Тәрбие сағаты "Экология – өмірдің соғып тұрған жүрегі" 7- сынып

Балалар тәрбиесіне, келер ұрпақ тәрбиесіне қай кезеңде болса да, қай елде, қай ұлтта болмасын үлкен мән берілген ғой. Өйткені бала – біздің болашағымыз. Ол үшін балаларды жаман, жақсы деп бөлмей, бірлесіп, аяғынан нық тұруға көмектесу керек. Нашар бала болмайды. Бау-бақшаны баптап, күтіп суарсаң ғана жемісіне кенелесің. Сол сияқты баланың теріс мінездерін үнемі қадағалап, түзету – қоршаған ортаның, яғни ата-ана мен мектептің міндеті. Мектепте сынып сағаттарын өткізу оқушылардың тәлім - тәрбиесі үшін маңызы зор. Бүгінгі тәрбие сағатымда табиғатты қорғау мәселесі жайында айтылмақ. Ата – бабаларымыз көзіміздің қарашығындай сақтап бізге мұраға қалдырған қазақ жерінің асты - үсті тұнған байлық. Бірақ оны ұқыпсыз пайдалану табиғаттың тепе - теңдігін бұзуға әкеп соқтырады. Бүгінгі таңда әлем алдында экологиялық талап тұр. Адам- табиғат перзенті. Оның бар өмір тіршілігі табиғат аясында өтеді. Сондықтан табиғатты аялау, оған қамқорлық жасау, адамзаттың парызы.