Мерекеге сай безендірілген сынып. Әдемі сазды әуен ойналып тұрады. Балалардың қолдарында жапырақтар, шарлар.
Мақсаты:
1. Оқушылардың бойында күз мезгіліне деген сүйіспеншілікті
одан әрі дамыту, еңбексүйгіштікке баулу. Оқушылардың білім деңгейін байқау
Өз елін, Отанын сүйіп, әдепті, тапқыр болуына бағыт - бағдар беру
Түрі: интеллектуалдық ойын

Барысы:

Мұғалім: Құрметті қонақтар, ұстаздар, сайысқа қатысатын ұландар! Бүгін 2 - 4 – сынып оқушылары аралығында өткізгелі отырған «Жомарт күз» ойын – сайысын көріп тамашалайсыздар. Бұл сайысқа әрбір сыныптан өздерінің күз туралы білімдерін топпен бірге көрсете алатын оқушылар қатысып отыр.

Әр сайыскерді ерекше таныстырып өтіп, әрқайсысына сұрақ қою.

1 сайыскер: Бекишева Ақбота оқу озаты. Ғылыми жобаға қатысып, 2орын алды. Кішкентай ару номинацияның иегері. Биші, әнші, спортшы.

2 cайыскер: Мустафина Даяна сынып әкімі, оқу озаты. Шығарма, өлең шығаруды ұнатады.

3 cайыскер: Сапарғали Ұлпан байсалды, ұқыпты оқушы. Ғылыми жобаға қатысып екінші орынға ие болды.

4 cайыскер: Қойшыбай Нұрлыхан өнерлі бала, тілге бай. Сурет салу қабілеті бар, күреске қатысады.

5 cайыскер: Қарабай Жанель үздік оқушы, кітап көп оқиды. Мектептегі барлық іс шараларға белсене қатысады.

6 сайыскер: Байбусинов Расул ұқыпты балалардың бірі. Нағыз дос, жазуы өте көркем.

7 сайыскер:

Амангелді Нұрхат үздік оқушы, облыс әкімі. Абай оқуына қатысушы, футбол фанаты.

8 сайыскер: Алданазар Ботагөз үздік оқушы, әнші, суретші, биші. Жасаған жұмыстарын мектеп бейнелеу көрмесінде көруге болады.

9 сайыскер: Қайролла Уәлихан үздік оқушы, сөйлеу қабілеті мол. Ғылыми жобамен айналасуда. Бейнелеу көрмеден жұмыстарын көруге болады.

Ойын: «Жел соғады....»

Мақсаты: ынтымақтастық атмосфера орнату. Бастаушы: жел соғады ұзын бойларына, қыздарға, жемістерге, т.б.

Топ басшыларының құттықтауы
Армысыздар, халайық,
Бармысыздар халайық!
Күзгі тойды жұп жазбай,
Келіңдер қарсы алайық!
- Қараңдаршы, бүгін біздің залымыз қандай әдемі болып кеткен.

Алтын сары, қызыл көк,
Алуан-алуан жапырақ.
Күзгі бақта күлімдеп,
Көз тартады атырап.
О, алақай! Тамаша!
Шашу шашты  жапырақ.
Бақтың іші алаша,
Аунар ма еді жата қап

Ән: «Күзгі жапырақтар»

Тапсырмалар экранда көрсетіліп тұрады.

10 ұпай: Күз мезгілі нешеге бөлінеді? (Ерте күз, алтын күз, қара күз)

10 ұпай: Дронт -Жер бетінен жойылып кеткен құс. Олардың 3 түрі бар. Салмағы 20 кг. Олар ұша алмайтын. Өсімдіктермен қоректенген. Ұясына 1 ғана жұмыртқа салатын. Оны кезекпен 49 күн басып отырған. Осы мәтіннен сан есім сөздерді табыңдар.

10 ұпай : Күз кереметтеріне не жатады?

Жүргізуші: Табиғат күлімсіреп күніменен,
Ән айтар бұлбұл сайрап түніменен.
Көркіне көз тоймайды табиғаттың,
Сұлулықты сүйе біл шыныменен.

1 «А» сынып оқушылары тақпақ оқиды.

Ойын: «Қолшатыр»

20 ұпай: Күзде жапырақтар неге сарғаяды?

20 ұпай: Суретте не бейнеленген? Осы көкөніс атауымен бірдей дыбысталатын заттың атын тауып, сөйлем құрастыр.

20 ұпай: Күз келді. Күн суытты. Құстар жылы жаққа ұшып кетті. ..Осы мәтінді әрі қарай жалғастырып көр.

 Берекесін сыйлауға,
Өлкемізге күз келді.
 Жемістерін жинауға
Шақырады біздерді

Ойын: «Жеміс жина»

Би: «Күнбағыс»

Жемісі мол теретін
Күз дос екен бізбенен
 Бәрін тауып беретін

Жомарт екен күз деген. 
30 ұпай : Құс мекені қалай аталады? \ Ұябасар\

30 ұпай: Жанды сұрақ \Эльвира Маликовна\

30 ұпай: Күз туралы өлең шығару

Ойын: «Кім жылдам?»

Би: «Жемістер мен көкөністер»

Қорытынды:

Міне біздің елден алар бағамыз,
Көңіл кілтін адамдықпен табамыз.
Ән - мереке жолықтырсын аман-сау
Күз кешінің шымылдығын жабамыз!

Флешмоб билеу.

Марапаттау: Әр топтың жинаған ұпайларын атап, сыйлықтар мен марапаттау қағаздарын беру.