Тақырыбы: Естелік кітабы. Бақытты балалық шақ үшін үлкен рахмет!

Мақсаты: Ұлы Отан соғысы туралы мағлұмат беру, соғыс батырларының ерлік істеріне тереңірек үңіле түсу, ерліктерін оқып үйрену, тарихи деректер бойынша тұжырымдай білу, оқушыларды өзін өзі басқаруға, еркін сөйлеуге ерік беру, Отанын, елін, туған жерін сүюге, қорғауға, ерлікке баулу, патриоттық тәрбие беру.

Көрнекілігі: портреттер, күннің көзі, стикерлер, суреттер, кітап көрмесі

Барысы: Балалар, біз күн сайын теледидардан, әдебиет көздерден, аталар мен әжелердің әңгімелеуден әр түрлі ақпараттар алып жатырмыз. Міне, осынау елімізге лаң салған соғыстың жеңіспен аяқталғанына биыл қанша жыл толып отыр? ...

1-оқушы:

Күркіреп күндей өтті ғой соғыс! Иә, содан бері 70 жыл артта қалды.

70 жыл бейбіт көктем таң атқалы,

70 жыл шуақты күн таратты әнін.

Есімде сонан бері 70 рет

Ашылды жеңіс күннің парақтары.

Осы соғысқа қатысқан батырларды атаңдаршы?

Әр сыныпқа жеке қағаз беріледі. Қағаздағы жазу бойынша үш топқа бөлінеді.

Әр топ өз батырлары туралы мағлұмат береді.

Соғыс қашан басталды?

1 топ:

1941жылы 22 маусымда Фашистік Германия Кеңес Одағының шекарасын бұзып басып кірді, соғыс басталып кетті.

Мәншүк Мәметова 1922 жылы дүниеге келді. Шын аты Мәнсия. Мәншүктің әкесі Ахмет дәрігер болатын. Мәншүк кішкентай кезінен «Дәрігер боламын» деп әкесіне еліктеп өскен. Мәншүк соғысқа өз еркімен аттағанда он тоғыз жаңа шыққан, талдырмаш, пысық, жігерлі қыз еді. Пулеметші болған Мәншүк он бесінші қазанда ерлікпен қаза тапты. Невель қаласында оған ескерткіш орнатылған.

2 топ:

Әлия 1924 жылы Қобда ауданы Көкбұрақ деген жерде туған. Екі жасында жетім қалып, Әубәкір деген ағасы өз тәрбиесіне алады. Кейін Орынбор қаласына келіп, сол қалада оқиды. Кейін балалар үйінде тәрбиеленген. Соғыс басталғанда небәрі он жеті жаста болған. Майданға өзі сұранып, атқыштар даярлайтын бөлімді бітіреді. Әлия Казачиха деревнясы үшін болған ұрыста қаза болды.

3топ: \портретін көрсете тұрып, таныстырады\

Бауыржан Момышұлы 1910 жылы Жамбыл облысының Жуалы ауданындағы Көлбастау мекенінде дүниеге келген. Ол жеті жылдық мектепті бітіріп, біраз уақыт мұғалім болып жұмыс істеді. 1941 жылы соғыс басталысымен генерал -майор И.В. Панфиловтың басшылығымен Алматы маңындағы атқыштар дивизиясының құрамында майданға аттанды, батальон, полк командирі болған. 1982 жылы халық қаһарманы, қазақтың көрнекті жазушысы қайтыс болады. 1990 жылы Кеңес Одағының батыры, содан елбасы жарлығымен оған Халық қаһарманы деген атақ берілді.

Қорытынды:

Балалар, бүгін соғыс туралы, батырларымыз туралы білетіндерді көрсетіңдер.

Енді рефлексия ретінде 1 топ өлең шығарса, 2 мен 3 топ эссе мен тілек жазды. Ал 1 сынып оқушылары сурет салды.

1 оқушы:

Бұлт түнеріп аспаннан,

Талай көзден жас тамған,

Тұтқиылдан жау тиіп,

Қырғын соғыс басталған.

2 оқушы:

Арылтып жаудан жерімді,

Табанға шанжып өлімді,

Жеңіспен желпіп өмірді,

Оралды ерлер көңілді.

Десеңдер бұл қай күні?

Тоғызыншы мамыр күні.

3 оқушы:

Ешқашан соғыс болмасын,

Аспанымызды соғыс бұлты торламасын,

Аналар жесір, балалар жетім қалмасын,

Бар әлемде бейбітшілік орнасын!

Барша халық жеңіс тойлайды.

Жас сәбилер думандатып ойнайды,

Ардагерлер көздеріңе жас алып,

Ұрпақтардың амандығын ойлайды.

Ән: «Әрқашан күн сөнбесін!»