Тәрбие сағаты М.О. Әуезов 125 жыл

ТАҚЫРЫПТЫҚ ТӘРБИЕ САҒАТЫ:

«М.О. ӘУЕЗОВ-ҚАЗАҚ ӘДЕБИЕТІНІҢ КЛАССИГІ»М.О. ӘУЕЗОВТІҢ ТУҒАНЫНА 125 ЖЫЛ

Топ: ШТ-21-09-02

Топ жетекшісі: Алибекова А.А.

2022-2023 оқу жылы

Тәрбие сағатының жоспары:

Жүру барысы

Ұйымдастыру кезеңі:

Армысыздар студенттер! Бүгінгі ШТ-21-09-02 топ студенттерінің қатысуымен ұйымдастырылған тәрбие сағатымызға қош келдіңіздер!

Бүгінгі біздің тәрбие сағатымыз "«М.О. Әуезов-қазақ әдебиетінің классигі» М.О.Әуезовтің туғанына 125 жыл " тақырыбында өтеді. Тәрбие сағатын ашық деп жариялаймыз!

Мұхтар Омарханұлы Әуезов – 1897 жылы қыркүйек айының 28-жұлдызында қазіргі Шығыс Қазақстан облысына (бұрынғы Семей облысы) қарасты Абай ауданының Шыңғыстау деген жерінде дүниеге келген.

Өз әкесі Омархан да, атасы Әуез де ескіше сауатты, көзіқарақты, сөз өнерін қадірлейтін жандар болған. Атасынан ескіше сауатын ашқан Мұхтардың бала кезінен сусындап өскен рухани қазынасы – Абай өлеңдері. Бұл жөнінде жазушы: “Абай шығармаларын мен жастайымнан біліп өстім. Атам Әуез Абаймен дос еді. Ол кісі біз сияқты немерелеріне ақынның өз өлеңдерін де, аудармаларын да көп оқытатын.

Ой толғау:

М.О. Әуезов өмірбаяны туралы не білесуздер?М.О.Әуезовтің қандай шығармаларын білесіздер?

М.О.Әуезовтің өмірбаяны және шығармалары туралы ақпарат (видеоролик, презентация көрсетіледі, баяндама оқылады).

Ол қазіргі Шығыс Қазақстан облысының Абай ауданы жерінде 1897 жылы жиырма сегізінші қыркүйекте туған. Алғашқыда 1908 жылы Семейдегі Камалиддин хазірет медресесінде оқып, одан кейін орыс мектебінің дайындық курсына ауысады. 1910 жылы Семей қалалық бес кластық орыс қазына училищесіне оқуға түсіп, соңғы класында оқып жүргенде «Дауыл» атты алғашқы шығармасын жазады.

Училищені 1915 жылы аяқтап, Семей қалалық мұғалімдер семинариясына түседі. Семинарияда оқып жүріп Шәкәрім Құдайбердіұлының«Жолсыз жаза» дастанының негізінде «Еңлік-Кебек» пьесасын жазып, оны 1917 жылы маусым айында Ойқұдық деген жерде сахнаға шығарады.

Әуезов қаламынан 30-дан аса драмалық шығарма туды. Жеке пьесалардың варианттарын қоссақ, 50-ден асады. Әуезов драматургиясында жанрлық формалардың бәрін қамтыған. Онда трагедия да, комедия да, драма да бар. Әуезов кейбір шығармаларын бірігіп жазған. Олар: Л. Соболев («Абай»), С. Мұқанов («Ақан - Зайра»), Ғ. Мүсірепов («Қынаптан қылыш»), Ә. Тәжібаев («Ақ қайың»), Ә. Әбішев («Намыс гвардиясы»), «Октябрь үшін» (1933) пьесасының материалдары - Жетісу қазақтарының революцияға келуі. Кейіпкерлері - Д. Фурманов, Ж. Бәрібаев. Кітаптың мұқабасында «Мұны жазуға Қ.Байсейітов, Бековтар қатысты» деген сөздер бар. Әуезовті әдебиетке «Еңлік - Кебек» алып келді. Шығарма өзегі - эпостық материал. Әлемдік әдебиеттегі мұндай тәжірибе енімді дәстурлердің бірі. Әуезовтің «Еңлік - Кебегі» 1922 жылы Орынборда басылды. Кейіпкерлері сахна тілімен сөйлейді. Автор өзінен бұрынғы мотивтерден алыс кетпеген. Билер сахнасы - көркемдік тамаша табыс. Кемшілік, олқылықтарды ескеріп, Әуезов пьесаны 1943 жылы қайта жазды. Бірнеше көрініс қысқарды. Аса терең, мәнді шығарманың бірі - «Түнгі сарын». Бұл - қазақ драматургиясында реализмнің орныққанын көрсеткен туынды.

Ол 1961 жылы 27 маусымда Мәскеу қаласындағы Кремль ауруханасында операция кезінде қайтыс болды. 1961 жылы қайтыс болғаннан кейін Республика Үкіметі қаулы қабылдап, ұлы жазушының есімін мәңгі есте қалдыру мақсатымен Ғылым академиясының Әдебиет және өнер институты мен Қазақтың мемлекеттік академиялық драма театрына Мұхтар Әуезовтың аты беріледі, әдеби мемориалдық мұражайы ашылып, бірқатар мектеп, көше және Алматының бір ауданы М.Әуезов атымен аталды.

Топ тест орындайды, шығармаларды мәнерлеп оқиды (топтық жұмыс.)

Сабақты қорытындылау: Рефлексия

Пайдаланылған әдебиеттер:

• https://youtu.be/UNImMzVxRTw

• https://massaget.kz/layfstayl/debiet/kkzhiek/21471/

• https://sputnik.kz/20191208/Muhtar-Auezov-omirbaian-12234439.html