Сабақ мақсаты:

Дұрыс әрекет арқылы шаңырақ жарастығы мен сыйластығы туралы түсініктерін тереңдету.

Міндеттері:

• Риясыз кеңпейілділік көрсете білуге түсіндіру

• Отбасы алдындағы парыз туралы түсініктерін дамыту

• Отбасында өзара қарым-қатынасын ризашылықпен орындауға тәрбиелеу

Ресурстар:

(құралдар, мәліметтер)

(проектор, видеоролик, Бетховен "Періштелер әуені").

Сабақ барысы

1.Ұйымдастыру кезеңі. Оңтайлы күйге келтіру сәті.

Табиғат дыбыстары.

-Сіздерден аяқ-қолдарыңызды айқастырмай, түзу отыруларыңызды өтінемін. Арқаларыңызды тік ұстап, терең тыныс алып, көздеріңізді жұмыңыздар.

Сіз табиғаттың ең көркем жерінде екеніңізді елестетіңіз. Сіз жұмсақ, жасыл шалшықта жалаң аяқ жүрсіз. Жасыл шөп сіздің аяғыңызды сипап жатқан сезімде боласыз. Күннің көзі жер бетін қыздыруда. Сіз гүлдің, шөптің және балдың иісін сезесіз. Сіз өзеннің сыңғырлағанын, көңілді құстар ән салып жатқанын естисіз ... Қоршаған айналаның тыныштығына көңіл бөліңіз...Ал, енді сыныпқа оралайық. Жаймен көзіңізді ашуға болады. Рахмет.  

2.Үй тапсырмасын тексеру.

Мен қазақ баласымын . Ермек Өтетілеуов (48-бет)

-     Бір шаңырақта тұратын адамдар арасында қандай сыйластық болады?

 -    Өз отбасыңның сыйластығы туралы не айтар едің?

Дәйексөз:     «Шаңырақ сәні – сыйластық»

Халық даналығы

• Сән сөзінің мағынасы қандай?

• Сыйластық дегенді қалай түсінесіңдер?

       3.   Әңгімелесу:

Сүйіспеншілік Әбдірахман Асылбеков

(48-49 бет)

Базарға барайын деп сыртқа шыққан әйел есіктің артында отырған үш қарияны көріп, тұрынқырап қалады да, бір ниетімен үйне шақырады. Сонда қариялардың біреуі: «Біз шақырған жерге үшеуміз бірге бармаймыз»,- дейді. – Оң жақтағы досым – Байлық, сол жақтағым болса – Сәттілік. Менің атым Сүйіспеншілік. Өзін, жолдастарын таныстырғаннан кейін Сүйіспеншілік әйелге былай деп талап қойды:

• Қазыр үйіңізге барып, үй иесімен ақылдасыңыз.

Үшеуіміздің біреуімізді ғана шақыруға құқыларыңыз бар. Қайсымыз баратынымызды өздеріңіз айтасыздар, - деді.

... Әйел Сүйіспеншіліктің талабын үй иесіне айтқанда,

қатты қуанған ол: «Қандай жақсы, қандай жақсы»- деп қайталай берді. – Кімді шақыру еркіндігін бізге берді емес пе? Біз «Байлықты шақырайық, үйіміз бірден молшылыққа кенелсін». Үй иесіне көңілі толмаған әйелі: «Сәттілікті шақыруға қалай қарайсың?» – депті. Екеуі ортақтасып, мынадай шешімге келеді: «Негізінде, ең асылы, «Сүйіспеншілік» қой деймін. Ол бар жерде біз бақытты боламыз».

Есікті ашқан әйел үш ақсақалға: «Қайсыңыз

Сүйіспеншіліксіз? Төрлетіңіз. Сізді шақыруды ұйғардық»,- деді. Сүіспеншілік орнынан тұрды да, үйге беттеді. Жолдастары да орныдарынан тұрып, оның артынан үйге қарай жүрді. Аң-таң болған жас әйел Байлық пен Сәттілікке: «Тек біреуіміз ғана бара аламыз деп айтып едіңіздер...» - деді.Қариялар:

• «Егер тек қана Байлықты немесе Сәттілікті

шақырсаңыз, басқа екеуміз далада отырар едік. Бірақ та сіздер Сүйіспеншілікті шақырдыңыздар. Сол үшін үшеуміз бірге баруымыз керек», -дейді.

• «Өйткені Сүйіспеншіліктің жүрген жерінде біз Байлық

пен Сәттілік қашанда қасындамыз».

4. Сұрақтар:

1. Әйелдің есіктің алдындағы бейтаныс қарияларды үйіне қонаққа шақыруын қалай түсіндіңдер?

2. Қариялар неліктен үйіне кімді шақыру керектігін үй иесімен ақылдасуды тапсырды?

3. Үй иелері неліктен сүйіспеншілікті таңдады?

4. «Сүйіпеншіліктің жүрген жерінде біз-Байлық пен Сәттілік қашанда қасындамыз» деген жауапты қалай түсіндіңдер?

5. Баланың ата -анаға деген парызын қалай түсінесің?

5. Шығармашылық жұмыс, топтық жұмыс.

 «Мерекелік кесте» - жасау 
- Балалар, әр күнді (үйдегі, сыныптағы, мектептегі) ұмытылмас мереке етіп өткізуге болады. Қалай дейсіңдер ғой? Ол үшін мынадай мерекелік кесте жасап алу қажет деп ойлаймын. 
Күн атауы Мерекелік іс - шаралар 
Дүйсенбі 
Сейсенбі 
Сәрсенбі 
Бейсенбі 
Жұма 
Сенбі 
Жексенбі 
- Тапсырманы орындап болған соң, әр топ талдау жасайды. 

6. Топпен ән айту

"Бала тілегі" әні

Әні: Ф.Жолдасова

Сөзі: С.Молдасанұлы

1. Бал балалық, балдырған шақ сан арман,

Барлық бала армандауға жаралған.

Кел достарым, әндетіңдер, билеңдер,

Гүлдесін деп атамекен қара орман.

Қайырмасы:

Ла ла ла ла ла ла

Ла ла ла ла ла ла

2. Нұрлы шақтың иесіміз бәріміз,

Туған жердің түлегіміз, нәріміз.

Алтын бесік ұлан байтақ елімде,

Жарқын болсын шырқап айтар әніміз.

Қайырмасы:

3. Қалықтаған көгершінім көгімде,

Мұңаймасын ешбір бала елімде.

Атамекен батаменен көркейсін,

Ұлы Отаным,тірегімсің менің де.

Қайырмасы:

7.Үй тапсырмасы:

Көмек . Ертай Ашықбаев (50-бет)

8.Сабақтың қорытынды сәті:

Мен сендердің шаңырақтарыңа шын жүрегімнен бақыт тілеймін. Отбасы алдындағы парыздарыңды дұрыстап өтеп, отбасымызды ризашылыққа бөлейік. Ал енді балалар, бір минут тыныштықта бүгінгі сабақта үйренген жақсы қасиеттерді еске түсіріп, жүректеріңізге түйіп алыңыздар!

9. Соңғы тыныштық сәті

Бетховеннің “Елизаға” әуені