Материалдар / Тәрбие сағаты "Қанатты достар"

Тәрбие сағаты "Қанатты достар"

Материал туралы қысқаша түсінік

Іс тәжірибемді таратып, жас мамандар әдістемелік көмек үшін пайдаланса нұр үстіне нұр болар еді.

Мұханбетова Ақжан Қонысқалиқызы

Автор материалды ақылы түрде жариялады. Сатылымнан түскен қаражат авторға автоматты түрде аударылады. Толығырақ

27 Сәуір 2018

1532

1 рет жүктелген

Бастауыш сынып Тәрбие сағаты 4 сынып

770 ₸

Бүгін алсаңыз
+39 бонус беріледі
Бұл не?

Бүгін алсаңыз +39 бонус беріледі Бұл не?

Тегін турнир Мұғалімдер мен Тәрбиешілерге
Дипломдар мен сертификаттарды алып үлгеріңіз!

Бұл бетте материалдың қысқаша нұсқасы ұсынылған. Материалдың толық нұсқасын жүктеп алып, көруге болады

Материалдың толық нұсқасын
жүктеп алып көруге болады

Тақырыбы: Қанатты достарМақсаты: Оқушыларға жалпы құстардың пайдасы туралы, олар жөнінде мағлұмат беру. Негізінен оларға қамқор болуға, құстарды аялауға бейімдеу. Әлем құстарымен таныстыру. Міне мынау көңілді көктемде құстардың оралуын, олардың азайып кеткенін хабардар ету. Оқушылардың құстар туралы ой өрістерін, түсініктерін дамыту. Отанын, жерін, орманын, көлін, табиғатын сүюге баулу. Көрнекіліктер: Альбомдар, суреттер, плакаттар,слайд Барысы:Жүргізуші: 1-жүргізуші: Армысыздар, құрметті ұстаздар мен оқушылар. Біздің халқымыз кең далада, табиғат құстары бай далада өскен. Бүгінгі шарамыз сол құстарға байланысты болмақ. Олай болса, «Қанатты достар» атты кешімізді бастауға рұқсат етіңіздер.2-жүргізуші: 1-сәуір десе , ойымызға Күлкі күні оралатыны анық. Сонымен бірге бұл күні әлем жұртшылығы Құстар күнін де атап өтеді.1906 жылдың 1сәуірінде құстарды қорғау туралы Халықаралық конвенция қабылданған болатын.Қазір аталған құжатты әлем елдерінің барлығы дерлік қолдады. 1-жүргізуші: Оразгүл, Халық « көкек келді-көктем келді » - дейді. Осы бір құстың аты неліктен ең тамаша ай атына теңеу болады екен? 2-жүргізуші: Бұл кезде қар еріп, ағыл-тегіл бұлақтар ағады. Жер беті жасыл көрпе жамылып,көзге ыстық , көңілге жарқын жауқазындар гүлдеп алқа тағады.Осы кезде көкек келеді .Не деген ғажап! «кө-кек,кө- кек» деп ән салады.Сондықтан да «сәуір» айы «көкек» айы деп аталады.1-жүргізуші: Я, Оразгүл, сен дұрыс айтасын. Әр құстың өзіне тән ерекшелігі, өзіне тән қасиеттері бар. 2-жүргізуші: Сәуір келді,Тіршілікке жан кірді.Кең дала жасарып, жаңғырды,Бар өңір құлпыра бастады,Төсіне құйып ап жаңбырды.Тірлікке жан кірді көктем кеп,Айнала, сай-сала көкпеңбек,Диқанның арқасы босады.Қытымыр қысымыз өтті деп.1-жүргізуші: Жыл құстары келді деп,Балдырғандар мәз болды.Қос қанаты желпілдеп,Көлге үйрек-қаз қонды.біздер жыл сайын көктем айында қанатты достарымыз құстар мерекесін тойлаймыз. Міне сол күн, сол мереке биыл да келіп жетті. Өлкеміз, өзен мен көлдеріміз, тау мен бақшаларымыз құстардың қиқуына бөленді.2-жүргізуші: Табиғатты құрайтын тіршіліктің бірі – құстар.Халық ежелден –ақ құстарға әуес,оларға деген сүйіспеншілігі шексіз ,ең жақсы көретін адамның құсқа теңеу арқылы ықыласын білдіріп отырады.1-жүргізуші: «Көк құрақ – көлдің сәулеті, құс пен аң – елдің дәулеті» дейді дана халқымыз. Табиғат әуесқойларының хайуанаттар ішінде ең жақсы көретіні – құстар. Олардың сан құбылтып салған әндері сүйсіндірмей қоймайды. Республикамыздың қай түкпіріне сапар шексек те қанатты достарымызды кездестіреміз. Туған өлкеміздің климаты мен жер жағдайы құстардың алуан түрлерінің тіршілік етуіне мүмкіндік береді. Сәлем, достар аман ба?Мынау бейбіт заманда.Шат шадыман көктеммін,Шаттық болсын әманда.Ән құрадым үніммен,Сән құрадым гүліммен.Қуантамын бәріңді,Құстар мерекесімен.Бүгінгі мерекемізге арнап "Аққу арман" әнін алып келген Төлегенова Ақботаны ортаға шақырайық.1-жүргізуші: Құстар ерте кезден бері адамзат тіршілігінде негізгі рөл атқарды. Олардың әр түрлі шаруашылық, мәдени және рухани дүниемізде үлкен маңызы бар. Түркі халықтары якут, түрікмен, өзбектерде тотемнің ең негізгі түрі бүркіт болды. Кейбір тайпалар, рулар өздерін бүркіттен пайда болғанбыз деп соларды өздерінің қамқоршысы, қорғаушысы ретінде көреді.2-жүргізуші: Қазақтар құстардың арасынан үкіні қасиетті санап, оның қауырсындарын әр түрлі зиянды бәлекеттерден сақтайды деп жорыған. Сондықтан да үкінің қауырсындарын жас балаларға тағу сән-салтанаттылықты емес, қайта көз тиіп, сұқ қадалмасын деген ниеттен туған. Көпшілік алдына шығатын әншілер-бишілердің үкі қауырсынын тағуы да осындай пиғылдан сақтасын деген ниетпен таққан. Олай болса, құстар туралы видеороликке назар аударайық.1-жүргізуші: Құс сұлуы аққулар,Табиғат көркін сыйлаған.Мылтығын кезіп еш мерген,Атуға көзін қимаған. Сұлулыққа паш етіп, Жырлаған талай ақындар. Нәзік үнді көл көркі,Аққу деген киелі Құс патшасы аты бар.Көліне аққу –қазы қонған қуаныш думаның ұзағынан болсын деген ниетпен , 4-сынып қыз балаларының "Аққу " биін қабыл алыңыздар! 1-жүргізуші: Құстардың өмірін, тіршілігін зерттемеген ғалымдар кемде кем. Ақын жазушыларымыз да құстар туралы қалам тербеп, құстардың қадір қасиеті мен киесінің зор екендігін өздерінің өлең жырларында жазып қалдырған. Желбіреген көк туымызда қыран құсымыздың жәйдан жәй бейнеленбегенін бәріміз де білеміз.2-жүргізуші: Махабаббат пен тазалықтың символы-аққу деп, бейбітшіліктің символы көгершін деп білуіміздің өзінде үлкен мән жатыр. Осы орайда, Құстар туралы жұмбақтар, мақал-мәтелдер мен болжамдарды да айта кетуіміз керек емес пе?!Ендеше, 4-сынып оқушыларын ортаға шақырайық.1- жүргізуші: Ауылдың шығып алып қыр бетіне, Аймақтың көз жіберші келбетіне. Сансыз құс алуан ырғақ, алуан үнімен Сайрайды гүлді көктем құрметіне4-сынып оқушысы Көшетерова Дильназды "Қасқалдақ" әнімен ортаға шақырайық

