Тәрбие сағаты "Мен – өз елімнің патриотымын" 7 сынып

Сабақтың тақырыбы: Мен – өз елімнің патриотымын

Сабақтың мақсаты: оқушылар үшін,ең басты қажеттілік сапалы білім алу арқылы өз Отанының көркеюіне жол ашылатындығын түсіндіре отырып,өз елінің нағыз мақтанышы және патриоты бола алатынын түсіндіру.

Сабақтың түрі: жарыс сабақ

Сабақтың әдісі: сұрақ-жауап,топтық жұмыс

Технологиясы: СТО стратегиясы

Сабақтың көрнекілігі: слайдтар

Сабақтың барысы: І. Ұйымдастыру бөлімі:

Сыныппен амандасу,түгендеу

ІІ. Ой-қрісін ояту:

Сабақты оқушыларға сұрақ қоюдан бастау.

1. Білім деген не?

2. Білімді болу үшін не істеу қажет?

3. Білімді бола отырып біз неге қол жеткіземіз?

4. Патриот сөзінің мағынасын қалай түсінесің?

Осындай сұрақтарды қою арқылы оқушылардың сабаққа деген ынта ықыласын аудару.

Мұғалім сөзі: Елбасы Н.Ә.Назарбаевтың Қазақстан халқына Жолдауында басты басымдықтардың қатарына осы заманғы білім беруді дамыту аталып және ол жолға қойылып,әр бала мектеп қабырғасынан бастап білімге құштарлана отырып өз елінің патриоты болуға талпынатындығын ерекше атап өткен. Бұл дегеніміз жақсы сапалы білім ала отырып,болашаққа нық қадаммен бара аламыз деген сөз.

Патриот сөзіне қысқаша түсінік беру.

Патриотизм - [грек, patris - отан, атамекен] - өзінің жеке және топтық мүдделерін жалпы елдің мүдделеріне бағындыратын, оған адал қызмет етіп, өз Отанын қорғауды мақсат тұтатын, Атамекеніне деген терең сүйіспеншілік сезімі. Патриотизм мәселелері жаңа мемлекеттердің құрылуы, ұлттың қалыптасуы...

Олай болса оқушылар бүгінгі сабақты «Мен патриотпын» , ал ұранымызды «Ел болашағы-білімді ұрпақта » деп бастайық. Сабақ әрі қарай жарыс түрінде жалғасады. Сынып екі топқа бөлінеміз.

Ең бірінші оқушыларды қатар тұрғызып ортаға екі түрлі жеміс қою. Сыныптағы оқушылар сол жемістер бойынша екі топқа бөлінеді. Содан соң шеңбер жасап әр оқушы өз атының бастапқы әріпінен басталатын жақсы сөздерді айтып сабақты бастаймыз. (мысалы Жаңылсы-жолың болсын,Рүстем-ризамыз деген сияқты).

Сынып топқа бөлінген соң өз топтарына ат қояды және ұран айтады.

1. кезең: «Білімге жол». Ауызша сұрақтарға жауап беру арқылы ұпай жинау.

1. Қ. Р тұңғыш президенті кім? (Н.Ә.Назарбаев)

2. Тұңғыш қазақ ғарышкері кім? (Т.Әубәкіров)

3. Қазақстанда бірінші бүкілхалықтық президенттік сайлау қашан болды? (1991 ж 1 желтоқсан)

4. Қ.Р қашан өз тәуелсіздігін жариялады? (1991 ж 16 желтоқсан)

5. Қ.Р ұлттық волютасын ата (теңге)

6. Қ.Р астанасы қалай аталады және бұрыеғы атауы? (Астана-Ақмола)

7. Қ.Р Конституциясы қай жылы,қай айда бекітілді? (1995 ж 30 тамыз)

2. кезең. «Ойды аяқта» мақалдың жалғасын табу.

1. Тәртіпке бас иген құл болмайды, тәртіпсіз ел болмайды

2. Тура биде туған жоқ,туғанды биде иман жоқ

3. Заңның құрығы бәрінен ұзын

4. Әділ істің арты игі

5. Атаның баласы болма,адамның баласы бол

6. Туғанына бұрғаны,биді құдай ұрғаны

3. кезең: Екі топқа тапсырма. Әр дұрысжауапқа 10 ұпай

екі тарих бойынша салыстыру және білгенін айту.

Дүниежүзі тарихы:

1. Хаммурапи заңдары:

2. Ману заңдары:

3. Вавилон заңдары

Қазақстан тарихы бойынша:

1. Шыңғыс ханның «Жаса»заңы

2. Тәуке ханның «Жеті жарғы» заңы

3. Есім ханның ескі жолы

4. кезең: «Болашаққа қадам» екі топқа бір сұрақ беріледі,сол сұрақ төңірегінде қағаз бетіне сурет салу мақсатында өз ойларын жеткізу. Уақыт: 7 минут.

Сұрақ: «Мен өз елімнің патриоты бола отырып,өз елімді қалай көркейтемін?»

5. кезең: Екі топ өздері білетін қазақ елінің патриоттық бес әнінің аттарын атау.

Қорытынды:

Бүгінгі сабағымызда не үйрендік,не білдік? Оқушылар бүгінгі «Мен патриотпын» аясында өткізілген тәрбие сағатымыз осымен аяқталды.