Түркістан облысы

Тәрбие сағаты

Тақырыбы:

Менің Атамекенім!

2021-2022 оқу жылы

Сабақтың тақырыбы: «Тәуелсіздік - тұғырым»

Сабақтың мақсаты:.
Оқушылардың танымдық деңгейлерін өрістету, тіл байлығын, өз ойын жеткізу, қазақ тілінде еркін сөйлей білу әрекеттерін жетілдіру. Оқушылардың интеллектуалдық ой–өрісін, білім деңгейін көтеру
Оқушыларды отаншылдыққа, туған жерін сүюге, мемлекеттік рәміздерін қастерлеуге, мемлекеттік тілін құрметтеуге, өз елінің тарихын сыйлауға үйрету, оқушыларды патриоттық рухта тәрбиелеу.
Сабақтың әдіс – тәсілдері: сын тұрғысынан ойлау, топтастыру стратегиясы.
Көрнекіліктер: Интерактивті тақта,презентация.
Сабақтыңбарысы:
Кіріспе

-Қазақстан Республикасының гимні. Хор.

- Шаттық шеңберіне тұрып, гүл сыйлау арқылы күнге сәттілік тілейді. (Оқушылар 3 топқа бөлінеді.)

Мұғалім сөзі:

Тәуелсіздік бізге оңай келмеді.

Жұртым менің не қиындық көрмеді?

Жылап тұрып аналарым бұл жолда,

Сан перзентін қара жерге жерледі.

-Тәуелсіздіктің 30 жылдығына  арналған тәрбие сағатымызға қош

келдіңіздер!

Алтайдан Алатауға дейін ұланғайыр жерді мекен еткен ата – бабаларымыз Тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар құрбан болды. Қаракерей Қабанбай, Қанжығалы Бөгенбай батырлардан бастап күні кешегі Қайрат Рысқұлбекке дейін сол ел қорғауды ұран еткен. Тәуелсіздік жолында өздерін құрбан еткен Қайрат, Ләззат, Ербол, Сәбираның аңсаған армандары мен үміт – тілектері бұл күнде толық жүзеге асты. Сол батырларымызды еске түсіріп 1 минут үнсіз тұрамыз. Рахмет!

Негізгі бөлім

1. О й қозғау.

Тәуелсіздік

Тәуелсіздік

2. Топтық жұмыс. Әр топ өзіне берілген тапсырманы постерде қорғайды.

1-топ «Тарих тағылымы»

1986жылы 16-желтоқсанда таңертең, Алматыда жаппай толқу басталды. Жастаралаңға жинала бастады. Алаңда «Біз қазақ, ежелден еркіндік аңсаған», «Әрбірұлтты өз көсемі басқарсын», «Тәуелсіздік керек»,-деген ұрандар айтылды.

Алматы гарнизонын жауынгерлік дайындыққа келтіріп, көп күшпен алаңдағыжастарды қоршап алды. Алматыға әр аймақтардан әскердің арнайы бөлімдеріжіберілді. Өз елінің тәуелсіздігін талап етіп, шеруге шыққан жастарға «Бұзақылар»,«Ұлтшылдар», «Нашақорлар»,-деген кінә тағылды.

Көптеген студент жастар түрмеге қамалды, оқу орнынан шығарылды. Тәуелсіздік жолындаҚайрат Рысқұлбеков, Ләззат Асанова, Ербол Сыпатаев, Сәбира тағы басқаларысияқты қазақ жастары желтоқсан оқиғасы кезінде қайсарлықпен ерлік көрсетіпқұрбан болды.

2-топ «Уақыт керуені»

1.1991ж. 16-желтоқсанда Қазақстан Республикасы өзінің тәуелсіздігін алды.

2.1992ж. Қазақстан Біріккен Ұлттар Ұйымына мүше болып кірді.

3.1993ж. 15-қарашада –Ұлттық Валюта теңгенің енгізілуі.

4.1995ж. 30-тамызда Жаңа конституция қабылданды.

5.1997ж. 10-қазанда «Қазақстан -2030». Ел Президентінің Қазақстан халқына Жолдауының жарыққа шығуы.

