын беру, сұрақтарына дұрыс жауап беру қажет.

Бүгін біздің сабағымыз адамның бойындағы асыл қасиеттер: мейірімділік, адалдық, адамдық қасиеттерге байланысты болмақ.

Сыныпты 3 топқа бөлу.

Бірінші өткел. «Надандықты жеңу үшін».

«Жалғасын тап» ойыны.

1«Оқусыз білім жоқ, ...

2. Еңбектің наны тәтті, ...

3. Қына тасқа бітеді, ...

4.Әдепті бала ата-анасын мақтатар, ...

6. Кітап – білім бұлағы, ...

Екінші өткел. ««Құпия хаттар»

1. Ерлан байқамай Анарды итеріп қалды. Анар қатты ашуланды да, жағымсыз сөздер айтып тастады. Қалай ойлайсың, кімдікі дұрыс?

2. Сабаққа кешігіп қалдың, орның бос емес. Артқы партада бос орын тұр.Орныңа отыруың

керек пе?

3. Сен велосипедпен жарысқа қатынасып жатырсың. Жарысып келе жатырғанда жолдың шетінде жолдан өтпек боп тұрған қарияны көрдің. Жол беріп өткізіп жіберсең, жолдастарыңнан қалып қоясың. Не істер едің?

4. Сен сыныптасыңмен бірге автобусқа мініп, алдыңғы орындыққа отырдың. Себебі артқы орындықта орын жоқ. Келесі аялдамада бір үлкен кісі мінді. Сен үлкен кісіге орын бересің бе, әлде жолдасыңнын тұрып орын бергенін күтесің бе?

5. Саған анаң өзі жұмыстан келгенше үйді жинастырып қоюды тапсырды. Сен достарыңмен ойнап жүріп бұл өтінішті ұмытып кеттің. Анаң жұмыстан келіп, өзі үйді жинап қойыпты.

Сен келгенде анаң ренжулі еді. Сенің әрекетің?

6.Сынып ішіндегі бір баламен сенің досың ойнағысы , қарам-қатынас жасағысы келмейді.

Тіпті “оны мазақтаңдар” деп үгіттейді. Ал сен не істер едің?

- Адамға ар-ұят не үшін керек?

- Мейірімділік деген не?

- Сыпайыгершілік деген не?

- Қандай адамды тәрбиелі адам дейді?

І-топ :Адам бойындағы жақсы әркеттерді қағазға жапсырады

ІІ – топ: Адам бойындағы жаман әркеттерді қағазға жапсырады

ІІІ-топ: «Біз қандай болуымыз керек?» өз ойларын жазады

Қорытынды: жүрекшелерге достарына арнап жақсы тілектерін жазып арнайы тақтаға жапсырады.