Тәрбие сағатының тақырыбы: «Ана – аса қымбатты жан»Мақсаты: Ата - бабадан келе жатқан салтымыз ананы құрметтеу, қыз баланы сыйлауға үйрету. Оқушылардың бойына мейірімділік, инабаттылық, сыпайылық және басқа да адамгершіліктің жақсы қасиеттерін қалыптастыруға тәрбиелеу.Тәрбие сағатының көрнекілігі: слайд, шарлар, гүлдер, ана туралы жазылған қанатты сөздер.1-жүргізуші: Армысыздар, ару қыздар, абзал ана,Анаға тең келетін бар ма дана?Мерекең бүгінгі құтты болсын,Қуанышпен құшақтарға гүлдер толсын.Құрметті аналар, аяулы ұстаздар мен ару қыздарымыз, қош келдіңіздер! Мерекелік құттықтау. Оқушылар аналарын мерекелерімен құттықтайды. Мереке қарсаңында өткелі отырған «Ана – аса қымбатты жан» атты сайысқа қатысушы аналарымыз бен оқушыларды таныстырып өтейік. (Музыка ойналып ортаға аналар шығады). Міржақып Дулатов ағамыз айтқандай, бізді сүйетұғын, күйетұғын, әрқашан қамымызды ойлап жүретұғын абзал жанды адам, бұл – ана. Ендеше бүгінгі ертеңгілігімізді өмір тірегі – АНА деген ардақты жанның құрметтеріне арналады. Өлең: «Ана». Әділ – қазылар алқасын сайлап алайық. Барлық сайыс соңында әділ – қазылар алқасы шешімін шығарады. Жеңген топқа құттықтау мақтау қағазы ұсынылады. Ендігі кезекте сайысымыздың шартымен таныстырып өтейік. 2-жүргізуші: Сайыстың кезеңдері:1. «Бәйге»2. «Ою ойғанның ойы ұшқыр»3. Түйме қадау4. «Кім жылдам?»5. «Қайырмасын тап» 1. «Бәйге». Әр топқа 7 сұрақ беріледі, тез әрі нақты жауап беру керек. Әр қатысушыға 2 минуттан 7 минут беріледі.1. Ұлттық бас киімді ата (сәукеле, тақия, бөрік т.б.)2. Малдың сүтінен дайындалатын ұзақ уақыт сақталатын тағам (құрт)3. Үш арсызды ата (ұйқы, күлкі, тамақ)4. Ою-өрнек түрлері нешеге бөлінеді? (4), (жануар тектес, өсімдік тектес, геометриялық, космогониялық).5. Киізге ою-өрнек басып жасалған кілемше (түскиіз)6. Кестелеуге ине мен жіптің қандай түрін алған жөн? (жіңішке ине, кесте жіп)7. Қандай қолданбалы өнер түрлерін білесіңдер? (кілем тоқу, құрақ құрау, киіз басу, сырмақ сыру).«Бәйге»1. Табиғи жүнді неден алады? (қой, ешкі)2. Кешке жатарда асты неше сағат бұрын ішу керек? (3 сағ)3. Қамырдың негізгі шикізаты (ұн)4. Көкөністен дайындалған салқын тағам (салат)5.Тамақ әзірлеу өнері (кулинария)6. Иық бұйымына жататын қазақтың ұлттық киімі (қамзол)7. Сумоншақтың орысша атауы (бисер)Әзіл: 7 «А» сынып оқушылары2 - жүргізуші: «Ана» дегенде толқымайтын жүрек, толғанбайтын жан жоқ. Осы үш қана әріптен тұратын «ана» сөзінің астарында ұшан теңіз ой жатыр. Ана — әрбір адам баласы үшін ең ыстық, жанға жақын, мағыналы да қастерлі сөз. Адамзат баласы алғаш дүние есігін ашқанда ананың ақ сүтімен бойына нәр алады, ана құшағына еніп, ана мейіріміне бөленеді. Адамның аузынан шығатын ең алғаш сөзі де – «ана».2. «Ою ойғанның ойы ұшқыр». Топ мүшелері түрлі-түсті қағаздан ою ойып беруі керек.1 – жүргізуші: Дүниенің нұры, өмірдің гүлі, қызықтың қызығы – ананың қолында. Ана бір қолымен бесік тербетсе, екінші қолымен әлемді тербетеді.Күй: Дильназ, Майдос, Ғайниден3. Түйме қадау. Түйме мата түсіне сәйкестігіне, ине, жіп түйілгені ескерілуі керек.1 - жүргізуші:Өмірдің иесі сен, ғазиз Ана,Келтірген дүниеге нелер дана.Анасыз батыр да жоқ, ақын да жоқ,Өмірдің алтын кілті сонда ғана.4. «Кім жылдам?». Бисер тізу. 1 мин ішінде сабақталған инеге бисер өткізу керек. Ең ұзын тізбек тізген оқушы жеңеді.Би: «Арива» 2 - жүргізуші: Ананың көзінен нұр төгіліп, жан - жағына шуағын төгеді. Осы шуақпен жылынып, асыл ананың құшағында мейір алып жүрген біз – алтын ананы мәңгі қастерлеп, еңбегін бағалап өтейікші!5. «Қайырмасын тап». Қатысушылар әннің қайырмасын табады. Әннің қайырмасын әуенмен айту керек. 1 – жүргізуші: Әділ қазылар алқасы қорытындысын шығарады. Марапаттау рәсімі.2 - жүргізуші: Ананы аспандағы ай мен күнге, жарық жұлдызға, баға жетпес асыл заттарға теңеу дәстүрі де өз тілімізде берік қалыптасқан. Олай болса сөз – сөздің ең төресі: анаңды қалай сыйласаң, өз балаңның анасын да солай сыйла, барлық әйел затына, тіпті жас нәресте қызына да құрмет көрсет, оларға қолдан келгенше қамқорлық жасаңдар.Ән: «Мама»1 - жүргізуші: Қорыта айтқанда, барлық адам ана алдындағы парызын өтеп, ақ сүтін ақтап, ананың шашына ақ түсірмей, тек осы киелі жандардың бақытты болуын ойлау керек. Себебі ең бақытты адам – анасы бар адам. Жер бетіне жақсылық нұрын себетін аналарымыз аман болсын! деп мерекемізді аяқтаймыз.Сау болыңыздар!
ҚР Білім және Ғылым министірлігінің стандартымен жасалған
19 Сәуір 2018
790
1 рет жүктелген