1-жүргізуші: Қазақтар қастерлейтін қасиетті құстың бірі – үкі. Үкіні халық киелі құс дейді. Үкінің қауырсынындағы қара жолақ сызықтарда «Құран сөзі» бар деген наным бар. Халқымызда тіл-көз тиюден сақтануға ырым қылып, балаларға оның тұмсығын,тұяғын тұмар орнына тағады. Қауырсынын жас баланың бас киіміне, бесігіне іліп қояды және жастардың киімдеріне, түскиіз, домбыраға тағады. Демек,сәндік үшін де қолданылады. «Үкідей ұшу»,«үкідей көзі жарқылдау», «үкідей желкілдеу», «үкідей бұлғаңдау» деген теңеулер қалыптасқан.2-жүргізуші: Ал бәрімізге таныс, қарға құсына байланысты айта кетейін. Туыстық, жақындықты білдіргісі келгенде «қарға тамырлы қазақ» дейді. Бір-екі баласының барын «бір-екі қарға ұстап отырмыз ғой» деп сездірген. Сүйген баласынааналар «қарғам-ау» дейді. «Қарға қарғаның көзін шоқымайды», «Тозған қазды топтаған қарға алады», деген мақал да кездеседі. «Қарға баласын аппағым дер, Кірпі баласын жұмсағым дер» сияқты мақал-мәтелдер басқа түркі тілдес тілдерде де кездеседі.Ендеше құстар туралы видеороликке назар аударайық

1-жүргізуші: Аққу құсы ақ түсті болып келетін әдемі құс , қазақ халқы сондықтанда оны киелі құс деп санап, сұлулыққа теңеген. Құстардың ішінен жұптасып өмір сүретін бірден-бір құс болып табылады. Қазақ халқы инабатты, ибалы қасиеттерді бойына сіңірген қыздарын да аққуға теңеген.

Олай болса, әдемі аруларымыздың әдемі "Аққу" биін тамашалайық.3-сынып қыз балаларының орындауында

1-жүргізуші: Бейбітшілік құсы - менмін көгершін, Жер жүзінде бейбіт еңбек көгерсін, Аспан тұнық ,шат көңілді болайық, Ақ ниетті адал жандар көбейсін

5-сынып оқушыларының Ақкөгершін әнін қабыл алыңыздар"

Ойын:

2-жүргізуші: Ән толды аспанға,Құс қонды жас талға.Бақыт кеп қол алғандай.Құстарды мен тостым,Айғайлап ән қостым,Арманым оралғандай,-деп Ақжолды мәнерлеп оқуымен ортаға шақырайық.1- жүргізуші:Қайда кетіп барасыңдар қай маңға,Солдаттардай сап түзеген майданға.Еркін құтар жаратылған сайрауғаЕріктісің, сайраңдар ау, сайраңда3-сынып қыз балаларының "Құстар қайтып барады" әнімен қарсы алайық2-жүргізуші:Оянып бар табиғат ұйқысынан,Жадырап құтылғандай құс қамынан.Көктемді шуға бөлеп, әнге ораған,Тыңдаймыз алуан сыр жыл құсынан. Сонымен, құстар- қанаттылар , адамзат баласының қанатты достары. Оларға үнемі қамқорлық жасап, қорғауымыз әр адам алдындағы міндет. Мерекелік кешімізді аяқтамас бұрын сөз кезегін апайға береміз.1-жүргізуші: Бүгінгі кешімізге келген көрермендерге және белсене атсалысқан мектеп оқушыларына алғыс айтамыз. Осымен "Қанатты достар" мерекелік кешіміз аяқталды. Аман, сау болыңыздар!

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!