Тақырыбы: "Рәміздер-тәуелсіздік белгісі"

Мақсаты: Қазақастан Республикасының мемлекеттік рәміздерін, оның құрылу тарихын,мемелекеттік атрибуттардың мәні мен рөлін зерделету,авторларын таныстыру.Қоғамның рухани бірлігі мен сабақтастығын нығайту, азаматтық, елжандылық, Қазақстанға сүйіспеншілікке,Рәміздерін қастерлеу рухына тәрбиелеу.

Көрнекілігі: Қазақстан Республикасы рәміздерінің суреті, авторлардың суреті, шарлар, шекара бекетінің суреті, шекарашы киімі.

Барысы.

1.Ұйымдастыру.

Мұғалім: Қадірменді оқушылар, 4-маусым рәміздер күні.

Бүгін біз рәміздер туралы пікірлесеміз.

Екі топқа бөлінеміз. "Достық" "Бірлік"

"Сұрақ-жауап"әдісі

1).Отаның қалай аталады?

2).Мемлекетіміздің Президенті кім?

3).Мемлекетіміздің астанасы қалай аталады?

4).Ата заңдарың бар ма? Ол қашан қабылданды?

5).Сен тұратын облыс қалай аталады?

6).Облыс орталығы қай қала?

7).Мекен-жайыңды айт.

8).Отан туралы мақал-мәтел айт.

9).Ауданың қалай аталады?

10). Ауылың қалай аталады?

11).Биыл Тәуелсіздікке қанша жыл болды?

Мұғалім:

Біздің еліміз Тәуелсіз мемлекет.Әр мемлекеттің өз заңы,өз президенті, өз рәміздері болады.

Рәміздер дегеніміз –түрлі заттар мен ұғымдардың бірлесуі. Біз белгілер әлемінде өмір сүреміз.

Қандай да бір мемлекет болмасын оның алғашқы қадамы өз Туы,Елтаңбасы, Гимннен басталу керек.Бұл олардың ел Тәуелсіздігі мен егемендігінің белгісі болып табылады.

Президент Нұрсұлтан Назарбаевтың мемлекеттің жаңа рәміздерін қабылдауға ерекше мән беруі де осыған байланысты.

Рәміздерімізді атайық? «Гимн», «Елтаңба», «Ту».

Енді осы рәміздеріміздің авторлары туралы не білетінімізді еске түсірейік.

Гимннің сөзін кімдер жазды? (Нұрсұлтан Назарбаев,Жұмекен Нәжімеденов)

Гимннің әнін кім жазды? (Шәмші Қалдаяқов)

«Елтаңба» авторы кім?(Шотаман Ыдырысұлы Уәлиханов, Жандарбек Мәлібекұлы)

Мемлекеттік Тудың авторы кім? (Шакен Оңласынұлы Ниязбеков).

Есіңе сақта!

Қазақстан Республикасының азаматтары, сонымен қатар Қазақстан Республикасының аймағында жүрген адамдардың барлығы Қазақстан Республикасының Туын,Елтаңбасын,Гимн қадірлеуге міндетті.

"Ой қозғай" сәті

-Өз Отаныңды мақтан ету үшін,қадірлей білу үшін не істеуіміз керек?…

-Рәміздер болмаса не болар еді?…

-Рәміздердің мақсаты не?…

Қорытынды. Рефлексия

Бүгін біз не туралы білдік?