6.1998ж. Халықтар тұтастығы мен ұлттық тарих жылы.

7.1999ж. Ұлттық тұрғындар санағы.

8.2000ж. Мәдениет жылы.

9.2002ж. Денсаулық жылы.

10.2003ж. Ауылды дамыту жылы.

11.2004ж. Парламент мәжілісінің кезекті сайлауы.

12.2005ж. 4-желтоқсанда Бүкіл халықтық Қазақстан Республикасының Президентін сайлауы.

13.2006ж. «Қазақ елі» монументінің ашылуы.

14.2007ж. Қазақстанның 2010жылға Еуропа Қауымдастығы мен Ынтымақтастық Ұйымына төрағалық етуі туралы шешім қабылданды.

15. 2008ж. Астананың 10 жылдық мерейтойы.

16. 2009ж. 25-ақпанда ҚР. Халықтық санақ жүргізілді.

17. 2011ж. Қаңтар –ақпан айларында Халықаралық Азияда ойындары өтті.

18. 2012ж. 1-желтоқсан алғаш Президент күні болып жарияланды.

19. 2010ж. ЕҰҚК саммиті өтті.

20. 2015 ж. Қазақ ғарышкері А.Айымбетов ғарышқа ұшты.

3-топ

Президентке хат. (Топ оқушылары Елбасына хат жолдайды)

2. «Тәуелсіздік тұңғыштары» (Әр топтан оқушы шығып тақтадағы терек бұтақтарына жапырақшалар іледі. Әр жапырақшада тәуелсіздік жылдарындағы тұңғыштар жазылған.)

• 1991 жылы 1 желтоқсанда ҚР тұңғыш президенті Н.Ә.Назарбаев сайланды.

• 1991 жылы алғашқы құттықтауды Түрік елі жасады.

• 1991 жылы ТМД елдерінің ішінде алғашқы болып Қазақстан өз шекарасын бекітті.

• 1991 жылы алғашқы сыртқы істер министрі болып Төлеутай Сүлейменов тағайындалды.

• 1992 жылы Қазақстан ТМД елдерінің құрамында алғашқы рет жазғы олимпиада ойындарына қатысты.

• 1994 жылы Лиллехаммер қаласында өткен қысқы олимпиадада алғшқы рет Қазақстан жалауы шаңғышы В.Смирновтың құрметіне көтерілді.

• 2000 жылы Сидней олимпиадасында Бекзат Саттарханов қазақтан шыққан тұңғыш чемпион атанды.

• 1991 жылы тұңғыш қазақ ғарышкері Т.Әубәкіров ғарышқа ұшты.

• 1993 жылы тұңғыш Конституциямыз қабылданды.

• 1997 жылы Елбасы Қазақстан халқына тұңғыш жолдауын арнады.

• 1995-2000 жылдары аралығында қазақстандық тұңғыш сериал, «Тоғысқан тағдырлар» түсіріліп, көрсетілді.

• 1993 жылы Ұлттық тенгеміз енгізілді.

• 1995 Қазақстан халқы Ассамблеясы құрылды.

Қорытынды . «Тәуелсіздікке 30 тілек» Әр оқушы жүрекшеге өз тілегін жазып тақтаға бекітеді.

Мұғалім сөзі

-Мен 21-ғасыр Қазақстанның «алтын ғасыры» боларына сенемін. Бұл бейбітшіліктің, тұрақтылық пен гүлденудің ғасыры болады. Қазақстан халқы ұлы тарихтың иесі атануға лайық. Біз көздеген мақсатымызға міндетті түрде жетеміз. Аңсарлы азаттығымыз бен тәу етер тәуелсіздігіміз баянды болсын! Мәңгілік Ел болу жолындағы ұлы істеріміз жаңа дәуірлерге жол ашсын! -деген елбасымыздың қорытынды сөзімен сабағымды аяқтаймын. Тыңдап сабаққа қатысқандарың үшін рахмет! Сіздер өз Отанымыздың болашағы екендеріңді ұмытпаңыздар.