Тәрбие сағаты Ана бақыты-бала бақыты

Тақырыбы: Ана бақыты – бала бақыты.
Мақсаты: Ана - өмірдің шуағы, ана - өмір гүлі, анаға тек ұлылық тән екенін ұғындыру. Анаға деген бала махаббатын ояту: Анасын сүю арқылы еліне, жеріне деген сүйіспеншілігін арттыру. Оқушыларды аналардың еңбегін бағалай, құрметтей білуге тәрбиелеу.
Көрнекілігі: көріністер, әндер, суреттер, ойынға қатысты көрнекіліктер, буклет. Плакатқа жазылған нақыл сөздері.
Барысы:
Ұйымдастыру кезеңі: Оқушыларды сахна төріне тұрғызу.

Ана туралы монолог тыңдалады

1 - жүргізуші: Құрметті асыл аналар, әжелер мен қыздар!
Сіздерді көктемнің алғашқы айында еліміздің барлық жерінде тойланатын
8 - наурыз әжелер, аналар, қыздар мейрамымен шын жүректен құттықтаймыз.

2 - жүргізуші: Сіздерге әлемнің нұрын, өмірдің гүлін, көктемнің шуағын тілейміз. Мына жарық дүниенің мәні де, сәні де сіздерсіздер!

1 - жүргізуші: Ананың тілегі, ананың жүрегі, ананың махаббаты, ананың ыстық құшағынан қасиетті ештеңе жоқ. Ең ыстық күннің нұры да, ананың шапағат мейіріміне жетпейді.

2 - жүргізуші: Анаңды Меккеге үш рет арқалап барсаң да, қарызын өтей алмайсың.

1 - жүргізуші: Иә, дұрыс айтасың. Біздің әрқайсымыз үшін өмірдегі ең жақын, ең әзиз жан ол – анамыз.

2 - жүргізуші: Бүгінгі 8 - наурыз – аналар мерекесіне арналған «Ана бақыты – бала бақыты»
атты мерекелік кешімізді ашық деп жариялауға рұқсат етіңіздер! Барлық өнеріміз аналар,әжелер сіздер үшін.
Хор.Апатайым анашым
1 - жүргізуші: Бүгінгі мейрамда көктемдей көңіл сыйлайтын оқушыларымыздың аналарға арналған өлең шумақтарын қабыл алыңыздар.
5 оқушы тақпақ айтады

2 - жүргізуші:
Құлақтан кіріп, бойды алар,
Әсем ән мен тәтті күй.
Көңілге түрлі ой салар,
Әнді сүйсең, меніңше сүй, – деп, Абай атамыз айтқандай оқушымыздың орындауындағы «Аяулы анашым» әнін, қабыл алыңыздар.

Ән «Аяулы анашым»Құдайберген Тоғжан

1-жүргізуші: Әжемді мейрамымен құттықтаймын,
                    Айтатын ән,беретін гүлім дайын.
                    Әжетай сені жақсы көремін деп,
                    Ақырын құлағыңа сыбырлаймын.

Әже туралы тақпақтар.5 бала
Ән Менің әжем.Өтеш Айару

2 - жүргізуші:
Ойын «Жылы сөздер». Аналар өз балаларына берілген әріптерден басталатын жылы сөздер айтады.
1 –жүргізуші: Сахналық көрініс (Минара, Ескендір) Қабдікәрім Ыдырысов. «Әжесі мен Бағлан»
- Жүрегім кім менің?
- Мен!
- Тірегім кім менің?
- Мен!
- Сәнім кім менің?
- Мен!
- Ботақаным, бағлан қозым,
Не деген тәтті баласың өзің!
Ой, қарғам менің!

- Жоқ, әже, қарғаң мен емес!
Жо... жоқ, қарға болмаймын,
Керегі жоқ ондайдың.
Қарға «қарқ-қарқ» етеді,
Алысқа ұшып кетеді.
Қасыңда боп әрдайым,
Мен ешқайда бармаймын.

Тақпақ 5 бала

2-жүргізуші.Әзіл ән: «Әжелер әні»
Сырым,Ұлан,Уалихан,Абылай.

1-жүргізуші.

Той пердесін ашайық
Тойға шашу шашайық
Аналарды құрметтеп
Ән маржанын ашайық.
Ән.Ақ мамам.Сапарғалиева Азалия

Тақпақтар 5 бала

Хор.Ән

1-жүргізуші: 

Менің анам алтын

2-жүргізуші: 

 Сенің анаң алтын

Екеуі бірге

Аналарды құрметтеп

 Қол соғайық халқым!

Азалия: Аналар сіздерге рахмет!

Сырым: Жарық дүниеге әкелгенің үшін

Әминанұр: Ақ сүт бергенің үшін

Уалихан: Мейірімің үшін

Айнел: Қамқор болғаның үшін

Нұрасыл: Ауырғанда уайымдағаның үшін

Тоғжан:Түнде бөлінген ұйқың үшін

Ұлан: Әрбір сәтіме қуанғаның үшін

Бекарыс: Алғашқы сөзіме қуанғаның үшін

Жанарыс:Алғашқы қадамыма қуанғаның үшін

Азалия: Мені ойлап уайымдағаның үшін

Көркем: Мен деп бетіңе түскен әжім үшін

ДаниярҮйдегі татулық үшін

Дидар: Үйдегі береке үшін

Нейла: Үйдегі молшылық үшін

Айару: Тәлім –тәрбиең үшін

Абылай: Мені кешіргенің үшін

Інжу: Мен деп ағарған шашың үшін

Дамир:Маған қорған болғаның үшін

Қуаныш: Рахмет сізге!

Салтанат:  Рахмет сізге!

Рахмет сізге ,Анашым!-барлығы бірге айтады.

1 –жүргізуші:

Мына өмір бір рет қана беріледі адамға.

Жарық сәуле,нұрын шашса жанарға.

Қуаныңдар,құлшыныңдар тек алға

Ұмытпа бірақ, құрмет көрсетуге анаға

2-жүргізуші:

Демеңіз біз өнерді аяп қалды,

Мезгіл де біраз жерге таяп қалды.

Қош болып тұрыңыздар көріскенше

Осымен шарамыз аяқталды.

Құрметті қонақтар,аяулы аналар әпкелер мен апалар «Ана-өмір шуағы» атты мерекелік жиынымыз осымен аяқталды.Келесі жиында аман есен қауышайық.Қош сау болыңыздар!

Хормен:Мерекелеріңіз құтты болсын!